08.04.2025 - Sveitarstjórn Húnabyggðar

2504008

2411042

2503003F

• 3.1 2503012 Áhrif kjarasamninga grunnskóla- og leikskólakennara
  Byggðarráð Húnabyggðar - 99 Sigurður Erlingsson kom inn á fundinn undir þessum lið og fór yfir þann kostnað sem hlýst af nýgerðum kjarasamningum við kennara. Bókun fundar Samkvæmt úttekt KPMG eru áhrif nýrra kjarasamninga við kennara u.þ.b. 30 milljónir til hækkunar á árinu 2025 sem rúmast innan þeirra hækkanna sem fjárhagsáætlun Húnabyggðar gerði ráð fyrir á árinu 2025.
• 3.2 2503013 Heimilisiðnaðarsafnið
  Byggðarráð Húnabyggðar - 99 Byggðarráð leggur til við sveitarstjórn að samþykkja að taka yfir rekstur Heimilisiðnaðarsafnsins en sveitarfélagið Skagaströnd og Samband austur-húnverskra kvenna (SAHK) hafa ákveðið að segja sig frá stofnuninni. Ákvörðun þessi er tekin samhliða slitum á byggðasamlögum.
  
  Bókun fundar Sveitarstjórn fagnar því að loksins er komin niðurstaða í framtíðar rekstrargrundvöll Heimilis-iðnaðarsafnsins en ljóst er þó að þetta mun þýða aukinn kostnað fyrir sveitarfélagið þar sem Húnabyggð mun núna eitt standa að rekstri safnsins. Þá er ennþá eftir að skilgreina framtíðar rekstarform safnsins og annarra safna sem heyra undir Húnabyggð.
  Viðauki nr. 2, hækkun á framlagi til Heimilisiðnaðarsafnsins upp á 2,5 milljónir kr. sem mætt verður með aukningu á framlagi til menningarmála í fjárhagsáætlun Húnabyggðar.
  Viðauki staðfestur af sveitarstjórn Húnabyggðar með níu atkvæðum samhljóða.
  
• 3.3 2503014 Sértæk verkefni sóknaráætlunarsvæða (C1)
  Byggðarráð Húnabyggðar - 99 Byggðarráð fagnar því að Húnabyggð hafi fengið 13,4 milljóna styrk vegna sértækra verkefna á sóknaráætlunarsvæðum (C1) en verkefnið sem fékk styrk tengist uppbyggingu í gamla bænum. Þessi styrkur mun hjálpa þeirri uppbyggingu mikið sem þar stendur yfir. Bókun fundar Sveitarstjórn tekur undir bókun byggðarráðs og fangar nýfengnum C1 styrk vegna uppbyggingar í gamla bænum. Samkvæmt umsókn Húnabyggðar um styrkinn er þetta markmið verkefnisins:
  
  ,,Markmið verkefnisins er að hanna sýn/leikmynd á endurgerð gamla bæjarins á Blönduósi og þróa söguleiðsögn með það að markmiði að efla ferðaþjónustu á svæðinu og skapa ný störf í sveitarfélagi sem stendur frammi fyrir miklum áskorunum í atvinnumálum. Verkefnið skiptist í fjóra verkþætti: öflun gagna um sögu gamla bæjarins, hönnunarvinnu arkitekta, gerð söguleiðsagnar í appi og kynningu á niðurstöðum og markaðssetning.
  
  Mikil uppbygging hefur verið í gamla bænum á undanförnum árum og nokkrir rekstraraðilar hafa þar byggt upp öfluga þjónustu sem byggja má enn frekar upp ásamt því að fleiri aðilar komi inn á svæðið. Sveitarstjórn vill þakka SSNV fyrir aðstoðina við gerð umsóknarinnar en ljóst er að gamli bærinn getur orðið einn sterkasti segull svæðisins fyrir áhugasama gesti sem vilja sækja Húnabyggð heim.
  
• 3.4 2503016 Erindi frá Leikfélagi Blönduós
  Byggðarráð Húnabyggðar - 99 ASS vék af fundi undir þessum lið.
  
  Byggðarráð samþykkir erindið sem snýst um að setja upp ný leiktjöld og drapperingar í bíósal félagsheimilisins.
• 3.5 2503017 Frumkvæðisathugun á aksturþjónustu fatlaðra og eldri borgara
  Byggðarráð Húnabyggðar - 99 Fyrir fundinum lá skýrsla frá Gæða- og eftirlitsstofnun velferðarmála vegna akstursþjónustu fatlaðra og eldri borgara. Byggðarráð felur félagsmálastjóra að skoða athugasemdir sem koma fram í skýrslunni og koma með hugmyndir að úrbótum. Byggðarráð felur jafnframt sveitarstjóra að setja af stað verkefni til að bæta þjónustuna.
• 3.6 2503018 Erindi frá Hjámari Þ. Ólafssyni
  Byggðarráð Húnabyggðar - 99 Byggðarráð fór yfir erindið og felur sveitarstjóra að svara erindinu samkvæmt fyrirmælum byggðarráðs.
  
  
• 3.7 2503019 Mótvægisaðgerðir vegna lokunar sláturhúss KN
  Byggðarráð Húnabyggðar - 99 Ræddir voru möguleikar sveitarfélagsins að hjálpa til hvað varðar þá stöðu sem komin er upp vegna lokunar sláturhússins. Ýmsir aðilar hafa sett sig í samband við starfsmenn og kjörna fulltrúa sveitarfélagsins með hugmyndir um hvernig hægt væri að nota það húsnæði sem sláturhúsið hefur notað. Að svo komnu máli eru þetta einungis hugmyndir og þreifingar og ekkert ennþá sem hönd á festir. Sveitarfélagið mun halda þessum samtölum áfram og er opið fyrir því að ræða slíkar hugmyndir við áhugasama aðila. Þá mun sveitarfélagið einnig ræða málefni húsnæðisins sérstaklega við KN með það fyrir augum að liðka til fyrir notkun nýrra aðila af húsnæðinu eða hluta þess.
  Á sama tíma hefur sveitarfélagið hitt forsvarsmenn KN hér á Blönduósi til að ræða hvernig sveitarfélagið geti aðstoðað starfsmenn fyrirtækisins hér. Fyrirhugð er að halda fund strax á morgun með starfsmönnum KN.
  
• 3.8 2503020 Fjarskiptafélag Skagabyggð ehf.
  Byggðarráð Húnabyggðar - 99 Kjósa þarf nýja stjórn í Fjarskiptafélag Skagabyggðar. Vísað til afgreiðslu sveitarstjórnar. Bókun fundar Oddviti sveitarstjórnar leggur fram tillögu um að stjórn Fjarskiptafélags Skagabyggðar ehf. verið skipuð sömu stjórn og Húnanet en það eru; Auðunn Steinn Sigurðsson, Zophonías Ari Lárusson og Ragnhildur Haraldsdóttir. Samþykkt með sex atkvæðum, þrír sátu hjá (EA, JG, SÞS)
• 3.9 2503021 Erindi frá Veiðifélagi Laxár á Ásum
  Byggðarráð Húnabyggðar - 99 Lagt fram til kynningarþ. Sveitarstjóra falið að vinna málið áfram.
• 3.10 2503022 Erindi frá Landsbyggðin lifi
  Byggðarráð Húnabyggðar - 99 Byggðarráð tekur jákvætt í erindið um að taka þátt og vera upplýst um verkefnið.
• 3.11 2503023 Aukafundur fulltrúaráðs EBÍ 19. mars
  Byggðarráð Húnabyggðar - 99 Byggðarráð skipar sveitarstjóra, Pétur Arason, sem fulltrúa Húnabyggðar á aukafund fulltrúaráðs EBÍ.
• 3.12 2503024 Tillögur um breytingar á samþykktum og þingsköpum SSNV
  Byggðarráð Húnabyggðar - 99 Fyrir fundinum lá ósk frá SSNV um að senda inn breytingatillögur á samþykktum og/eða þingsköpum SSNV. Byggðarráð hefur engar tillögur hvað varðar breytingar á samþykktum og/eða þingsköpum SSNV.
• 3.13 2503015 Fundargerð 119. fundar stjórnar SSNV
  Byggðarráð Húnabyggðar - 99 Lagt fram til kynningar
• 3.14 2503025 Fundargerðir 964. og 971. fundar stjórnar Sambands Íslenskra Sveitarfélaga
  Byggðarráð Húnabyggðar - 99 Lagt fram til kynningar
• 3.15 2503026 Ársskýrsla Stígamóta
  Byggðarráð Húnabyggðar - 99 Lagt fram til kynningar

2503005F

• 4.1 2408023 Aðalskipulag sameinaðara þriggja sveitarfélaga
  Skipulags- og samgöngunefnd Húnabyggðar - 35 Farið var yfir drög af landnýtingarflokkum í þéttbýli og dreifbýli ásamt merkingum á gönguleiðum ofl.
• 4.2 2503029 Ósk Vegagerðarinnar um breytingar á aðalskipulagi vegna efnistökusvæða
  Skipulags- og samgöngunefnd Húnabyggðar - 35 Skipulagsnefnd leggur til við sveitarstjórn að farið verði með breytinguna sem óverulega breytingu á aðalskipulagi í samræmi við 2. mgr. 36. gr. skipulagslaga nr. 123/2010 þar sem hún hefur ekki verulegar breytingar á landnotkun í för með sér eða áhrif á einstaka aðila eða stór svæði. Skipulagsnefnd leggur til við sveitarstjórn að tillagan verði send Skipulagsstofnun til samþykktar með fyrirvara um samþykki landeiganda. Bókun fundar Sveitarstjórn staðfestir afgreiðslu skipulags- og samgöngunefndar og felur byggingar- og skipulagsfulltrúa að senda Skipulagsstofnun tillögu nefndarinnar til samþykktar.
• 4.3 2503030 Ósk um verulega breytingu á Aðalskipulagi Skagabyggðar 2010 - 2030
  Skipulags- og samgöngunefnd Húnabyggðar - 35 Skipulagsnefnd leggur til við sveitarstjórn að skipulagslýsing vegna breytingar á aðalskipulagi verði kynnt íbúum og hagsmunaaðilum í samræmi við 1. mgr. 30. gr. skipulagslaga nr. 123/2010 með fyrirvara um samþykki landeiganda. Bókun fundar Sveitarstjórn staðfestir afgreiðslu skipulags- og samgöngunefndar og felur byggingar- og skipulagsfulltrúa að senda Skipulagsstofnun tillögu nefndarinnar til samþykktar.
• 4.4 2503028 Umhverfis- og samgöngunefnd sendir til umsagnar 147. mál - Skipulag haf- og strandsvæða og skipulagslög
  Skipulags- og samgöngunefnd Húnabyggðar - 35 Lagt fram til kynningar.

2503006F

• 5.1 2503040 Kostnaðaráætlun vegna breytinga á Húnabraut 5
  Byggðarráð Húnabyggðar - 100 Fyrir fundinum lá kostnaðaráætlun vegna breytinga á Húnabraut 5 sem sveitarfélagið keypti af Ámundakinn ehf sem verður framtíðar stjórnsýsluhús sveitarfélagsins. Hnjúkabyggð 33 var seld til Fasteinga ríkisins til að liðka til fyrir sýslumannsembættinu sem þurfti meira pláss vegna fjölgunar starfsmanna. Þá var einnig gert ráð fyrir því í tillögu sameiningarnefndar við sameiningu Húnavatnshrepps og Blönduósbæjar að stjórnsýslu nýs sveitarfélags yrði fundinn nýr staður. Verkefnið gengur vel en ljóst er að kostnaður verður meiri en áætlað var þar sem ástand hússins var verra en ráð var fyrir gert. Setja þurfti gólfhita í öll gólf þar sem ofnalagnir í veggjum voru ónýtar, þakið í eldri byggingunni lekur, skipta þarf um rúður o.fl. Mestu grófframkvæmdirnar eru langt komnar og er t.d. búið að byggja nýtt lyftuhús, opna lokuð rými, opna stórt hurðargat á vesturhlið og leggja allar gólfhitalagnir. Raflagna- og pípulagningarvinna er komin vel á veg og frágangsvinna á efri hæð þar sem skrifstofa sveitarfélagsins verður er hafin. Framkvæmdir sem búnar eru standa í u.þ.b. 40 milljónum.
  Samþykkt var að gera viðauka við fjárhagsáætlun vegna þessara verkþátta sem lagðir verða fyrir á næstunni. Frekari umræðu um kostnaðaráætlunina er vísað til næsta fundar byggðarráðs.
  Bókun fundar Bókun meirihluta:
  
  Fyrir liggur að kostnaðaráætlun vegna breytinga á Húnabraut 5, sem framtíðar stjórnsýsluhús sveitarfélagsins, er hærri en fyrst var áætlað. Eignin sem var í eigu Ámundakinnar ehf. var keypt þar sem Hnjúkabyggð 33 var seld til Fasteigna ríkisins til að liðka til fyrir sýslumannsembættinu sem þurfti meira pláss vegna fjölgunar starfsmanna. Þá var einnig gert ráð fyrir því í tillögu sameiningarnefndar við sameiningu Húnavatnshrepps og Blönduósbæjar að stjórnsýslu nýs sveitarfélags yrði fundinn nýr staður. Verkefnið hefur gengur vel en ljóst er að kostnaður verður meiri en áætlað var þar sem ástand hússins var verra en ráð var fyrir gert. Setja þurfti gólfhita í öll gólf þar sem ofnalagnir í veggjum voru ónýtar, þakið í eldri byggingunni lekur, skipta þarf um rúður o.fl. Af þessum orsökum er ákveðið að veita auka fjárheimild til verkefnisins upp á 60 milljónir sem fjármagnað verður með því að minnka fjármagn í aðrar framkvæmdir í núverandi fjárhagsáætlun um 30 milljónir og með því að hækka fjárfestingaáætlun árins 2025 um 30 milljónir.
  Viðauki nr. 1, hækkun á fjárfestingu vegna nýs stjórnsýlsuhúss um 60 milljónir kr. sem verður mætt með lækkun á öðrum framkvæmdum um 30 milljónir kr. og með hækkun fjárfestingaupphæðar ársins 2025 um 30 milljónir kr.
  
  Samþykkt með 6 atkvæðum. Þrír sátu hjá (EA,JG,SÞS)
  
  EA óskaði eftir fundarhléi 16:05
  Fundurinn hélt áfram 16:22
  
  Viðauki staðfestur af sveitarstjórn Húnabyggðar með 6 atkvæðum samhljóða. þrír sátu hjá (EA,JG,SÞS)
  
  Minnihluti gerir grein fyrir atkvæði sínu:
  
  Kostnaðaráætlun fyrir nýja skrifstofuaðstöðu sveitarfélagsins, hefur nú verið uppfærð, en framkvæmdir hafa þegar staðið yfir um margra mánaða skeið. Uppfærð áætlun hljóðar upp á 100 milj.kr. heildarkostnað á árinu 2025. Því miður virðist þannig stefna í að verkið fari um 60 milj.kr. fram úr upphaflegri áætlun, sem samþykkt var af sveitarstjórn í fjárhagsáætlunargerð fyrir yfirstandandi ár.
  
  Minnihlutinn telur að undirbúningi og kostnaðargreiningu fyrir umrætt verkefni hafi verið verulega ábótavant og frávik frá fjárfestingaáætlun sveitarfélagsins séu óeðlilega há. Einnig hafi of seint verið brugðist við fyrirséðri framúrkeyrslu verkefnisins. Því kjósum við undirrituð að sitja hjá við afgreiðslu viðauka vegna verkefnisins.
  
  Jón Gíslason
  Elín Aradóttir
  Sverrir Þór Sverrisson
  
  ZAL óskaði eftir fundarhléi 16:35
  Fundurinn hélt áfram 16:45
  
  Meirihlutinn vill benda fulltrúum minnihlutans á að ekki er um framúrkeyrslu á verkinu að ræða þar sem ekki er búið að framkvæma fyrir þá upphæð sem áætluð var í fjárhagsáætlun þe. 40 milljónir, og var það ákvörðun fundarins hér í dag að auka fjármagn í verkið til þess að hægt sé að ljúka því sem fyrst með þeim viðbótarverkefnum sem þarf.
  
  
• 5.2 2503051 Erindi frá fulltrúa H-lista vegna framkvæmda við Húnabraut 5
  Byggðarráð Húnabyggðar - 100 Vísað til bókunar í lið 1. í þessari fundargerð um stöðu verkefnisins og áætluð verklok við þann áfanga að koma skrifstofu Húnabyggðar inn í húsnæðið er í maí mánuði. Ákvarðanir um verkframkvæmdir og lokatímasetningu vegna flutnings félagsþjónustu Húnabyggðar inn í húsnæðið liggja ekki fyrir að svo stöddu. Öll leyfi vegna framkvæmdanna eru eins og reglur gera ráð fyrir og yfirumsjón með verkefninun er í höndum sveitarstjóra.
• 5.3 2503041 Málefni skóladagheimilis Húnabyggðar
  Byggðarráð Húnabyggðar - 100 Fundargerð vinnuhóps um húsnæðismál grunn- og leikskóla var lögð fram til kynningar. Vinnuhópurinn mun halda áfram sínu starfi og skila hugmyndum til byggðarráðs fljótlega.
• 5.4 2503042 Aðgerðir vegna lokunar slátuhússins
  Byggðarráð Húnabyggðar - 100 Sveitarfélagið hefur haft milligöngu um atvinnuleit núverandi starfsmanna KN sem sagt var upp störfum á dögunum. Sú vinna hefur gengið vel og eru nú þegar nokkrir komnir með vinnu og eru viðtökur atvinnurekenda á svæðinu mjög jákvæðar. Bókun fundar Frá því að 23 af 27 starfsmönnum Kjarnafæði Norðlenska var sagt upp á Blönduósi þann 28. febrúar s.l. hafa starfsmenn skrifstofu Húnabyggðar verið að vinna að því að tengja saman starfsmenn Kjarnafæði Norðlenska við önnur störf á svæðinu, en það er stuðningur frá sveitarfélaginu Húnabyggð við þessum niðurskurði. Félagsmálastjóri frá félags- og skólaþjónustunni kom einnig að þessu og kynnti fyrir starfsfólkinu þá þjónustu sem er í boði hjá þeim. Búið er að hafa samband við nokkur fyrirtæki á svæðinu sem flest hafa tekið vel í samstarf og auglýst strax laus störf til að þessir starfsmenn hafi tækifæri á að sækja um. Með þessari vinnu höfum við höfum haft aðkomu að nýjum störfum fyrir 10-15 manns en sú vinna er enn í gangi.
• 5.5 2503049 Norðurá bs - Fundagerð 119. fundar stjórnar
  Byggðarráð Húnabyggðar - 100 Fundargerðin lögð fram til kynningar og byggðarráð felur sveitarstjóra að kanna reglur um kosningu stjórnarmanna og hvort að ekki sé komin tími til að Húnabyggð fái stjórnarsæti þó það gerist ekki á næsta aðalfundi. Ennfremur óskar Húnabyggð eftir því að áheyrnarfulltrúum í stjórn verði fækkað og að aðilar utan eigendahóps byggðarsamlagsins séu ekki áheyrnarfulltrúar.
• 5.6 2503043 Endurskoðun á lagnaleið
  Byggðarráð Húnabyggðar - 100 Fyrir fundinum lá kostnaðaráætlun vegna göngubrúar yfir Blöndu sem skoðuð hefur verið til að koma háspennustrengjum yfir ánna. Byggðarráð beinir því til Rarik að ekki sé gert ráð fyrir slíkum framkvæmdum í fjárhagsáætlun Húnabyggðar og að óbreittu muni Húnabyggð ekki koma að fjármögnun verkefnisins
• 5.7 2503044 Svar ráðuneytis
  Byggðarráð Húnabyggðar - 100 Lagt fram til kynningar. Niðurstaða ráðuneytinsins er að synja beiðni Landsnets frá 25. október sl. um skipun sérstakrar raflínunefndar vegna Holtavörðuheiðarlínu 1.
• 5.8 2503045 Niðurstöður að loknu kynningarferli á máli nr. 06132024
  Byggðarráð Húnabyggðar - 100 Erindið varðar nýtt aðalskipulags Skagafjarðar.
  
  Lagt fram til kynningar
• 5.9 2503046 Víkingurinn 2025
  Byggðarráð Húnabyggðar - 100 Sveitarstjóra falið að fá frekari upplýsingar samkvæmt umræðum á fundinum.
• 5.10 2503047 Fundargerð 120. fundar stjórnar SSNV
  Byggðarráð Húnabyggðar - 100 Lagt fram til kynningar
  
  Vegna liðar 1 í fundagerðinni:
  
  Byggðarráð þakkar Katrínu M. Guðjónsdóttur fráfarandi framkvæmdastjóra SSNV fyrir vel unnin störf í þágu sveitarfélganna á Norðurlandi vestra og óskar henni velfarnaðar í nýju starfi. Bókun fundar Vegna liðar 1 í fundagerðinni:
  Sveitarstjórn þakkar Katrínu M. Guðjónsdóttur fráfarandi framkvæmdastjóra SSNV fyrir vel unnin störf í þágu sveitarfélganna á Norðurlandi vestra og óskar henni velfarnaðar í nýju starfi.
  
• 5.11 2503048 Fundargerð 972. fundar stjórnar SÍS
  Byggðarráð Húnabyggðar - 100 Lagt fram til kynningar

2503007F

• 6.1 2411034 Fréttir frá Félags- og skólaþjónustu
  Öldungaráð Húnabyggðar - 9 Félagsmálastjóri og sveitarstjóri upplýstu um stöðu mála. Skipurit er í vinnslu. Stefnt er að því að yfirfærslan eigi sér stað á vormánuðum er Húnabyggð tekur yfir öll verkefni er varða öldrunarþjónustu í Húnabyggð. Bundnar eru vonir við að þjónusta við eldri borgara verði betri með nýju skipulagi, stjórnsýsla verði einfaldari og þjónusta við dreifbýlið einnig betri.
  
  Formaður félags eldri borgara, Ásgerður Pálsdóttir, ræddi m.a. um aksturreglur fyrir eldri borgara sem voru samþykktar á síðasta ári. Ásgerður kynnti reglurnar á fundi sinna félagsmanna í janúar. Ásgerður gerir athugasemd við að reglurnar hafi ekki verið kynntar að öðru leyti, t.d. varðandi umsóknarferil. Ásgerður óskaði einnig eftir upplýsingum möguleika á því að ganga inn í verkefnið "Gott að eldast". Félagsmálastjóri upplýsti að hún og yfirhjúkrunarfræðingur svæðis eigi í samstarfi og fyrirliggjandi er að setja á fót ríkari samvinnu um heimaþjónustu og heimahjúkrun. Þær sama m.a. kynnt sér sambærileg verkefni í nágrannasveitarfélögum.
  
  Liðveitendur hafa sinnt þeim verkefnum er snúa að félagslegri einangrun fólks á svæðinu.
  
  Uppfærsla heimasíðu Félags- og skólaþjónustu er í bið að einhverju leyti þar til að yfirfærsla þjónustunnar komi undir Húnabyggð, og þar með á heimasíðu sveitarfélagsins.
  
  Kristín Ingibjörg Lárusdóttir, er tengiliður við verkefnið "Bjartur lífsstíll" og tengiliður við Félag eldri borgara. Fundurinn gerir það að tillögu sinni að endurvekja og virkja verkefnateymi um Bjartan lífsstíl undir stjórn Kristínar Ingibjargar.
  
  Rætt um upplýsingagjöf til eldri borgara, vöntun á vettvangi þar sem hægt er að kynna þjónustu fyrir eldri borgara, t.d. á heimasíðu eða hvort sé þörf á því að fara aðra leið.
• 6.2 2406031 Dagdeild HSN og Húnabyggðar
  Öldungaráð Húnabyggðar - 9 Fundi 8. öldungaráðs þann 28. nóvember 2024 er svohljóðandi bókun lögð fram, við 2. lið fundargerðar um Dagdvöl, staða mála og næstu skref:
  Dagdvöl aldraðra
  Málið er í vinnslu sveitarstjóra, félagsmálastjóra og yfirhjúkrunarfræðings svæðis HSN. Skv. sveitarstjóra hefur ekki verið unnt að kostnaðarmeta dagdvölina og því ekki verið sett á fjárhagsáætlun eins og er.
  Öldungaráð leggur mikla áherslu á að unnið sé fljótt og vel í þessum málum, og dagdvöl sé a.m.k. sett á fjárhagsáætlun næsta árs.
  
  Óskað var eftir skýrslu um stöðu málsins frá sveitarstjóra, félagsþjónustu og HSN fyrir fund öldungaráðs í dag. Sveitarstjóri flytur munnlega skýrslu, fjármögnun er að mati sveitarstjóra ekki vandamál.
  
  Sveitarstjóri leggur til að Magnús og Kristín Ingibjörg verði fulltrúar sveitarfélagins til að vinna málið áfram í samvinnu við Söru Lind félagsmálastjóra, og Ástu frá Félagsþjónustunni
  
• 6.3 2411033 Fréttir frá Félagi eldri borgara
  Öldungaráð Húnabyggðar - 9 Ásgerður Pálsdóttir, formaður, flytur munnlega skýrslu. Unnið er að leiðréttingu á kjörum eldri borgara, þar sem m.a. hefur verið sent bréf til verkalýðsfélögum á svæðinu og fundað hefur verið með fulltrúm LEB. Fyrirheit eru um í nýjum stjórnarsáttmála um að dregið verði úr skerðingum tekna.
  
  Fjölmenn jólahlaðborð haldið í byrjun desember og stefnt að vorgleði í félagsheimilinu á Blönduósi 8. maí þar sem einnig verða eldri borgarar í nágrannasveitarfélögum.
  
  Ásgerður upplýsti að samtal á sér stað milli félagsins og stjórnenda Húnaskóla um endurvakningu spilaverkefnis þar sem fulltrúar félagsins kenna nemendum í 6. bekk að spila félagsvist.
  
  Aðalfundur félagsins er á miðvikudag 26. mars, leikhúsferð í Freyvang á föstudag 28. mars og í sumar verður skipulögð ferð um Eyjafjörð og Þingeyjarsýslur.
• 6.4 2206034 Önnur mál
  Öldungaráð Húnabyggðar - 9 Ekkert bókað undir þessum lið.

2503008F

• 7.1 2503036 Niðurstöður könnunar um sumarlokun leikskóla
  Fræðslunefnd Húnabyggðar - 20 Í könnun sem send var á foreldra og forráðamenn leikskólabarna kemur fram að 76% vilja hafa sumarlokun leikskólans óbreytt og tekur skóladagatal mið af því.
• 7.2 2503034 Skóladagatal Leikskóla Húnabyggðar 2025-2026
  Fræðslunefnd Húnabyggðar - 20 Sigríður B. Aadnegard leikskólastjóri kynnti tillögu að skóladagatali skólaársins 2025-2026. Skólastjórnendur leik- og grunnskóla hafa haft nokkurt samráð um útfærslu dagatals fyrir skólastofnanir Húnabyggðar sem m.a. tekur til niðurröðunar hluta skipulags- og endurmenntunardaga.
  Tillagan gerir ráð fyrir áþekku skipulagi og skólaárið 2024-2025 og eru starfsdögum skipt bæði í heila daga og dagsparta, sem eru samtals af sama magni og núverandi skólaár.
  
  Fræðslunefnd samþykkir tillögu að skóladagatali Leikskóla Húnabyggðar 2025-2026.
  Bókun fundar Sveitarstjórn staðfestir skóladagatal Leikskóla Húnabyggðar fyrir skólaárið 2025-2026.
• 7.3 2503038 Húsnæðismál leikskóla
  Fræðslunefnd Húnabyggðar - 20 Í lok febrúar var hafist handa við að undirbúa komu eininganna. Einingarnar komu 10. mars og gekk nokkuð vel að setja þær niður. Einangrun var sett undir gólfið og músheldur kantur meðfram öllu húsinu. Búið er að helluleggja milli húsanna og ganga frá girðingu. Búið er að setja upp eldhúsinnréttingu, ganga frá lögnum og rafmagni. Nú er verið að leggja nýtt gólfefni á leikstofuna og mun það hafa góð áhrif á hljóðvist. Næstu skref eru að huga að úttekt frá brunavörnum og heilbrigðiseftirliti. Allt tekur þetta tíma en verkið hefur gengið mjög vel og veðrið hefur verið okkur hliðhollt. Flutt verður inn þegar allt er klárt.
  Með þessari viðbót færast yngstu nemendur skólans úr starfstöð við Félagsheimilið í starfsstöð við Hólabraut. Einnig verður hægt að hafa allan 2021 árganginn á sömu deild.
  
  Fræðslunefnd fagnar hversu hratt og vel verkefnið hefur gengið.
  Bókun fundar Sveitarstjórn tekur undir jákvæða umfjöllun fræðslunefndar um standsetningu eininganna við leikskólann en einingarnar eru tilbúnar og reiknað er með að þær verði formlega teknar í notkun 14. apríl næstkomandi.
• 7.4 2503031 Viðmiðunarreglur við afgreiðslu umsókna um flýtingu eða seinkun á grunnskólagöngu barns
  Fræðslunefnd Húnabyggðar - 20 Dagný Rósa Úlfarsdóttir fræðslustjóri kynnti viðmiðunarreglur við afreiðslu umsókna um flýtingu eða seinkun á grunnskólagöngu barns.
  Fræðslunefnd þakkar Dagnýju Rósu fyrir kynninguna.
  
  Viðmiðunarreglurnar samþykktar samhljóða.
• 7.5 2503055 Skákátak í leik- og grunnskóla
  Fræðslunefnd Húnabyggðar - 20 Í tilefni af 100 ára afmæli Skáksamband Íslands mun í sumar verða margra daga skákhátíð á Blönduósi en sambandið var einmitt stofnað hér. Skákasamband Íslands færði Húnaskóla taflsett að gjöf og teflt var fjöltefli við skólastjóra Skákskóla Íslands. Greinilegur aukinn áhugi er á skák innan veggja skólans og var skákmót haldið í Húnaskóla fyrir 8.-10.bekk. Einnig hreppti sveit Húnaskóla 3. sætið á Íslansdmóti grunnskólasveita í skák.
  Fræðslunefnd fagnar auknum áhuga og hvetur stjórnendur leik- og grunnskóla að nýta sér þann meðbyr sem myndast hefur í tilefni af 100 ára afmæli Skáksambands Íslands. Bókun fundar Sveitarstjórn tekur undir með fræðslunefnd um mikilvægi skákíþróttarinnar og að sett verði áhersla á að efla það starf bæði í leikskóla og sérstaklega grunnskóla. Þá vill sveitarstjórn nota tækifærið og óska ungu skákmönnunum í Húnaskóla sem nýlega urðu í þriðja sæti á Íslansdmóti grunnskólasveita í skák til hamingju með árangurinn.
• 7.6 2503032 Menntastefna
  Fræðslunefnd Húnabyggðar - 20 Samþykkt var að mynda starfshóp til þess að búa til og innleiða menntastefnu Húnabyggðar. Fræðslunefnd samþykkir að fræðslustjóri, skólastjórar leik- og grunnskóla og tveir fulltrúar fræðslunefndar (Ásdís Ýr og Magnús) myndi hópinn.
• 7.7 2503033 Frigg nemendagrunnur MMS
  Fræðslunefnd Húnabyggðar - 20 Dagný Rósa Úlfarsdóttir kynnti verkefnið Frigg nemendagrunnur Miðstöð menntunar og skólaþjónustu. Um er að ræða gagnaskráningu barna í skólakerfinu. Fræðslunefnd fagnar þessarri nýbreytni og leggur formaður til að Anna Margret Sigurðardóttir, aðstoðarskólastjóri verði tengiliður okkar við Frigg. Samþykkt samhljóða.
  
  Fulltrúar leikskóla véku af fundi 15:51.
• 7.8 2503035 Skóladagatal Húnaskóla skólaárið 2025-2026
  Fræðslunefnd Húnabyggðar - 20 Skóladagatal Húnaskóla skólaárið 2025-2026
  
  Skólastjórnendur kynntu tillögu að skóladagatali skólaársins 2025-2026. Skólastjórnendur leik- og grunnskóla hafa haft nokkurt samráð um útfærslu dagatals fyrir skólastofnanir Húnabyggðar sem m.a. tekur til niðurröðunar hluta skipulags- og endurmenntunardaga.
  Skólinn verði settur 21. ágúst 2025 og slitið 5. júní 2026. Fyrirkomulag starfsdaga er með áþekkum hætti og á núverandi skólaári. Auk skipulagsdaga er gert ráð fyrir sérstökum frídögum 6. sept. (réttarfrí), 7. nóv. og 8. nóv.(vetrarfrí) og 5. og 6. mars (vetrarfrí). Húnaskóli hefur ekki áður verið með vetrarfrí tvisvar á skólaári en gerð var könnun meðal foreldra og vildu flestir eða 39.6% þann möguleika af þeim sem í boði voru. Eins var spurt um réttarfrídaginn og vildu 65.3% halda honum á skóladagatali.
  
  Fræðslunefnd samþykkir tillögu að skóladagatali Húnaskóla 2025-2026.
  Bókun fundar Sveitarstjórn staðfestir skóladagatal Húnaskóla fyrir skólaárið 2025-2026.
• 7.9 2503037 Viðmiðunarstundaskrá
  Fræðslunefnd Húnabyggðar - 20 Umræður urðu um viðmiðunarstundaskrá list- og verkgreina vegna fyrirspurna. Skólastjórnendur svöruðu spurningum fræðslunefndarmanna.

2503009F

• 8.1 2503027 Ósk um umsögn á Aðalskipulagi Skagafjarðar, kynningu á vinnslustigi (nýtt aðalskipulag).
  Skipulags- og samgöngunefnd Húnabyggðar - 36 Nefndin felur skipulagsfulltrúa að veita umsögn án athugasemda í skipulagsgátt. Bókun fundar Sveitarstjórn staðfestir afgreiðslu skipulags- og samgöngunefndar.
• 8.2 2503052 Merkjalýsing vegna stofnunar lóðar úr Húnsstöðum
  Skipulags- og samgöngunefnd Húnabyggðar - 36 Nefndin gerir ekki athugasemdir við merkjalýsinguna og felur skipulagsfulltrúa að stofna lóðina og breyta heitum.
• 8.3 2503053 Ósk Vegagerðarinnar um breytingar á aðalskipulagi Húnavatnshrepps vegna efnistökusvæðis við Hnjúk í Vatnsdal.
  Skipulags- og samgöngunefnd Húnabyggðar - 36 Skipulags- og samgöngunefnd leggur til við sveitarstjórn að skipulagsfulltrúa verði falið að auglýsa lýsinguna í samræmi við 1. mgr. 30. gr. skipulagslaga nr. 123/2010.
  Bókun fundar Sveitarstjórn felur byggingar- og skipulagsfulltrúa að auglýsa lýsinguna í samræmi við 1. mgr. 30. gr. skipulagslaga nr. 123/2010.
• 8.4 2503058 Merkjalýsing vegna stofnunar lóðar úr Mosfelli
  Skipulags- og samgöngunefnd Húnabyggðar - 36 Nefndin gerir ekki athugasemdir og felur skipulagsfulltrúa að stofna umbeðna lóð.
• 8.5 2503054 Skipulagsstofnun óskar eftir umsögn Húnabyggðar vegna hluta Skagavegar.
  Skipulags- og samgöngunefnd Húnabyggðar - 36 Nefndin gerir ekki athugasemdir og felur skipulagsfulltrúa að senda inn jákvæða umsögn.
• 8.6 2503056 Umsókn um uppsetningu á auglýsingaskilti.
  Skipulags- og samgöngunefnd Húnabyggðar - 36 Nefndin tekur jákvætt í erindið og felur byggingafulltrúa að ræða við umsækjanda um útlit og staðsetningu skiltisins.
• 8.7 2503004F Afgreiðslufundur byggingarfulltrúa - 16
  Skipulags- og samgöngunefnd Húnabyggðar - 36
• 8.8 2408023 Aðalskipulag sameinaðara þriggja sveitarfélaga
  Skipulags- og samgöngunefnd Húnabyggðar - 36 Áframhaldandi vinna við landnýtingarflokka í þéttbýli og dreifbýli ásamt merkingum á gönguleiðum ofl.

2504001F

• 9.1 2504003 Íbúðakjarni Blönduósi - hönnunartillögur
  Byggðarráð Húnabyggðar - 101 Sara Lind Kristjánsdóttir félagsmálastjóri og Gréta Sjöfn Guðmundsdóttir leiðtogi fatlaðs fólks og eldra fólks mættu á fundinn undir þessum lið.
  
  Drög að hönnun nýs íbúðarkjarna voru kynntar og hönnunin samþykkt af hálfu byggðarráðs með þeim fyrirvara að enn á eftir að kostnaðarmeta framkvæmdina og því verður formlegt samþykki ekki gefið fyrr en að þær upplýsingar liggja fyrir. Bókun fundar Sveitarstjóri kynnti fyrirliggjandi tillögur að íbúðakjarna við Sunnubraut. Um er að ræða íbúðakjarna með 5 íbúðum og parhús alls 580 fm. Sveitarstjórn fagnar því að málið sé komið vel af stað.
• 9.2 2503039 Samningur við meistaraflokksráð Hvatar Kormáks
  Byggðarráð Húnabyggðar - 101 Fyrir fundinum lágu drög að samningi við meistarflokksráð Hvatar/Kormáks vegna samstarfs á árinu 2025 og umsjón með Blönduósvelli. Sveitarstjóra falið að ganga frá samningnum og leggja hann fyrir næsta fund byggðarráðs. Bókun fundar Sveitarsjórn samþykkir að veita byggðarráði heimild til fullnaðarafgreiðslu þessa máls á næsta fundi byggðarráðs.
• 9.3 2504001 Umsókn um námsvist utan lögheimilissveitarfélags
  Byggðarráð Húnabyggðar - 101 Umsókn um skólavist í Húnabyggð samþykkt
  Fært í trúnaðarbók.
• 9.4 2504002 Afskriftir vegna ársreiknings Húnabyggðar 2024
  Byggðarráð Húnabyggðar - 101 Drög að afskriftum sem að mestu eru afskriftir sem teygja sig langt aftur í tímann voru lagðar fram og samþykktar. Bókun fundar Sveitarstjórn samþykkir afskriftir að upphæð 5.649.384kr.
• 9.5 2504004 Svæðisáætlun um meðhöndlun úrgangs
  Byggðarráð Húnabyggðar - 101 Lagt fram til kynningar. Pétur Arason er tengiliður sveitarfélagsins við verkefnið.
• 9.6 2504006 Fundargerð 34. fundar fagráðs um málefni fatalaðs fólks
  Byggðarráð Húnabyggðar - 101 Lagt fram til kynningar
• 9.7 2504007 Fundargerð fulltrúaráðsfundar EBÍ
  Byggðarráð Húnabyggðar - 101 Lagt fram til kynningar
• 9.8 2504005 Fundargerð 121. fundar stjórnar SSNV
  Byggðarráð Húnabyggðar - 101 Lagt fram til kynningar