13.08.2024 - Sveitarstjórn Húnabyggðar

2212008

2407054

2408002

2407053

2407002F

• 5.1 2406032 Umsókn um framkvæmdaleyfi í Húnabyggð fyrir lokun vatnsaflsvirkjunar við Laxárvatn
  Skipulags- og samgöngunefnd Húnabyggðar - 26 Nefndin gerir ekki athugasemdir fyrir sitt leyti og leggur til við sveitarstjórn að umbeðið framkvæmdarleyfi verði veitt. Bókun fundar Sveitarstjórn samþykkir fyrir sitt leyti að veita framkvæmdaleyfi vegna áforma Rarik.
  
  Samþykkt samhljóða.
• 5.2 2407002 Umsókn frá Vegagerðinni um uppsetningu á skilti.
  Skipulags- og samgöngunefnd Húnabyggðar - 26 Nefndin gerir ekki athugasemdir við að umbeðið leyfi sé veitt, og nánari staðsetning á skiltinu verði valin í samráði við byggingafulltrúa.
• 5.3 2407001 Breyting á aðalskipulagi Húnavatnshrepps, Blöndulína 3
  Skipulags- og samgöngunefnd Húnabyggðar - 26 Skipulags- og samgöngunefnd samþykkir tillögu að skipulagslýsingu og leggur til við sveitarstjórn að hún samþykki lýsinguna til kynningar skv. 1. mgr. 30. gr. skipulagslaga nr. 123/2010.
  Með fyrirvara um samþykki landeigenda á nýjum efnistökusvæðum. Bókun fundar Sveitarstjórn staðfestir afgreiðslu nefndarinnar.
  
  Samþykkt samhljóða.
• 5.4 2407003F Afgreiðslufundur byggingarfulltrúa - 10
  Skipulags- og samgöngunefnd Húnabyggðar - 26 10. afgreiðslundundur byggingafulltrúa lagður fram til kynningar

2407005F

• 6.1 2211004 Fjármál sveitarfélagsins
  Byggðarráð Húnabyggðar - 67 Sigurður Erlingsson ráðgjafi mætti á fundinn undir þessum lið.
  
  Farið var yfir kostnað við gerð ársreiknings Húnabyggðar fyrir árið 2023.
• 6.2 2407024 Útboð vegna nýrrar leikskólabyggingar
  Byggðarráð Húnabyggðar - 67 Tilboð vegna nýrrar fjögurra deildar leikskólabyggingar voru opnuð 25. júní sl. Alls bárust fimm tilboð frá fjórum aðilum. Verkfræðistofan Strendingur sá um útboðið fyrir hönd Húnabyggðar.
  Byggðarráð samþykkir að Strendingur kalli eftir frekari gögnum frá bjóðendum þannig að hægt sé að meta tilboðin endanlega. Stefnt er að því að á næsta fundi sveitarstjórnar í ágústmánuði liggi fyrir endanleg gögn þannig að hægt sé að ganga til samninga. Sveitarstjóra falið að vinna málið áfram.
• 6.3 2407018 Fyrirspurn um akstursstyrk
  Byggðarráð Húnabyggðar - 67 Byggðarráð tekur undir að endurskoða þurfi reglur um styrki vegna frístundaaksturs og felur sveitarstjóra að gera drög að uppfærðum reglum sem nái til allra barna í dreifbýli Húnabyggðar og leggja þau fyrir næsta fund byggðarráðs.
• 6.4 2407019 Kerfill í gamla bænum
  Byggðarráð Húnabyggðar - 67 Byggðarráð tekur jákvætt í erindið og er tilbúið að leggja til óráðstafað land í eigu Húnabyggðar í verkefnið að því gefnu að tilskilin leyfi fáist.
• 6.5 2407022 Erindi frá íbúa á Enni 1 vegna vegaframkvæmda
  Byggðarráð Húnabyggðar - 67 Byggðarráð felur skipulags- og byggingarfulltrúa að kanna forsendur þess að laga heimreið að Enni sem er að hluta til í eigu sveitarfélagsins.
• 6.6 2407015 Almannavarnanefnd í Húnavatnssýslum
  Byggðarráð Húnabyggðar - 67 Byggðarráð samþykkir erindi frá Lögreglustjóranum á Norðurlandi vestra varðandi nýja tilhögun almannavarnanefndar í Húnavatnssýslum.
  
  Bókun fundar Sveitarstjórn staðfestir afgreiðslu byggðarráðs.
  
  Samþykkt samhljóða.
• 6.7 2407023 Erindi frá íbúa vegna ágangsfjár
  Byggðarráð Húnabyggðar - 67 Byggðarráð vísar í bókun sveitarstjórnar Húnabyggðar frá 8. ágúst 2023 (Sveitarstjórn Húnabyggðar - 23. fundur - 08.08.2023 | Húnabyggð (hunabyggd.is)) sem er eftirfarandi:
  Í framlögðu áliti Innviðaráðuneytisins í máli IRN22050047, vísar ráðuneytið málinu til Matvælaráðuneytisins að öðru leyti en því er snýr að stjórnsýslulega hlutanum, þ.e. að sveitarstjórn taki ákvörðun um smölun, þar sem um stjórnvaldsákvörðun sé að ræða. Sveitarstjórn Húnabyggðar telur mikilvægt að álit Matvælaráðuneytisins komi fram í formi leiðbeinandi reglna auk þess að leitað verði til Sambands íslenskra sveitarfélaga þar sem nauðsynlegt er að skýra mikilvæg atriði s.s. um réttarstöðu aðila, hvernig standa skuli að fyrirkomulagi á smölun ágangsfjár, óvissu um ástand girðinga, skilgreiningu á ágangi búfjár og fleiri veigamiklum atriðum þar sem gæta þarf að málsmeðferðarreglum stjórnsýslulaga, þ.m.t. um meðalhóf, rannsóknarskyldu og andmælarétt. Samræmdar skilgreiningar á þessum mikilvægu atriðum þurfa að vera fyrirliggjandi og skýrar áður en unnt er að taka afstöðu um viðbragð og verklag vegna smölunar ágangsfjár í sveitarfélaginu. Sveitarstjórn Húnabyggðar leggur áherslu á mikilvægi þess að mótaðar verði samræmdar leiðbeiningar í samræmi við lög og reglur sem við á. Sveitarstjórn áréttar að almennt er lausaganga búfjár, þ.m.t. sauðfjár, heimil í Húnabyggð og að landeigendum ber að gæta þess að girðingar um land þeirra séu fjárheldar.
  Engin frekari tilmæli og/eða reglur hafa verið settar fram af Matvælaráðuneytinu og er því staða málsins sú sama og á síðasta ári.
  Bókun fundar Sveitarstjórn felur landbúnaðarnefnd og fjallskiladeildum að fjalla um þetta mál og skila til byggðarráðs tillögum að bættu verklagi hvað þessi mál varðar. Þá felur sveitarstjórn sveitarstjóra að hlutast til um að skoðun fari fram á girðingum viðkomandi lögbýlis og hvort þær séu fjárheldar.
  
  Sveitarstjórn áréttar að þetta mál hefur þegar verið tekið fyrir og um það bókað á 23. fundi sveitarstjórnar 8. ágúst 2023.
  
  Samþykkt samhljóða.
• 6.8 2407010 Gjaldfrjálsar skólamáltíðir
  Byggðarráð Húnabyggðar - 67 Lagt fram til kynningar.
• 6.9 2407009 Kjarasamningar SÍS 2024-2028
  Byggðarráð Húnabyggðar - 67 Lagt fram til kynningar.
• 6.10 2407008 Ársreikningur Eyvindarstaðaheiði ehf. 2023
  Byggðarráð Húnabyggðar - 67 Lagt fram til kynningar.
• 6.11 2407016 Fundargerðir 949. og 950. fundar stjórnar SÍS
  Byggðarráð Húnabyggðar - 67 Lagt fram til kynningar.
• 6.12 2407014 Fundargerð 73. fundar stjórnar samtaka orkusveitarfélaga
  Byggðarráð Húnabyggðar - 67 Lagt fram til kynningar.
• 6.13 2407013 Fundargerð 110. fundar stjórnar SSNV
  Byggðarráð Húnabyggðar - 67 Lagt fram til kynningar.
• 6.14 2407012 Fundargerð 23. fundar fagráðs um málefni fatlaðs fólks
  Byggðarráð Húnabyggðar - 67 Lagt fram til kynningar.

2407009F

• 7.1 2407028 Erindi frá Torfæruklúbbnum
  Byggðarráð Húnabyggðar - 68 Byggðarráð samþykkir fyrir sitt leyti að leyfa akstur torfærubíls yfir ós Blöndu í tengslum við Húnavöku og torfærukeppni sem haldin verður laugardaginn 20. júlí. Passa skal upp á að truflun verði sem minnst fyrir íbúa og lífríki svæðisins og allt mögulegt rask verði lagfært í kjölfarið. Fyrir liggur samþykki Veiðifélags Blöndu og Svartár og sveitarstjóra falið að hafa samband við Lögreglustjóra Norðurlands vestra og Björgunarfélagið Blöndu vegna atriðisins og gæslu á svæðinu.

2407008F

• 8.1 2407039 Húnavaka 2024
  Atvinnu- og menningarnefnd Húnabyggðar - 14 Kristín Ingibjörg Lárusdóttir menningar-, íþrótta- og tómstundafulltrúi kom á fundinn undir þessum lið og kynnti dagskrá Húnavöku 2024.
• 8.2 2406014 Vatnsdæla á refli
  Atvinnu- og menningarnefnd Húnabyggðar - 14 Atvinnu- og menningarnefnd tekur jákvætt í erindið um varðveislu á reflinum. Rætt var um mögulegar leiðir til að varðveita refilinn og leggur nefndin til að starfshópur verði myndaður um framtíð verkefnisins.
• 8.3 2407036 Forgangsverkefni áfangastaðaáætlunar 2024
  Atvinnu- og menningarnefnd Húnabyggðar - 14 Atvinnu- og menningarnefnd felur sveitarstjóra að auglýsa umsóknir um tillögur um forgangsverkefni sveitarfélagsins fyrir áfangastaðaáætlun 2024 á heimasíðu sveitarfélagsins. Nefndin mun vinna úr umsóknum íbúa í kjölfarið á næsta fundi. Bókun fundar EA tók ekki þátt í afgreiðslu þessa máls.
• 8.4 2407037 Vatnsdæluhátíð 2024
  Atvinnu- og menningarnefnd Húnabyggðar - 14 Elfa Þöll Grétarsdóttir kom á fundinn undir þessum lið og kynnti drög að dagskrá Vatnsdæluhátíðar 2024.
• 8.5 2206034 Önnur mál
  Atvinnu- og menningarnefnd Húnabyggðar - 14 Rætt var um möguleg framtíðarverkefni á sviði atvinnu og menningar í sveitarfélaginu s.s. skiltagerð í þéttbýli og dreifbýli, götukort og gönguleiðakort.

2407010F

• 9.1 2407034 Tillaga um fjárveitingu styrkvegaframlaga
  Landbúnaðarnefnd Húnabyggðar - 12 Landbúnaðarnefnd gerir eftirfarandi tillögu að úthlutun fjármuna til styrkvega:
  
  Fjallskiladeild Grímstungu og Haukagilsheiðar - 2.800.000 kr.
  Fjallskiladeild Engihlíðarhrepps - 100.000 kr.
  Fjallskiladeild Bólstaðarhlíðarhrepps - 1.000.000 kr.
  Fjallskiladeild Auðkúluheiðar - 300.000 kr.
  
  Miðað við ástand vega á afréttum Húnabyggðar í vor telur landbúnaðarnefnd æskilegt að úthluta fjármunum í styrkvegagerð þannig að vegir í fjallskiladeild Grímstungu og Haukagilsheiðar séu færir ökutækjum til fjárflutninga eins og í öðrum fjallskiladeildum Húnabyggðar.
  Ástand vega í öðrum fjallskiladeildum í vor var viðunandi en einungis þurfti að fara í minniháttar framkvæmdir.
  
  Fjallskilastjórnir sjá um framkvæmdir við styrkvegi á sínum svæðum. Vinnu við styrkvegi skal vera lokið fyrir fyrstu göngur og lokafrestur til að skila inn reikningum vegna vinnunnar er 15. október nk. Fjallskilastjórnir skulu jafnframt skila greinargerð um framkvæmdir ársins til sveitarstjóra.
  
  Samþykkt samhljóða. Bókun fundar Sveitarstjórn óskar eftir frekari upplýsingum og vísar í afgreiðslu fjallskilastjóra þar sem fjallskiladeild Grímstungu- og Haukagilsheiða er falið að útbúa kostnaðaráætlun fyrir fyrirhugaðar framkvæmdir.
  
  Samþykkt samhljóða.
• 9.2 2407041 Hreinsunarátak á brotamálmum
  Landbúnaðarnefnd Húnabyggðar - 12 Landbúnaðarnefnd leggur til að farið verði í söfnun á brotamálmum í sveitarfélaginu með þeim hætti að fólki verði gefinn kostur á að fá gáma til sín þeim að kostnaðarlausu og fylla þá af brotamálmum.
  Skrifstofa Húnabyggðar mun sjá um skráningu og skipulag á söfnuninni, heppilegast væri að hafa söfnunina seinni part ágúst mánaðar.
  
  Samþykkt samhljóða.
  
• 9.3 2407042 Erindi vegna Öndvegis
  Landbúnaðarnefnd Húnabyggðar - 12 Erindi barst frá íbúa sem gisti í Öndvegi nú í sumar. Ýmislegt er tíundað í því bréfi um smávægilegar lagfæringar sem þarf að ráðast í í Öndvegi svo húsið sé notendavænna. Landbúnaðarnefnd tekur jákvætt í erindið og telur rétt að gera bragarbót á ýmsum atriðum sem nefnd eru á listanum. Erindinu er vísað til afgreiðslu byggðarráðs.
  
  
• 9.4 2206034 Önnur mál
  Landbúnaðarnefnd Húnabyggðar - 12 Umræður urðu á fundinum um girðingarviðhald í sveitarfélaginu og stöðu þess verkefnis.
  Landbúnaðarnefnd óskar eftir því að fá ítarlega sundurliðun á kostnaði við girðingarviðhald í Húnabyggð síðustu tveggja ára.
  
  

2407007F

• 10.1 2407043 Erindi frá fjarskiptasjóði
  Byggðarráð Húnabyggðar - 69 Byggðarráð vísar erindinu til stjórnar Húnanets til frekari umfjöllunar.
• 10.2 2407035 Hönnun nýrrar leikskólalóðar
  Byggðarráð Húnabyggðar - 69 Byggðarráð vísar málinu til frekari greiningar hjá skipulags- og byggingarfulltrúa.
• 10.3 2407048 Verðmat á íbúðir Hnjúkabyggð 27
  Byggðarráð Húnabyggðar - 69 Byggðarráð samþykkir að setja á sölu tvær eignir við Hnjúkabyggð 27. Annars vegar er um að ræða F2136678 sem ákveðið hefur verið að auglýsa til sölu á 22,5 m.kr. og F2136686 sem ákveðið hefur verið að auglýsa til sölu á 23,5 m.kr. Sveitarstjóra falið að sjá til þess að eignirnar verði auglýstar til sölu sem fyrst.
• 10.4 2405012 Raflínunefnd
  Byggðarráð Húnabyggðar - 69 Byggðarráð fagnar afgreiðslu Innviðaráðuneytisins þar sem tekið var undir athugasemdir sveitarstjórna Húnabyggðar og Húnaþings vestra, sem báðar mótmæltu áformum um stofnun raflínunefndar vegna lagningar Holtavörðuheiðarlínu 3.
• 10.5 2407031 Samningur um raforkusölu
  Byggðarráð Húnabyggðar - 69 Byggðarráð felur sveitarstjóra að taka saman kostnað vegna orkunotkunar sveitarfélagsins og kanna hvaða möguleikar eru á þjónustu í þessum málaflokki.
• 10.6 2407034 Umsóknir um styrkvegaframlög
  Byggðarráð Húnabyggðar - 69 Vegagerðin hefur úthlutað Húnabyggð 3.000.000kr. í framkvæmdir við styrkvegi á árinu 2024. Sveitarstjóra falið í samstarfi við fjallskilanefndir og landbúnaðarnefnd að skilgreina þau verkefni sem farið verður í á árinu.
• 10.7 2407045 Svar Jöfnunarsjóðs við umsókn vegna bætts aðgengis fatlaðs fólks
  Byggðarráð Húnabyggðar - 69 Byggðarráð óskar eftir frekari skýringum á því af hverju hærri styrkur fékkst ekki í aðgengisverkefni Húnabyggðar á síðasta ári og felur sveitarstjóra að kanna forsendur styrkveitingarinnar.
• 10.8 2407032 Stöðuskýrsla í úrgangsmálum
  Byggðarráð Húnabyggðar - 69 Byggðarráð fagnar því að hafnar séu tilraunir með móttöku heyrúlluplasts og bindur vonir við að þessar tilraunir sem og aðrar sem fyrirhugaðar eru muni verða til þess að lækka sorphirðugjöld íbúa Húnabyggðar.
• 10.9 2407029 Norðurá - minnisblað fundargerða og samantekt urðurnartalna
  Byggðarráð Húnabyggðar - 69 Heildarmagn til urðunar í Stekkjarvík fer minnkandi sem væntanlega má að einhverju leyti þakka aukinni áherslu á flokkun úrgangs þó blandað sorp frá heimilum aukist milli ára. Byggðarráð vekur athygli á þeirra gríðarlegu aukningu af asbesti, ketilryki og kolasalla sem kemur til urðunar og óskar eftir frekari upplýsingum um ástæður þess. Sveitarstjóra falið að afla þessara upplýsinga.
• 10.10 2407053 Siðareglur
  Byggðarráð Húnabyggðar - 69 Byggðarráð samþykkir fyrir sitt leyti framlagðar siðareglur kjörinna fulltrúa Húnabyggðar og vísar siðareglunum til staðfestingar sveitarstjórnar.
• 10.11 2407030 Erindi frá Lögreglustjóranum á Norðurlandi vestra
  Byggðarráð Húnabyggðar - 69 Lagt fram til kynningar.
• 10.12 2407044 Ný þjóðhagsspá Hagstofu
  Byggðarráð Húnabyggðar - 69 Lagt fram til kynningar.
• 10.13 2407046 Ársreikningur Tónlistarskóla A-Hún 2023
  Byggðarráð Húnabyggðar - 69 Lagt fram til kynningar.
• 10.14 2407047 Fundargerð samráðsnefndar SNS og BSRB
  Byggðarráð Húnabyggðar - 69 Lagt fram til kynningar.
• 10.15 2407052 Fjárhagsáætlun fjallskiladeildar Auðkúluheiðar
  Byggðarráð Húnabyggðar - 69 Byggðarráð felur sveitarstjóra að óska eftir frekari upplýsingum á bak við fjárhagsáætlun fjallskiladeildar Auðkúluheiðar.

2407011F

• 11.1 2407057 Umræða um fjárhagsáætlun 2024
  Byggðarráð Húnabyggðar - 70 Sigurður Erlingsson ráðgjafi kom á fundinn undir þessum lið.
  
  Farið var yfir fjárhagslega stöðu Húnabyggðar fyrstu fimm mánuði ársins, stöðu fjárhagsáætlunar o.fl.
• 11.2 2407055 Erindi frá stjórn Fjallskiladeildar Auðkúluheiðar
  Byggðarráð Húnabyggðar - 70 Byggðarráð felur sveitarstjóra að ræða við fjallskiladeildir um úthlutun fjármagns til verkefna vegna fjallskila.
• 11.3 2407058 Umsagnarbeiðni - rekstrarleyfi UNA Travel
  Byggðarráð Húnabyggðar - 70 Byggðarráð veitir erindinu jákvæða umsögn fyrir sitt leyti. Bókun fundar Sveitarstjórn staðfestir bókun byggðarráðs.
  
  Samþykkt samhljóða.
• 11.4 2407054 Fjárhagsáætlanir fjallskiladeilda
  Byggðarráð Húnabyggðar - 70 Byggðarráð samþykkir framlagðar fjárhagsáætlanir fjallskiladeildar Auðkúluheiðar annars vegar og fjallskiladeildar Grímstungu- og Haukagilsheiðar hins vegar.
• 11.5 2407056 Húsnæðis og mannvirkjastofnun - Breytingar á húsaleigulögum
  Byggðarráð Húnabyggðar - 70 Lagt fram til kynningar.

2408001F

• 12.1 2408001 Grunn- og leikskólagjöld á Skagaströnd
  Byggðarráð Húnabyggðar - 71 Lögð fram gjaldskrá sveitarfélagsins Skagastrandar vegna vistunar leikskóla- og grunnskólabarna á skólaárinu 2024-2025. Byggðarráð óskar eftir því að reikningar vegna þessarar þjónustu verði sundurliðaðir þannig að sjá megi hvernig skipting einstakra kostnaðarliða eru skilgreindir.
• 12.2 2407050 Vegagerð við Ennisbraut
  Byggðarráð Húnabyggðar - 71 Verðkönnun var gerð vegna framkvæmda við Ennisbraut og var hún send á sjö aðila. Eingöngu bárust kostnaðartölur frá einum aðila og voru þær yfir kostnaðaráætlun verksins. Byggðarráð hafnar framlögðum kostnaðartölum og felur skipulags- og byggingarfulltrúa að leita annarra leiða til að koma verkefninu í framkvæmd sem fyrst.
• 12.3 2301007 Húnabyggð - Sala eigna
  Byggðarráð Húnabyggðar - 71 Byggðarráð samþykkir að setja á sölu eign F2137020 íbúð 010102 við Húnabraut 42. Ásett söluverð skal vera 26.500.000kr. Sveitarstjóra falið að koma eigninni í auglýsingu sem fyrst.