11.07.2024 - Byggðarráð Húnabyggðar

Sigurður Erlingsson ráðgjafi mætti á fundinn undir þessum lið.

Farið var yfir kostnað við gerð ársreiknings Húnabyggðar fyrir árið 2023.

Tilboð vegna nýrrar fjögurra deildar leikskólabyggingar voru opnuð 25. júní sl. Alls bárust fimm tilboð frá fjórum aðilum. Verkfræðistofan Strendingur sá um útboðið fyrir hönd Húnabyggðar.
Byggðarráð samþykkir að Strendingur kalli eftir frekari gögnum frá bjóðendum þannig að hægt sé að meta tilboðin endanlega. Stefnt er að því að á næsta fundi sveitarstjórnar í ágústmánuði liggi fyrir endanleg gögn þannig að hægt sé að ganga til samninga. Sveitarstjóra falið að vinna málið áfram.

Byggðarráð tekur undir að endurskoða þurfi reglur um styrki vegna frístundaaksturs og felur sveitarstjóra að gera drög að uppfærðum reglum sem nái til allra barna í dreifbýli Húnabyggðar og leggja þau fyrir næsta fund byggðarráðs.

Byggðarráð tekur jákvætt í erindið og er tilbúið að leggja til óráðstafað land í eigu Húnabyggðar í verkefnið að því gefnu að tilskilin leyfi fáist.

Byggðarráð felur skipulags- og byggingarfulltrúa að kanna forsendur þess að laga heimreið að Enni sem er að hluta til í eigu sveitarfélagsins.

Byggðarráð samþykkir erindi frá Lögreglustjóranum á Norðurlandi vestra varðandi nýja tilhögun almannavarnanefndar í Húnavatnssýslum.

Byggðarráð vísar í bókun sveitarstjórnar Húnabyggðar frá 8. ágúst 2023 (Sveitarstjórn Húnabyggðar - 23. fundur - 08.08.2023 | Húnabyggð (hunabyggd.is)) sem er eftirfarandi:
Í framlögðu áliti Innviðaráðuneytisins í máli IRN22050047, vísar ráðuneytið málinu til Matvælaráðuneytisins að öðru leyti en því er snýr að stjórnsýslulega hlutanum, þ.e. að sveitarstjórn taki ákvörðun um smölun, þar sem um stjórnvaldsákvörðun sé að ræða. Sveitarstjórn Húnabyggðar telur mikilvægt að álit Matvælaráðuneytisins komi fram í formi leiðbeinandi reglna auk þess að leitað verði til Sambands íslenskra sveitarfélaga þar sem nauðsynlegt er að skýra mikilvæg atriði s.s. um réttarstöðu aðila, hvernig standa skuli að fyrirkomulagi á smölun ágangsfjár, óvissu um ástand girðinga, skilgreiningu á ágangi búfjár og fleiri veigamiklum atriðum þar sem gæta þarf að málsmeðferðarreglum stjórnsýslulaga, þ.m.t. um meðalhóf, rannsóknarskyldu og andmælarétt. Samræmdar skilgreiningar á þessum mikilvægu atriðum þurfa að vera fyrirliggjandi og skýrar áður en unnt er að taka afstöðu um viðbragð og verklag vegna smölunar ágangsfjár í sveitarfélaginu. Sveitarstjórn Húnabyggðar leggur áherslu á mikilvægi þess að mótaðar verði samræmdar leiðbeiningar í samræmi við lög og reglur sem við á. Sveitarstjórn áréttar að almennt er lausaganga búfjár, þ.m.t. sauðfjár, heimil í Húnabyggð og að landeigendum ber að gæta þess að girðingar um land þeirra séu fjárheldar.
Engin frekari tilmæli og/eða reglur hafa verið settar fram af Matvælaráðuneytinu og er því staða málsins sú sama og á síðasta ári.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.