13.03.2025 - Byggðarráð Húnabyggðar

Sigurður Erlingsson kom inn á fundinn undir þessum lið og fór yfir þann kostnað sem hlýst af nýgerðum kjarasamningum við kennara.

Byggðarráð leggur til við sveitarstjórn að samþykkja að taka yfir rekstur Heimilisiðnaðarsafnsins en sveitarfélagið Skagaströnd og Samband austur-húnverskra kvenna (SAHK) hafa ákveðið að segja sig frá stofnuninni. Ákvörðun þessi er tekin samhliða slitum á byggðasamlögum.

Byggðarráð fagnar því að Húnabyggð hafi fengið 13,4 milljóna styrk vegna sértækra verkefna á sóknaráætlunarsvæðum (C1) en verkefnið sem fékk styrk tengist uppbyggingu í gamla bænum. Þessi styrkur mun hjálpa þeirri uppbyggingu mikið sem þar stendur yfir.

ASS vék af fundi undir þessum lið.

Byggðarráð samþykkir erindið sem snýst um að setja upp ný leiktjöld og drapperingar í bíósal félagsheimilisins.

Fyrir fundinum lá skýrsla frá Gæða- og eftirlitsstofnun velferðarmála vegna akstursþjónustu fatlaðra og eldri borgara. Byggðarráð felur félagsmálastjóra að skoða athugasemdir sem koma fram í skýrslunni og koma með hugmyndir að úrbótum. Byggðarráð felur jafnframt sveitarstjóra að setja af stað verkefni til að bæta þjónustuna.

Byggðarráð fór yfir erindið og felur sveitarstjóra að svara erindinu samkvæmt fyrirmælum byggðarráðs.

Ræddir voru möguleikar sveitarfélagsins að hjálpa til hvað varðar þá stöðu sem komin er upp vegna lokunar sláturhússins. Ýmsir aðilar hafa sett sig í samband við starfsmenn og kjörna fulltrúa sveitarfélagsins með hugmyndir um hvernig hægt væri að nota það húsnæði sem sláturhúsið hefur notað. Að svo komnu máli eru þetta einungis hugmyndir og þreifingar og ekkert ennþá sem hönd á festir. Sveitarfélagið mun halda þessum samtölum áfram og er opið fyrir því að ræða slíkar hugmyndir við áhugasama aðila. Þá mun sveitarfélagið einnig ræða málefni húsnæðisins sérstaklega við KN með það fyrir augum að liðka til fyrir notkun nýrra aðila af húsnæðinu eða hluta þess.
Á sama tíma hefur sveitarfélagið hitt forsvarsmenn KN hér á Blönduósi til að ræða hvernig sveitarfélagið geti aðstoðað starfsmenn fyrirtækisins hér. Fyrirhugð er að halda fund strax á morgun með starfsmönnum KN.

Kjósa þarf nýja stjórn í Fjarskiptafélag Skagabyggðar. Vísað til afgreiðslu sveitarstjórnar.

Lagt fram til kynningarþ. Sveitarstjóra falið að vinna málið áfram.

Byggðarráð tekur jákvætt í erindið um að taka þátt og vera upplýst um verkefnið.

Byggðarráð skipar sveitarstjóra, Pétur Arason, sem fulltrúa Húnabyggðar á aukafund fulltrúaráðs EBÍ.

Fyrir fundinum lá ósk frá SSNV um að senda inn breytingatillögur á samþykktum og/eða þingsköpum SSNV. Byggðarráð hefur engar tillögur hvað varðar breytingar á samþykktum og/eða þingsköpum SSNV.

Lagt fram til kynningar

Lagt fram til kynningar

Lagt fram til kynningar