14.01.2025 - Sveitarstjórn Húnabyggðar

2501010

2309003

2412004F

• 3.1 2402034 Skjólið - starfið
  Íþrótta-, tómstunda- og lýðheilsunefnd Húnabyggðar - 11 Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar kynnti starfið í félagsmiðstöðinni Skjólið í vetur og fór yfir reynsluna af fyrstu vikunum í nýju húsnæði félagsmiðstöðvarinnar sem tekið var í notkun í byrjun nóvember. Umræður urðu um opnunartíma félagsmiðstöðvarinnar á sumrin og yfir stórhátíðir þegar skólinn er lokaður.
• 3.2 2310003 Ungmennaráð Húnabyggðar
  Íþrótta-, tómstunda- og lýðheilsunefnd Húnabyggðar - 11 Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar kynnti tilnefningar í Ungmennaráð Húnabyggðar. Þeir sem voru tilnefndir eru eftirfarandi:
  
  Nemendaráð Húnaskóla tilnefnir Söru Björg Jónsdóttur og Ara Ingvarsson. Til vara Freydísi Ösp Stefánsdóttur og Bellu Lind Stenlund.
  
  Nemendafélag FNV tilnefnir Agnesi Nótt Þórðardóttur og til vara Elísabetu Kristínu Gunnarsdóttur.
  
  Tilnefningar eiga eftir að berast frá tveimur aðilum.
  
  Nefndin samþykkir framkomnar tilnefningar samhljóða og vísar þeim til staðfestingar sveitarstjórnar.
  Bókun fundar Sveitarstjórn staðfestir skipan Ungmennaráðs Húnabyggðar 2024-2025 samhljóða.
• 3.3 2412004 Hreyfisport
  Íþrótta-, tómstunda- og lýðheilsunefnd Húnabyggðar - 11 Grímur Rúnar Lárusson, formaður nefndarinnar, kynnti tölvupóst frá Björgvini Jónssyni frá Hreyfisporti. Hreyfisport býður m.a. upp á útiæfingatæki sem gæti verið sniðug lausn í þróun opinna svæða hjá sveitarfélaginu.
  
  Menningar-, íþrótta- og tómstundafulltrúa Húnabyggðar falið að afla nánari upplýsinga og taka málið áfram.
  
• 3.4 2412002 Íþróttamaður ársins
  Íþrótta-, tómstunda- og lýðheilsunefnd Húnabyggðar - 11 Grímur Rúnar Lárusson, formaður nefndarinnar, kynnti erindi frá USAH vegna kosningar til Íþróttamanns USAH árið 2024.
  
  Eftir umræður kom nefndin sér saman um kjör á efstu þremur og var varaformanni falið að skila inn upplýsingum um val nefndarinnar til USAH.
  
  Samþykkt með fjórum atkvæðum, einn var á móti (ÓSB).
  
• 3.5 2412003 Samþætting skóla og frístundastarfi máls
  Íþrótta-, tómstunda- og lýðheilsunefnd Húnabyggðar - 11 Grímur Rúnar Lárusson, formaður nefndarinnar, kynnti verkefni um samþættingu skóla og frístundastarfs sem farið hefur af stað í nokkrum sveitarfélögum.
  
  Nefndin vill vekja athygli á því að umtalsverðar jákvæðar breytingar voru gerðar núna í haust á fyrirkomulagi íþróttaæfinga fyrir börn í 1-4. bekk sem m.a. miðuðu að því að flest öllum æfingum ljúki fyrir kl. 16:00.
  
• 3.6 2206034 Önnur mál
  Íþrótta-, tómstunda- og lýðheilsunefnd Húnabyggðar - 11 Engin önnur mál lágu fyrir fundinum.

2412006F

• 4.1 2412011 Vatnsdalsvegur
  Byggðarráð Húnabyggðar - 88 Unnið er að hönnun vegarins og er fyrirhugað að bjóða verkframkvæmdina út á árinu 2025. Fyrirhugað er að styrkja veginn og breikka hann og leggja bundið slitlag frá núverandi slitlagsenda við hringveg og suður fyrir Undirfell, liðlega 14,9 km. Gert er ráð fyrir að reiðfært verði vestan megin vegarins.
  
  Lagt fram til kynningar.
• 4.2 2412012 Samkomulag við Ámundakinn
  Byggðarráð Húnabyggðar - 88 Fyrir fundinum lá samkomulag við Ámundakinn vegna uppgjörs á leigusamningi og kaupum á Húnabraut 5 o.fl. sem samþykkt er af byggðarráði. Bókun fundar JG og GHJ véku af fundi undir þessum lið.
  
  Sveitarstjórn staðfestir samkomulag við Ámundakinn.
• 4.3 2412014 Rarik
  Byggðarráð Húnabyggðar - 88 Byggðarráð samþykkir að Rarik leggi loftlínu tímabundið yfir Blöndu í tengslum við lagningu nýrra háspennustrengjalagna í jörð. Ráðstöfunin er tímabunin þangað til að fundin verður ásættanleg leið til að þvera Blöndu um 300-400m ofan við laxastigann í landi Ennis. Tímabundið leyfi er gefið til 01.08.2025.
• 4.4 2412013 Jöfunarsjóður
  Byggðarráð Húnabyggðar - 88 Fyrir fundinum lá svar Jöfnunarsjóðs vegna óskar Húnabyggðar um að sameiningarframlög vegna sameiningar Húnabyggðar og Skagabyggðar yrðu greiddar í eingreiðslu. Þeirri ósk Húnabyggðar var hafnað.
  Þá var einnig kynnt minnisblað sem Húnabyggð hefur sent Jöfnunarsjóði vegna framlaga til Húnabyggðar sem jöfnunarsjóður hefur nú þegar samþykkt fyrir Textílmiðstöð Íslands en voru áður eyrnarmerkt verkefninu Umhverfisakademía
• 4.5 2412015 Fundargerð 31. fundar um málefni fatlaðs fólks
  Byggðarráð Húnabyggðar - 88 Lagt fram til kynningar.
• 4.6 2412016 Fundargerð 115. fundar stjórnar SSNV
  Byggðarráð Húnabyggðar - 88 Lagt fram til kynningar.
• 4.7 2412017 Fundargerð 959. fundar stjórnar SÍS
  Byggðarráð Húnabyggðar - 88 Lagt fram til kynningar.
• 4.8 2211004 Fjármál
  Byggðarráð Húnabyggðar - 88 Umræður urðu um gjaldskrár.
  
  
  
• 4.9 2412018 Umsagnabeiðni um brennileyfi
  Byggðarráð Húnabyggðar - 88 Byggðarráð veitir jákvæða umsögn fyrir sitt leyti.

2412007F

• 5.1 2412020 Uppgjör vegna skipulags- og byggingarfulltrúa
  Byggðarráð Húnabyggðar - 89 Fyrir fundinum lá uppgjör á samningi Húnabyggðar og Húnaþing vestra vegna þjónustu skipulags- og byggignarfulltrúa og aðstoðarmanns sem byggðarráð samþykkir. Bókun fundar Sveitarstjórn staðfestir afgreiðslu byggðarráðs.
• 5.2 2412021 Uppgjör vegna Prjónagleði 2024
  Byggðarráð Húnabyggðar - 89 Lagt var fram kostnaðaruppgjör vegna Prjónagleði 2024, sem stóðst þá áætlun sem lögð var fram í vor.
• 5.3 2411043 Ósk um umsögn vegna Blöndulínu 3-ný efnistökusvæði
  Byggðarráð Húnabyggðar - 89 Húnabyggð hafnar áformum um efnistöku úr áreyrum sunnan við bæinn Stafn og beinir þeim tilmælum til Landsnets að við framkvæmdir vegna BL3 verði tryggt að engin efnistaka verði úr virkum farvegi vatnsfalla þ.e. í og/eða við straumvatn. Húnabyggð bendir á umsögn Hafrannsóknarstofnunnar sem mælir ekki með efnistöku úr virkum farvegi vatnsfalla og hvetur til að leitað sé efnistöku utan þeirra. Umrætt vatnasvæði hefur átt undir högg að sækja undanfarin ár hvað varðar afkomu laxfiska og allar framkvæmdir sem geta haft neikvæð áhrif á lífríki vatnasvæðisins eru óæskilegar að mati Húnabyggðar.
  
  
  Byggðarráð felur skipulags- og byggingarfulltrúa að senda inn umsögn samkvæmt þessari afgreiðslu.
  
  
• 5.4 2412022 Öruggara Norðurland vestra
  Byggðarráð Húnabyggðar - 89 Byggðarráð tekur undir áskoranir samráðsfundarins og leggur til að nefndir og ráð sveitarfélagsins taki þessar áskoranir til umfjöllunar.
• 5.5 2412023 Valkostir í meðferð lífúrgangs
  Byggðarráð Húnabyggðar - 89 Lögð fram skýrsla um lífúrgang á Norðulandi Vestra. Kynntar voru mismunandi leiðir en Húnabyggð er að skoða framtíðarlausn þessara mála í þéttbýli og dreifbýli.
• 5.6 2211004 Fjármál
  Byggðarráð Húnabyggðar - 89 Á fundinn kom Erla Jónsdóttir kl 16:30 og kynnti frumdrög að samantekt á kostnaði vegna fræðslumála í Húnabyggð, en verið er að vinna að samantekt á kostnaði í þessum og öðrum málaflokkum.
  Byggðarráð felur sveitarstjóra að ganga frá nýju láni frá Lánasjóði Íslenskra Sveitarfélaga, en lánveitingin var samþykkt á fyrsta fundi sveitarstjórnar þann 9. janúar 2024.
  Erla vék af fundi 17:40.
  

2501001F

• 6.1 2408023 Aðalskipulag sameinaðara þriggja sveitarfélaga
  Skipulags- og samgöngunefnd Húnabyggðar - 31 Fundað var með Ómari Ívarssyni, Atla Steini Sveinbjörnssyni og Karítas Ísberg gegnum fjarfund þar sem farið var yfir þau gögn sem lögð voru fyrir.
• 6.2 2412010 Ósk um umsögn vegna Vatnsdalsvegar ( tilkynning ákvörðunar um matsskyldu).
  Skipulags- og samgöngunefnd Húnabyggðar - 31 Skipulags- og samgöngunefnd veitir jákvæða umsögn fyrir sitt leiti.
• 6.3 2501003 Langjökull, stofnun þjóðlendu.
  Skipulags- og samgöngunefnd Húnabyggðar - 31 Skipulags-og samgöngunefnd leggur til við sveitastjórn að samþykkja hnitsetningu þjóðlendu Langjökuls samkvæmt úrskurði óbyggðanefndar frá 11. október 2016 á umræddu svæði. Bókun fundar Sveitarstjórn staðfestir hnitsetningu þjóðlendu Langjökuls samkvæmt úrskurði óbyggðanefndar frá 11. október 2016 á umræddu svæði.
• 6.4 2501002F Afgreiðslufundur byggingarfulltrúa - 14
  Skipulags- og samgöngunefnd Húnabyggðar - 31 Til kynningar.

2501003F

• 7.1 2412029 Umsókn um lóð við Ennisbraut 7
  Byggðarráð Húnabyggðar - 90 Byggðarráð samþykkir að úthluta umsækjanda lóðina Ennisbraut 7 enda uppfylli byggingaráform skilyrði gildandi deiliskipulags.
• 7.2 2501004 Tilkynning um stöðu verkefnisins - Endurskoðun leiðarkerfis landsbyggðarvagna
  Byggðarráð Húnabyggðar - 90 Lagt fram til kynningar staða verkefnisins og boð á stöðufund um verkefnið af hálfu Vegagerðarinnar.
• 7.3 2501005 Umsögn um gistileyfi
  Byggðarráð Húnabyggðar - 90 Byggðarráð veitir jákvæða umsögn fyrir sitt leyti.
• 7.4 2209018 Leikskóli Húnabyggðar
  Byggðarráð Húnabyggðar - 90 Lagt fram til kynningar erindi frá Terra sem segir sig frá tilboði í byggingu nýs leikskóla á Blönduósi vegna frestunar Húnabyggðar á þeim framkvæmdum.
• 7.5 2501007 Fundargerð sameiginlegs fundar stjórnar Samtaka orkusveitarfélaga og Samtaka sveitarfélaga á köldum svæðum
  Byggðarráð Húnabyggðar - 90 Lagt fram til kynningar
• 7.6 2501008 Fundargerð 960. fundar stjórnar Sambands Íslenskra Sveitarfélaga
  Byggðarráð Húnabyggðar - 90 Lagt fram til kynningar
• 7.7 2501009 Varmadælur í fyrrum Skagabyggð
  Byggðarráð Húnabyggðar - 90 Fyrir fundinum lá beiðni um styrk vegna uppsetningar varmadælu í fyrrum Skagabyggð. Þar sem umsóknarfresturinn fyrir þetta verkefni rann út 1. mars 2024 hafnar byggðarráð beiðninni.
• 7.8 2212002 Húnaver
  Byggðarráð Húnabyggðar - 90 Sveitarstjóra falið að semja við Heimafengið ehf. um vetrarleigu. Jafnframt er sveitarstjóra falið að undirbúa sölu fasteigna sveitarfélagsins í Húnaveri. Bókun fundar Jón Gíslason fulltrúi H-lista leggur fram eftirfarandi bókun við afgreiðslu málsins:
  
  Þar sem meirihluti sveitastjórnar Húnabyggðar hefur lagt til að hefja sölumeðferð á eignunum í Húnaveri tel ég að að þau félög í fyrrum Bólstaðarhlíðarhreppi sem stóðu að byggingu félagsheimilisins á sínum tíma til jafns við hreppinn eigi rétt á sanngjörnum hlut á söluverði eignarinnar ef til sölu kemur. Félögin hafa allt frá upphafi til þess tíma sem Húnabyggð varð til 2022 þegar Húnavatnshreppur sameinaðist Blönduósbæ, haft fulltrúa í stjórn Húnavers og tekið þar af leiðandi fullan þátt í ákvörðunum um rekstur og viðhald hússins og lagt til verulega sjálfboðavinnu við rekstur viðhald og endurbætur hússins á móiti fjármagni frá sveitarfélögunum Bólstaðarhlíðarhreppi og síðar Húnavatnshreppi.
  Einnig er rétt að minna á að íþróttavöllur sem staðsettur er í Húnaveri var að öllu leyti gerður af ungmennafélaginu. Auk þess keypti kvenfélagið mikið af leirtaui og borðbúnaði sem í húsinu er. Þrátt fyrir að Húnabyggð sé nú þinglýstur eigandi Húnavers eins og Bólstaðarhlíðarhrepps í upphafi og síðar Húnavatnshrepps er það mitt álit að sveitarstjórn Húnabyggðar eigi að bera virðingu fyrir því stórvirki sem þetta litla samfélag í fyrrum Bólstaðarhlíðarhreppi stóð fyrir og sýni það í verki svo sómi sé að, þar sem allflestir íbúar þess löguðust á eitt í samvinnu við sveitarfélagið og byggðu þetta glæsilega félagsheimili af miklum stórhug .
  Benda má á að þinglýsing eigna hefur ekki alltaf mikið gildi í íslensku þjóðfélagi nema þegar það hentar, þar sem ríkið hefur hirt þinglýstar eignir af landeigendum í stórum stíl í skjóli þjóðlendulaga.
  
  
  Guðmundur Haukur óskaði eftir fundarhléi klukkan 15:32
  
  Fundurinn hélt áfram 15:35
  
  Fulltrúar H og G lista óska efir að atkvæðagreiðsla fari fram sérstaklega við þennan lið. Samþykkt samhljóða.
  
  Sveitarstjórn staðfestir afgreiðslu byggðarráðs með 7 atkvæðum, tveir sátu hjá (SÞS, JG)
• 7.9 2412006 Gjaldskrár 2025
  Byggðarráð Húnabyggðar - 90 Fyrir fundinum lá gjaldskrár í félagsheimili sveitarfélagsins þ.e. Félagsheimilið í Húnaveri, Dalsmynni, Skagabúð og Fellsbúð. Gjaldskráin samþykkt og sveitarstjóra falið að setja hana á vef sveitarfélagsins. Bókun fundar Sveitarstjórn staðfestir framlagðar gjaldskrár.