12.11.2024 - Sveitarstjórn Húnabyggðar

2410019

2309003

2411010

2212008

2410003F

• 5.1 2409006 Erindi frá Skagafirði varðandi úthlutun á lóð
  Byggðarráð Húnabyggðar - 78 Sara Lind Kristjánsdóttir félagsmálstjóri, Alma Dögg Guðmundsdóttir fostöðumaður heimilisins á Skúlabraut 22 og Gréta Sjöfn Guðmundsdóttir leiðtogi málefna fatlaðs fólks mættu á fundinn undir þessum lið. Umræður sköpuðust um staðsetningu þjónustukjarna fyrir fatlað fólk. Byggðarráð vísar því til Skipulags- og samgöngunefndar Húnabyggðar að skoða möguleika að nýrri staðsetningu eftir umræður fundarins. Byggðarráð leggur til að stofnaður verði starfshópur sem útfærir þarfagreiningu fyrir áformaða byggingu þjónustukjarna fyrir fatlað fólk. Í honum sitji Pétur Arason sveitarstjóri, Börkur Þór Ottósson skipulags- og byggingafulltrúi, Alma Dögg Guðmundsdóttir forstöðumaður heimilisins á Skúlabraut 22, Gréta Sjöfn Guðmundsdóttir leiðtogi málefna fatlaðs fólks og Sara Lind Kristjánsdóttir félagsmálastjóri. Sveitarstjóra falið að kalla hópinn saman.
  Sara, Alma og Gréta yfirgáfu fundinn 15:50.
  
  
• 5.2 2410016 Uppbygging í Kálfshamarsvík
  Byggðarráð Húnabyggðar - 78 Erla Jónsdóttir formaður heimastjórnar fyrrum Skagabyggðar kom á fundinn undir þessum lið klukkan 15:55.
  
  Farið yfir framtíðaráform um uppbyggingu áfangastaðar í ferðaþjónustu í Kálfshamarsvík.
  
  Sveitarstjóra falið að vinna að málinu áfram.
• 5.3 2301007 Húnabyggð - Sala eigna
  Byggðarráð Húnabyggðar - 78 Lögð voru fram verðmöt á eignum sveitarfélagsins við Skúlabraut 39 (F2137143) og Skúlabraut 11 (F2137124). Sveitarstjóra falið að koma eignunum í auglýsingu sem fyrst.
• 5.4 2310019 Stöðuleyfi
  Byggðarráð Húnabyggðar - 78 Tekið fyrir erindi dags. 01.06.2024 frá Kristjáni Þorbjörnssyni á Gilsstöðum þar sem óskað er eftir skýringu vegna stöðuleyfis fyrir gáma.
  Byggðarráð felur sveitarstjóra að svara erindinu.
  
  Tekið fyrir erindi dags. 25.08.2024 frá Árna Bragasyni Sunnuhlíð þar sem óskað er eftir skýringum vegna stöðuleyfis.
  Byggðarráð felur sveitarstjóra að svara erindinu.
  
  
• 5.5 2311003 Fjallaskálar
  Byggðarráð Húnabyggðar - 78 Lagðar voru fram kostnaðaráætlanir vegna viðgerða og viðhalds í og við gamla sæluhúsið á Hveravöllum og Kúlukvíslarskála en bæði þessi verkefni hafa hlotið styrk frá Minjastofnun. Byggðarráð samþykkir kostnaðaráætlanir og felur skipulags- og byggingarfulltrúa að koma verkefnunum í framkvæmd
• 5.6 2410013 Fundargerð 26. fundar fagráðs um málefni fatlaðs fólks á NV
  Byggðarráð Húnabyggðar - 78 Lagt fram til kynningar
• 5.7 2410014 Fjárhagsáætlun 2025 vegna málefna fatlaðs fólks
  Byggðarráð Húnabyggðar - 78 Lagt fram til kynningar
• 5.8 2410015 Fundargerð 76. fundar
  Byggðarráð Húnabyggðar - 78 Lagt fram til kynningar
• 5.9 2410009 Fjárhagsáætlunargerð 2025
  Byggðarráð Húnabyggðar - 78 Sigurður Erlingsson kom á fundinn undir þessum lið. Sigurður fór yfir stöðu fjárfestingaáætlunar 2024, hvaða liðir hafa þegar komið til framkvæmdar og hvaða liðir eru eftir.

2410004F

• 6.1 2301007 Húnabyggð - Sala eigna
  Byggðarráð Húnabyggðar - 79 ZAL vék af fundi undir þessum lið.
  
  Byggðarráð samþykkir kauptilboð á eign sveitarfélagsins við Húnabraut 42 (íbúð 01010102) upp á 23.750.000kr. og felur sveitarstjóra að láta ganga frá sölu eignarinnar.
  Bókun fundar ZAL, GRL og GHJ véku af fundi undir þessum lið
  
  Sveitarstjórn staðfestir sölu á eign sveitarfélagsins við Húnabraut 42 (íbúð 01010102) sem seld var á 23.750.000kr.
• 6.2 2410009 Fjárhagsáætlunargerð 2025
  Byggðarráð Húnabyggðar - 79 Fjárfestingar ársins eru komnar í u.þ.b. 234 milljónir af 327 milljón króna áætlun. Sveitarstjóra falið að klára þau verkefni sem fyrir liggja og ákveðin voru í fjárhagsáætlun fyrir árið 2024. Miðað við þau verkefni sem liggja fyrir er ljóst að fjárheimildir ársins verða að mestu nýttar.

2410005F

• 7.1 2409015 Safnamál
  Atvinnu- og menningarnefnd Húnabyggðar - 17 Jóhanna Erla Pálmadóttir mætti á fundinn undir þessum lið.
  
  Rætt var um Vatnsdælureflilinn og hugmyndir að húsnæði fyrir hann sem og aðra menningartengda starfsemi.
  
  
• 7.2 2410017 Umsóknir í Uppbyggingarsjóð
  Atvinnu- og menningarnefnd Húnabyggðar - 17 Rætt um þær umsóknir sem fyrirhugað er að sækja um í Uppbyggingarsjóð. Nefndin vill hvetja einkaaðila og fyrirtæki að sækja um. Umsóknarfrestur er til 4. nóvember nk.
• 7.3 2410018 Markaðsstofa Norðurlands - Mannamót
  Atvinnu- og menningarnefnd Húnabyggðar - 17 Sveitarstjóra falið að ræða við SSNV um samstarf. Bókun fundar EA vék af fundi undir umræðum og afgreiðslu þessa liðar
• 7.4 2308029 Styrkumsóknir - framkvæmdasjóður ferðamannastaða 2024
  Atvinnu- og menningarnefnd Húnabyggðar - 17 Sveitarstjóri fór yfir þær umsóknir er sendar voru.

2410007F

• 8.1 2302026 Húnaskóli - Daglegt starf
  Fræðslunefnd Húnabyggðar - 17 Þórhalla Guðbjartsdóttir gaf skýrslu um starf Húnaskóla.
  
  Skólastarf Húnaskóla hefur að mestu leyti verið hefðbundið.
  Ungmennaþing SSNV var haldið 11. september - 10 unglingar frá Húnaskóla tóku þátt í deginum.
  
  Margrét Sigurðardóttir uppeldis og menntunarfræðingur kom í október með fyrirlesturinn,,Verum góð -Láttu þér og öðrum líða vel? fyrir unglinga í 8. - 10. bekk og ,,Forvarnir og foreldrasamstarf - Verum sýnileg og aukum samskipti, samveru og samstarf. Styðjum við skólastarf og þátttöku í íþrótta- og tómstundastarfi. Velferð allra barna skiptir okkur máli." fyrir foreldra um kvöldið. Báðir fyrirlestrarnir voru á vegum Félagsmiðstöðvarinnar Skjólsins í tengslum við námskeið starfsfólks félagsmiðstöðvarinnar en í samráði við stjórnendur Húnaskóla.
  
  Starfsfólk Húnaskóla tók þátt í fræðslu “ Hinsegin lífsgæði - Að tilheyra / Fitting in. Lýðheilsa hinsegin ungmenna á landsbyggðinni?. Fræðslan var á vegum verkefnisins Öruggt hinsegin skólaumhverfi en í forsvari verkefnisins eru Davíð Samú­els­son og Fann­ey Kristjáns­dótt­ir.
  
  Evrópurútan - starfsfólk Húnaskóla mætti þar og kynnti sér málin. Kynning um allt land á tækifærum í alþjóðasamstarfi.
  
  Rýmingaræfing var haldin 2. október í samstarfi við slökkviliðsstjóra og gekk hún mjög vel. Allir árgangar skólans tóku þátt ásamt nemendum á Stóra Fjallabæ.
  
  Fjallgöngur - öllum námshópum nema 9. og 10. bekk tóks að klára sínar haust-göngur en því miður varð að aflýsa göngu upp á Axlaröxlina vegna veðurs og færðar.
  
  Allir árgangar skólans ásamt starfsfólki tók þátt í Göngum í skólann verkefninu og var gullskórinn afhentur nemendum 3. bekkjar í lok heilsuvikunnar. Mjótt var á munum því mikil og góð þátttaka var í verkefninu. Skólinn tók einnig þátt í heilsuvikunni með sinni árlegu fjölskyldugöngu. Auk þess vorum við dugleg að auglýsa viðburði vikunnar.
  
  26. september í Alþjóðlegri gagnaversviku var nemendum 7. og 8. bekkjar Húnaskóla boðið í Gagnaverið og Blöndustöð af Borealis Data Center. Fengu nemendur góða fræðslu og að sjálfsögðu voru veitingar í boði.
  
  Valgreinadagur 8. og 10. bekkjar var 2. október á Hvammstanga.
  
  Farskólinn hefur verið með nokkur námskeið í Heimilisfræðistofunni.
  
  Stelpur geta allt - árlegt laugardagsnámskeið haldið í Húnaskóla á vegum Soroptimista. Er notað sem innlegg í vinnu við bætt samskipti.
  
  Utís námstefnan tókst mjög vel og voru mætt hér í skólann bæði starfsfólk Húnaskóla og Leikskóla Húnabyggðar.
  
  Sameiginlegur námskeiðsdagur var 7. október og heppnaðist vel. Nýttum okkur tæknina og voru fyrirlesararnir á netinu. Verkefnin voru Vinátta og Pals- læsisverkefni.
  
  Áætlað er eitt sameiginlegt námskeið leik- og grunnskólanna í viðbót á árinu en það er dagsett 11. desember og heitir Heilsueflandi vinnustaður og fjallar um streitustigann. Námskeiðið er í takt við stefnu okkar í að innleiða Heilsueflandi samfélag.
  
  Fulltrúi frá lögreglunni hefur komið með fræðslu inn í Húnaskóla samkvæmt forvarnaráætlun Norðurlands vestra. Gott er að sjá að áætlunin er komin af stað. Einnig var fulltrúi lögreglunnar með fræðsluerindi fyrir starfsfólk á ágúst “Ofbeldi í nánum samböndum?.
  
  Vel var mætt á Haustþing alls starfsfólks grunnskóla á Norðurlandi vestra og flott erindi í boði. Eitt af mörgum frábærum erindum var fyrirlestur um Ofbeldi og hegðunarvandi.
  
  10. bekkur fer í þessari viku í kynningu í MA, VMA og heimavistina þar.
  
  Íþróttakennsla er komin í hús á nýju gólfi.
  
  Síðast sagði skólastjóri frá að tveir núverandi og einn fyrrverandi kennarar við Húnaskóla yrðu með erindi á Ráðstefnu á Akureyri. Skemmst er að segja frá því að þær Brynhildur Erla, Kristín Jóna og Magdalena Berglind stóðu sig mjög vel og erum við mjög stolt af þeim.
  
  Formaður foreldrafélagsins og skólastjóri hittust í upphafi skóla og fóru yfir nokkur mál. Í framhaldinu setti foreldrafélagið upp nýjan bekkjarfulltrúalista og er hann sýnilegur á vef skólans. Þar er einnig að finna hugmyndir fyrir bekkjarfulltrúa og upplýsingar um foreldrafélagið.
  
  Foreldraviðtalsdagur var 16. október og var mæting góð.
  
  Á næstu dögum og vikum eru bekkjarkvöld. Flest þeirra eru með foreldrum og liður í að auka samheldni í hópum, hittast og hafa gaman. Umsjónarkennarar eru hvattir til að nýta sér aðstoð bekkjarfulltrúa.
  
  Aðgengismál - Hafinn er akstur tveggja skólabíla og akstursþjónustu fatlaðra um nýjan akveg að suðurhlið Gamla skóla.
  
  Aðstaða annarra deilda í Húnaskóla
  Skjólið hefur verið með aðstöðu í skólanum bæði á bókasafninu fyrir dagopnun og eins í matsalnum með kvöldopnun frá því í byrjun september og verður eitthvað fram í nóvember. Það hefur gengið vel.
  
  Liðveisla á vegum Félagsþjóustunnar hefur lengi haft aðstöðu í skólanum.
  
  Matsalurinn er vinsæll fyrirlestrarsalur fyrir ýmis fræðslumál og hafa t.d. bæði foreldrafélag Húnaskóla og Leikskóla Húnabyggðar verið þar með sýna aðalfundi og fræðslu. Báðir skólarnir nota salinn mikið fyrir sína starfsþróun en einnig Skólaþjónusta A-Hún og fyrirlestrar á vegum menningar- og tómstundafulltrúa.
  
  Samstarf leik- og grunnskóla gengur mjög vel.
  
  Matseðlar eru samkvæmt fyrirmælum og fjölbreytt úrval í “salat?borði. Skólastjórar leik- og grunnskóla hafa hittst á fundum með yfirmanni mötuneytis og áætla að gera það nokkrum sinnum yfir veturinn. Þess má geta að matseðill í nóvember er útbúinn af 7. og 8. bekk Húnaskóla undir stjórn heimilisfræðikennara en nemendur Stóra Fjallabæjar eiga heiðurinn af máltíðum 7. og 8. nóvember. Mögulega gerum við meira af þessu. Nemendur eru þá búnir að fá fræðslu um skólamáltíðir, skoða matseðla í skólum, koma með tillögur, setja saman matseðil og fá svo kokkinn í heimsókn þar sem samtal á sér stað um matinn og matseðlana.
  
  Fjöldi barna á Skóladagheimilinu er um 60 og skiptist jafnt á árganga.
  
  Allir kennarar eru í umsjónarteymum og faggreinateymum en einnig eru þeir í öðrum fagteymum eins og eineltisteymi, forvarnarteymi, skólanámskrárteymi, áfallateymi, öryggisteymi, heilsueflandi teymi, stærðfræðiteymi, læsisteymi, skólaregluteymi, sem sér um að útfæra skólareglur, ástundunarreglur og fleiri reglur í samstarfi við aðra í skólasamfélaginu o.fl.
  
  Fræðslunefnd þakkar fyrir ítarlega skýrslu.
  
• 8.2 2303038 Foreldrafélag Húnaskóla - Erindi
  Fræðslunefnd Húnabyggðar - 17 Elín Ósk formaður foreldrafélgsins fór yfir fundargerð aðalfundar foreldrafélags Húnaskóla.
  
  Fræðslunefnd fagnar góðri þátttöku á aðalfundinum. Nokkur umræða var um öryggismál á skólalóð á aðalfundinum. Fræðslunefnd tekur undir áhyggjur fundarins og beinir því til sveitarstjóra að úrbætur verði gerðar.
  
  Fræðslunefnd óskar eftir því að Skólaráð Húnaskóla taki upp umræður um símalausan skóla.
  
  Fræðslunefnd beinir bókun foreldrafélagsins um heimakstur til vinnuhóps um endurskoðun skólaakstursreglna í samræmi við umræður á aðalfundi foreldrafélagsins
  
  Elín Ósk, Anna Margret, Kristín Jóna og Þórhalla yfirgáfu fundinn 15:55.
  
• 8.3 2209018 Leikskóli Húnabyggðar
  Fræðslunefnd Húnabyggðar - 17 Sigríður Bjarney Aadnegard gaf skýrslu um starf leikskóla Húnabyggðar.
  
  Kosning hefur farið fram meðal nemenda, foreldra og starfsfólks um einkunnar orð leikskólans. Virðing, vinátta og gleði eru þau orð sem valin voru og mun endurspeglast í öllu starfið leikskólans
  
  Sigríður segir frá áherslum skólaársins 2024-2025. Áhersla verður á lýðræði í skólastarfi þar sem börn finna að þau eru hluti af samfélagi þar sem réttlæti og virðing einkenna samskipti ásamt því að hver og einn fái tækifæri til að leggja sitt af mörkum til að hafa áhrif á umhverfi sitt.
  
  Hefja þarf markvissa vinnu við innramat með það að markmiði að auka gæði starfsins með virku innra mati þar sem rýnt er í hina ýmsu þætti í starfi skólans með það að markmið að gera enn betur.
  
  Í leikskólanum er lögð áhersla á snemmtæka íhlutun þar sem markmiðið er að hafa áhrif á þroskaframvindu barna með markvissum aðgerðum eins snemma og unnt er. Unnið er út frá niðurstöðum þeirra matslista sem við höfum réttindi á.
  
  Markvisst er unnið að því að bæta orðaforða efla málskilning barnanna og hljóðkerfisvitund.
  Notast er meðal annars við kennsluefnið Lubbi finnur málbein, Orð eru ævintýr, TMT og þjálfunarverkefni skólans.
  
  Þá er einnig hafin innleiðing á verkefninu á Heilsueflandi leikskóli og Vináttu, forvarnaverkefni Barnaheilla gegn einelti.
  
  Íþróttatíma og sundtímar farnir af stað.
  
  Foreldrafélag leikskólans afhenti leikskólanum veglega gjöf á aðalfundi félagsins 24. október s.l. þar sem leikskólinn fékk að gjöf hljómborð og gítar.
  
  Starfsþróunaráætlun er í fullum gangi á haustönn er námskeið í skyndihjálp, námskeið um notkun námsefnisins Vinátta, námskeið í K-PALS og G-PALS, námskeið í notkun Streitustigans, fræðslu um heimilisofbeldi/ofbeldi í nánum samböndum og Kynferðisofbeldi og kynferðisleg hegðun barna og unglinga. Á vorönn eru framhald á námskeiðum streitustigans, fræðsla um brunavarnir og vettvangsheimsókn.
  
  Formaður foreldrafélags Leikskóla Húnabyggðar bar upp fyrirspurn um stöðu talmeinaþjónustu. Fræðslunefnd óskar eftir að Fræðslustjóri taki saman upplýsingar um stöðuna fyrir næsta fund Fræðslunefndar.
  
  Fræðslunefnd þakkar Sigríði fyrir ítarlega skýrslu.
  
  
• 8.4 2211051 Foreldrafélag leikskóla Húnabyggðar - Bréf
  Fræðslunefnd Húnabyggðar - 17 Fræðslunefnd þakkar fyrir erindið er varðar stöðu undirbúnings leikskólabyggingar sem hefur þegar verið svarað, að öðru leyti er vísað í lið 6 í fundargerð þessari.
• 8.5 2408018 Sumarlokun Leikskóla Húnabyggðar
  Fræðslunefnd Húnabyggðar - 17 Sigríður kynnti drög að könnun sem lögð verður fyrir foreldra og forráðamenn um fyrirkomulag sumarlokunar leikskóla.
  Fræðslunefnd samþykkir að leikskólastjóri leggi fram þessa könnun með áorðnum breytingum.
• 8.6 2209018 Leikskóli Húnabyggðar
  Fræðslunefnd Húnabyggðar - 17 Húnabyggð hefur óskað eftir frekari fresti til að svara tilboði sem barst í nýja leikskólabyggingu sveitarfélagsins. Sá frestur rennur út í desember 2024.
  
  Fyrir fundinum lá minnisblað um greiningu á fjárhagsáhrifum leikskólabyggingar. Nokkrar umræður urðu um minnisblaðið og stöðu málsins. Framvinda skýrist með fjárhags- og fjárfestingaáætlun næsta árs.

2410009F

• 9.1 2410009 Fjárhagsáætlunargerð 2025
  Byggðarráð Húnabyggðar - 80 Vinna við fjárhagsáæltunargerð 2025

2410010F

• 10.1 2301007 Húnabyggð - Sala eigna
  Byggðarráð Húnabyggðar - 81 ZAL vék af fundi undir þessum lið
  
  Byggðarráð samþykkir kauptilboð í eign sveitarfélagsins að Skúlabraut 39 upp á 25.950.000kr. Þá samþykkir byggðarráð ennfremur kauptilboð í eign sveitarfélagsins að Skúlabraut 11 upp á 24.300.000kr. Bókun fundar ZAL, GRL og GHJ véku af fundi undir þessum lið
  
  Sveitarstjórn stafestir sölu á eign sveitarfélagsins að Skúlabraut 39 upp á 25.950.000kr. og sölu á eign sveitarfélagsins að Skúlabraut 11 upp á 24.300.000kr.
• 10.2 2408022 Snjómokstursútboð
  Byggðarráð Húnabyggðar - 81 Opnuð voru tilboð í snjómokstur á Blönduósi 2024-2027 miðvikudaginn 30.október síðastliðinn. Eitt tilboð barst í svæðið norðan Blöndu og tvö tilboð bárust í svæðið sunnan Blöndu.
  
  Byggðarráð samþykkir að ganga til samninga við lægstbjóðendur á hvoru svæði fyrir sig. Önnu Margréti Jónsdóttur norðan Blöndu og Litlu-Giljá ehf. sunnan Blöndu.
  
  Bókun fundar ASS og SÞS véku af fundi undir umræðum undir þessum lið
• 10.3 2410022 Samþykkt um fráveitu og rotþrær í Húnabyggð
  Byggðarráð Húnabyggðar - 81 Lagt fram til kynningar
• 10.4 2410023 Reiðhöllin Arnargerði - Ársreikingur 2023
  Byggðarráð Húnabyggðar - 81 Fyrir fundinum lá ársreikningur félagsins sem lagður var fram til kynningar.
• 10.5 2410025 Reglur Skagafjarðar um dagþjónustu, hæfingu og aðstoð vegna atvinnu fyrir fatlað fólk
  Byggðarráð Húnabyggðar - 81 Lagt fram til kynningar
• 10.6 2410024 Fundrgerð 28. fundar fagráðs um málefni fatlaðs fólks á Norðurlandi vestra
  Byggðarráð Húnabyggðar - 81 Lagt fram til kynningar
• 10.7 2410026 Fundargerð 57. fundar fagráðs barnaverndarþjónustu Mið-Norðurlands
  Byggðarráð Húnabyggðar - 81 Lagt fram til kynningar
• 10.8 2410027 Brunabótafélag Íslands - Ágóðahluti sveitarfélaga
  Byggðarráð Húnabyggðar - 81 Lagt fram til kynningar
• 10.9 2410028 Ályktun samþykkt á aðalfundi Skógræktarfélags Íslands
  Byggðarráð Húnabyggðar - 81 Lagt fram til kynningar
• 10.10 2410029 Endurreisn kræklingaræktar - minnisblað til fjárlaganefndar Alþingis
  Byggðarráð Húnabyggðar - 81 Lagt fram til kynningar
• 10.11 2410030 Fundargerð aðalfundar Samtaka orkusveitarfélaga
  Byggðarráð Húnabyggðar - 81 Lagt fram til kynningar
  
  Byggðarráð fagnar því að Húnabyggð á nú stjórnarmann í stjórn Orkusveitarfélaga, Guðmund Hauk Jakobsson.
• 10.12 2303006 Eftirlitsnefnd um fjármál sveitarfélaga
  Byggðarráð Húnabyggðar - 81 Lagt fram til kynningar bréf frá Eftirlitsnefnd með fjármálum sveitarfélaga (EFS) dags. 1. október 2024. Þar er greint frá því að EFS hefur yfirfarið ársreikninga þeirra sveitarfélaga sem nú mynda Húnabyggð fyrir árið 2023.

2410008F

• 11.1 2311019 HB- Deiliskipulag gamla bæjarins
  Skipulags- og samgöngunefnd Húnabyggðar - 29 Farið var yfir frumdrög að deiliskipulaginu og felur nefndin skipulags- og byggingafulltrúa í samráði við Pál að vinna málið áfram út frá umræðum fundarins.
• 11.2 2402037 Ósk um breytingu á aðalskipulagi vegna fimm efnistökusvæða
  Skipulags- og samgöngunefnd Húnabyggðar - 29 Skipulags- og samgöngunefnd samþykkir að tillagan verði kynnt íbúum og hagsmunaaðilum í samræmi við 2. mgr. 30. gr. skipulagslaga og leggur til við sveitarstjórn að skipulags- og byggingarfulltrúa verði falið að auglýsa tillöguna í samræmi við 1. mgr. 31. gr. skipulagslaga nr. 123/2010. Bókun fundar Sveitarstjórn samþykkir að fela Skipulags- og byggingarfulltrúa að auglýsa tillöguna í samæmi við 1. mgr. 31. gr. skipulagslaga nr. 123/2010.
• 11.3 2409047 Hofsjökull, stofnun þjóðlendu.
  Skipulags- og samgöngunefnd Húnabyggðar - 29 Skipulags-og samgöngunefnd leggur til við sveitastjórn að samþykkja hnitsetningu þjóðlendu Hofsjökulls samkvæmt úrskurði óbyggðanefndar frá 19. júní 2009 á umræddu svæði. Bókun fundar Sveitarstjórn samþykkir hnitsetningu þjóðlendu Hofsjökuls samkvæmt úrskurði óbyggðanefndar frá 19. júní 2009.
• 11.4 2409006 Erindi frá Skagafirði varðandi úthlutun á lóð
  Skipulags- og samgöngunefnd Húnabyggðar - 29 Skipulags-og samgöngunefnd leggur til við sveitarstjórn að gerð verði breyting á deiliskipulagi við Skúlabraut, Smárabraut og Sunnubraut þar sem gert er ráð fyrir nýjum íbúðarhúsalóðum ásamt lóð fyrir íbúðarkjarna við Sunnubraut og Holtabraut. Bókun fundar Sveitarstjórn samþykkir tillögu Skipulags- og samgöngunefndar og felur Skipulags- og byggingarfulltrúa að vinna málið áfram.
• 11.5 2410021 Upplýsingar um stöðu verkefnisins Endurskoðun leiðarkerfis landsbyggðarvagna.
  Skipulags- og samgöngunefnd Húnabyggðar - 29 Lagt fram til kynningar.
• 11.6 2410031 Umsókn um framkvæmdarleyfi
  Skipulags- og samgöngunefnd Húnabyggðar - 29 Skipulags-og samgöngunefnd felur skipulags-og byggingafulltrúa að veita umbeðið framkvæmdarleyfi þegar samþykki landeiganda liggur fyrir.
  Skilyrt er að efnið sé flutt á vel frosnum vegi.
  Leyfisveitandi áskilur sér rétt að afturkalla leyfið ef framangreindu skilyrði er ekki framfylgt.

2411001F

• 12.1 2411002 Fréttatilkynning frá Félags- og skólaþjónustu A-Hún vegna Sæborgar
  Byggðarráð Húnabyggðar - 82 Byggðarráð telur þetta skynsamlega og tímabæra ákvörðun. Rekstur Sæborgar hefur verið þungur fyrir sveitarfélögin og því engin annar kostur í stöðunni en að skila þessu verkefni til ríkisins sem ber lögbundna ábyrgð á verkefninu.
• 12.2 2303019 Húnabyggð - Uppbygging hleðslustöðva
  Byggðarráð Húnabyggðar - 82 Byggðarráð felur skipulags- og byggingarfulltrúa að bjóða skilgreind bílastæði til hleðslu rafbíla nálægt bílastæðum við Íþróttamiðstöð Húnabyggðar.
• 12.3 2411003 Áskorun til sveitarstjórna á Norðurlandi vestra frá fulltrúum kennara og stjórnenda á Norðurlandi vestra
  Byggðarráð Húnabyggðar - 82 Lagt fram til kynningar
• 12.4 2411004 Söguverkefni á Skaga
  Byggðarráð Húnabyggðar - 82 Byggðarráð samþykkir verkefnið sem eitt af þeim verkefnum sem unnið er að varðandi þróun og markaðssetningu á Húnabyggð sem áfangastaðar fyrir ferðamenn og skráningu menningarverðmæta á svæðinu og vísar málinu til gerðar fjárhagsáætlunar 2025.
• 12.5 2411005 Styrkur
  Byggðarráð Húnabyggðar - 82 ASS vék af fundi undir þessum lið.
  Í tilefni af 80 ára afmæli Leikfélags Blönduóss afhenti Húnabyggð leikfélaginu gjöf að upphæð 80.000kr. á afmælishátíð leikfélagsins sem haldin var 2.11.2024. Bókun fundar Sveitarstjórn tekur undir afgreiðslu byggðarráðs og vill nota tækifærið og óska Leikfélagi Blönduóss til hamingju með þennann merka áfanga.
• 12.6 2411006 Óskað eftir stuðningi sveitarfélagsins við Flugklasann Air 66N fyrir starfsárið 2025
  Byggðarráð Húnabyggðar - 82 Byggðarráð hafnar erindi Markaðsstofu Norðurlands og telur að það eigi að vera hlutverk Isavia að sjá um markaðssetningu á millilandarflugvöllum Íslands. Bókun fundar EA vék af fundi undir umræðum og afgreiðslu þessa liðar
• 12.7 2411007 Hafnasamband Íslands- Fundargerð 466. fundar stjórnar
  Byggðarráð Húnabyggðar - 82 Lagt fram til kynningar.
• 12.8 2411009 Fundargerð 953. fundar stjórnar Sambands Íslenskra sveitarfélaga
  Byggðarráð Húnabyggðar - 82 Lagt fram til kynningar.
• 12.9 2411008 Forsendur fjárhagsáætlanna sveitarfélaga
  Byggðarráð Húnabyggðar - 82 Lagt fram til kynningar.
• 12.10 2410009 Fjárhagsáætlunargerð 2025
  Byggðarráð Húnabyggðar - 82 Sigurður Erlingsson mætti á fundinn undir þessum lið.
  
  Vinna við fjárhagsáætlunargerðar 2025

2410009