11.06.2024 - Sveitarstjórn Húnabyggðar

2405034

2406005

2309003

2405004F

• 4.1 2308029 Styrkumsóknir - fremkvæmdasjóður ferðamannastaða 2024
  Atvinnu- og menningarnefnd Húnabyggðar - 13 Atvinnu- og menningarnefnd lýsir yfir miklum vonbrigðum með synjanir á öllum umsóknum Húnabyggðar til Framkvæmdasjóðs ferðamannastaða sem eru illa rökstuddar og ekki í samræmi við umsóknirnar. Bókun fundar Sveitarstjórn tekur undir bókun Atvinnu- og menningarnefndar þar sem lýst er yfir vonbrigðum með afgreiðslu Framkvæmdasjóðs ferðamannastaða á styrkumsóknum Húnabyggðar fyrir árið 2024. Sveitarstjóra falið að koma athugasemdum Atvinnu- og menningarnefndar og sveitarstjórnar Húnabyggðar á framfæri við Framkvæmdasjóð ferðamannastaða og óska eftir frekari rökstuðningi á afgreiðslu styrkumsókna Húnabyggðar.
  
  Samþykkt með 9 atkvæðum samhljóða
• 4.2 2402012 Viðburðir 2024
  Atvinnu- og menningarnefnd Húnabyggðar - 13 Kristín Ingibjörg Lárusdóttir menningar-, íþrótta- og tómstundafulltrúi ræðir hugmyndir og áform um 17. júní hátíðarhöld og Húnavöku.
  
  Einnig rætt um aðra viðburði.
• 4.3 2405021 Viðvera ferðamanna í Húnabyggð
  Atvinnu- og menningarnefnd Húnabyggðar - 13 Lagt fram til kynningar og felur sveitarstjóra að afla frekari gagna varðandi málið.
• 4.4 2405022 Atvinnu-, kynningar- og ferðamálafulltrúi
  Atvinnu- og menningarnefnd Húnabyggðar - 13 Atvinnu- og menningarnefnd telur brýna þörf á ráðningu atvinnu-, kynningar- og ferðamálafulltrúa í fullt starf og vísar erindi til Byggðarráðs.
• 4.5 2211006 Erindisbréf atvinnu- og menningarnefndar
  Atvinnu- og menningarnefnd Húnabyggðar - 13 Atvinnu- og menningarnefnd samþykkir breytingu á erindisbréfi nefndarinnar samhljóða. Bókun fundar Sveitarstjórn staðfestir uppfært erindisbréf Atvinnu- og menningarnefndar Húnabyggðar.
  
  Samþykkt með 9 atkvæðum samhljóða.
• 4.6 2206034 Önnur mál
  Atvinnu- og menningarnefnd Húnabyggðar - 13 Engin önnur mál rædd.

2405005F

• 5.1 2405012 Raflínunefnd
  Byggðarráð Húnabyggðar - 63 Lögð fram beiðni innviðaráðuneytis um umsögn um beiðni Landsnets um skipan raflínunefnda vegna fyrirhugaðra framkvæmda við lagningu Holtavörðuheiðarlínu 3. Er beiðni Landsnets með vísan í 1. mgr. 9.gr.a. í skipulagslögum nr. 123/2010 en heimild til skipunar slíkra nefnda var fest í lög með lagabreytingu nr. 35/2023. Byggðarráð Húnabyggðar lagðist gegn þeim breytingum. Taldi ráðið þá, og gerir enn, að þær vegi að skipulagsvaldi sveitarfélaga. Byggðarráð Húnabyggðar telur að á þessu stigi sé ekki þörf á skipan slíkrar nefndar. Ekki hefur verið tekin ákvörðun um legu línunnar og þar af leiðandi ekki farið fram samtal um framkvæmdina og enn síður kominn fram ágreiningur um hana. Auk þess liggur ekki fyrir reglugerð um störf raflínunefnda á grundvelli lagabreytinga nr. 35/2023 og skipan nefndarinnar því ekki tímabær.
  
  Hér er um flókið skipulagsmál að ræða en byggðarráð vill benda á að skipulagsmál eiga ekki, og mega ekki, í eðli sínu vera einföld. Tilgangur þeirra er að tryggja að vel sé að verki staðið við hvers kyns framkvæmdir og að sem flest sjónarmið séu tekin með í reikninginn. Í rökstuðningi Landsnets kemur einnig fram að hlutaðeigandi sveitarfélögum hafi verið tilkynnt um beiðnina og að engin sérstök mótmæli hafi borist. Byggðarráð vill að fram komi að í því bréfi var á engan hátt gefið til kynna að umsagna væri óskað heldur var ítrekað tekið fram að bréfið væri sent til upplýsingar.
  
  Húnabyggð hefur gert athugasemd við samráð Landsnets við hagsmunaaðila um legu línunnar og að það hafi ekki verið gagnsætt ferli, þrátt fyrir að Landsnet hafi haldið því fram að svo væri, og að ákvörðun um legu línunnar sé þegar tekin af hálfu Landsnets. Sveitarfélagið hefur því ekki deilt um framkvæmdina sem slíka enda hefur það verið raunveruleiki svæðisins að sú orka sem hægt er að framleiða í Blöndustöð kemst ekki öll frá virkjuninni vegna takmarka í flutningskerfinu. Þetta er staðreynd þrátt fyrir að Blöndustöð sé yfir 30 ára gömul og sveitarfélagið því fylgjandi uppbyggingu orkuflutningskerfisins og langeygt eftir umbótum þar á. Aðferðafræði Landsnets í þessu máli hefur ekki verið til fyrirmyndar og ósk um raflínunefnd á þessu stigi málsins er því til sönnunar. Þá staðfestir þessi umsókn Landsnets þá skoðun okkar að lega línunnar liggi þegar fyrir að hálfu Landsnets, þó ekki liggi fyrir útkoma valkostagreiningarinnar.
  
  Bókun fundar Sveitarstjórn tekur undir bókun byggðarráðs og ítrekar að engar haldbærar ástæður liggi fyrir að stofnuð verði raflínunefnd um byggingu Holtavörðuheiðarlínu 3 og ennfremur að um skipun slíkrar nefndar liggi ekki fyrir reglugerð um störf raflínunefnda á grundvelli lagabreytinga nr. 35/2023 og skipan nefndarinnar því ekki tímabær.
  
  Samþykkt með 9 atkvæðum samhljóða.
• 5.2 2301019 Erindi frá Öldungaráði
  Byggðarráð Húnabyggðar - 63 Byggðarráð þakkar Öldungaráði fyrir erindið og hefur lagt fram drög að reglum og gjaldskrá aksturs eldri borgara.
• 5.3 2303023 Rarik - Strengjaleiðir
  Byggðarráð Húnabyggðar - 63 Byggðarráð samþykkir erindi Rarik ohf. um legu jarðstrengja í löndum sveitarfélagsins sem eru annars vegar L145413 skv. uppdrætti 2024.0025.0026 af strengleiðinni og hins vegar L218020 skv. uppdrætti 2024.0091.0001 af strengleiðinni.
• 5.4 2405027 Verðmat á íbúðir Húnabraut 42 0201 og 0202
  Byggðarráð Húnabyggðar - 63 Byggðarráð samþykkir að setja á sölu tvær eignir að Húnabraut 42 (0201 og 0202).
• 5.5 2405031 Viðaukasamningur við samning um sóknaráætlun Norðurlands vestra
  Byggðarráð Húnabyggðar - 63 Sveitarstjóri upplýsir um styrkúthlutun innviðaráðuneytis úr lið C1 á byggðaáætlun, sértæk verkefni sóknaráætlunarsvæða. Húnabyggð sendi inn umsókn og hlýtur styrk upp á 15 milljónir kr. til uppsetningar tilraunagróðurhúss. Nýta á glatvarma frá gagnaveri Borealis á Blönduósi, reisa tilraunagróðurhús og veita frumkvöðlum aðgengi til að prófa og þróa vöru og gera svæðið þannig eftirsóknarvert fyrir matarfrumkvöðla. Orka verður einnig tryggð með sólarrafhlöðum. Er verkefninu ætlað að hvetja til nýsköpunar í atvinnulífi sveitarfélagsins. Byggðarráð fagnar styrkveitingunni og felur sveitarstjóra undirritun samnings þar um. Bókun fundar Sveitarstjórn staðfestir bókun byggðarráðs og fagnar styrkúthlutun innviðaráðuneytis úr lið C1 á byggðaáætlun, sértæk verkefni sóknaráætlunarsvæða upp á 15 milljónir og bindur vonir við að verkefnið verði vísir að frekari uppbyggingu atvinnutækifæra á svæðinu.
  
  Samþykkt með 9 atkvæðum samhljóða.
• 5.6 2405033 Erindi frá íbúa vegna öryggismála
  Byggðarráð Húnabyggðar - 63 Byggðarráð tekur undir áhyggjur um öryggi barna við grunnskólann vegna bílaumferðar og felur sveitarstjóra að gera viðeigandi ráðstafanir strax til þess að umferð bíla um grunnskólalóðina sé haldið í lágmarki. Þá felur byggðarráð skipulags- og byggingarfulltrúa að kanna framtíðarskipulag umferðar um lóð grunnskólans og koma með tillögur hvað það varðar.
• 5.7 2405024 Fundargerð 107. fundar stjórnar SSNV
  Byggðarráð Húnabyggðar - 63 Lögð fram til kynningar.
• 5.8 2405025 Fundargerð aðalfundar Landskerfis bókasafna 2024
  Byggðarráð Húnabyggðar - 63 Lögð fram til kynningar.
• 5.9 2405030 Skýrsla stjórnar Landskerfis bókasafna vegna ársins 2023
  Byggðarráð Húnabyggðar - 63 Lögð fram til kynningar.
• 5.10 2405026 Fundargerð stjórnarfundar Félags- og skólaþjónustu A-Hún 2.maí 2024
  Byggðarráð Húnabyggðar - 63 Lögð fram til kynningar.
• 5.11 2405017 Fundargerðir aðalfundar og stjórnarfundar Heimilisiðnaðarsafnsins 29. apríl 2024
  Byggðarráð Húnabyggðar - 63 Lagt fram til kynningar.
• 5.12 2405028 Ársreikningur og fundargerð aðalfundar Hveravallafélagsins
  Byggðarráð Húnabyggðar - 63 Lagt fram til kynningar.

2405010F

• 6.1 2311019 HB- Deiliskipulag gamla bæjarins
  Skipulags- og byggingarnefnd - 24 Skipulags-og byggingarnefnd leggur til að gengið verði frá skipulagslýsingu í samræmi við umræður á fundinum og áherslur nefnarinnar og hún lögð fyrir sveitarstjórn. Lýsingin verði síðan kynnt í samræmi við ákvæði skipulagslaga. Bókun fundar Sveitarstjórn staðfestir deiliskipulagslýsingu gamla bæjarins á Blönduósi og Klifamýri með áorðnum breytingum sem fela í sér að ytri mörk deiliskipulagsins nái ekki yfir Blöndu heldur verði við ytri mörk lóða í Blöndubyggð. Sveitarstjórn felur skipulags- og byggingarfulltrúa að setja deiliskipulagslýsinguna í auglýsingu og tryggja vandaða kynningu á deiliskipulagslýsingunni fyrir eigendum eigna á umræddu svæði og öðrum íbúum sveitarfélagsins.
  
  Samþykkt með 9 atkvæðum samhljóða.
• 6.2 2405002 Umsókn um byggingarleyfi við Brimslóð 10C
  Skipulags- og byggingarnefnd - 24
  Í gildandi aðalskipulagi 2010-2030 segir svo: "Á svæðinu er hótel, trésmiðja, skrifstofur og íbúðir. Svigrúm er fyrir stækkun á hóteli innan reitsins en annars telst svæðið vera fullbyggt. Gert verði ráð fyrir samkomutorgi við Brimslóð sem verði útfært sem fallegt almenningssvæði innanum gamla byggð. Stuðlað verði að aðlaðandi ásýnd byggðarinnar og áhersla lögð á að frágangur opinna rýma, s.s. hvað varðar yfirborðsefni, gróður og lýsingu. Stærð svæðis 2 ha."
  Við afgreiðslu erindisins var leitað álits skipulagslögfræðings sveitarfélagsins.
  Nefndin hafnar að veita umbeðið byggingarleyfi á grundvelli aðalskipulags.
• 6.3 2405038 Umsagnarbeiðni vegna aðalskipulag Skagafjarðar.
  Skipulags- og byggingarnefnd - 24 Nefndin gerir ekki athugasemdir við framlögð gögn. Bókun fundar Sveitarstjórn staðfestir afgreiðslu nefndarinnar.
  
  Samþykkt með 9 atkvæðum samhljóða.
• 6.4 2405039 Umsókn um framkvæmdarleyfi vegna jarðvegsframkvæmda
  Skipulags- og byggingarnefnd - 24 Skipulagsfulltrúa falið að veita umbeðið leyfi
• 6.5 2405011F Afgreiðslufundur byggingarfulltrúa - 8
  Skipulags- og byggingarnefnd - 24 Tekið til kynningar afgreiðslufund skipulags- og byggingarfulltrúa sem haldin var þriðjudaginn 28. maí 2024.

2405012F

• 7.1 2209018 Leikskóli Húnabyggðar
  Fræðslunefnd Húnabyggðar - 15 Sigríður leikskólastjóri gaf munnlega skýrslu er varðar starfið og framkvæmdir. En vinna við skólanámskrá leikskólans er hafin sem og vinna við einkunnarorð og starfsáherslur skólans. Hvað varðar framkvæmdir fór Sigríður yfir það sem gera á í sumar.
  Innritun að hausti fer fram í september, 8 börn hefja skólagöngu næsta haust samkvæmt skráningu. Sigríður greindi einnig frá að mönnun líti vel út fyrir næsta skólaár.
  Stjórn foreldrafélags leikskólans og leikskólastjórnendur telja mjög mikilvægt að farið verði strax í vinnu við hönnun á nýrri leikskólalóð við Hólabraut, í samráði við starfsmenn, nemendur og foreldra. Mjög mikilvægt er að framkvæmdir við undirbúning geti hafist sem fyrst. Einnig ítreka foreldrar og skólastjórnendur að settur verði upp skúr fyrir vagna og útileikföng við starfsstöð skólans við Félagsheimilið.
• 7.2 2405041 Heilsueflandi skóli
  Fræðslunefnd Húnabyggðar - 15 Þórhalla skólastjóri greindi frá því að Húnaskóli hyggst fara í verkefnið Heilsueflandi skóli á næsta ári og hélt stutta kynningu þar um. Atli Einarsson skipaður í stýrihóp vegna verkefnisins fyrir hönd Fræðslunefndar. Fræðslunefnd hvetur foreldrafélagið að skipa fulltrúa sinn sem fyrst.
• 7.3 2302026 Húnaskóli - Daglegt starf
  Fræðslunefnd Húnabyggðar - 15 Þórhalla skólastjóri gaf munnlega skýrslu er varðar daglegt starf skólans. Fjöldi viðburða hefur verið í og utan skóla auk ferða innanlands og utan. Búið er að ganga frá ráðningum þriggja starfsmanna. Auglýsing um tvær stöður eru opnar. Framkvæmdir verða í lágmarki í sumar en skipt verður um þá glugga sem eftir er í Nýja skóla. Vinna á áfram með byrjendalæsi og bekkjaranda/samskipti næsta vetur og verða þeir tveir áhersluþættir áfram í starfsþróun starfsfólks næsta vetur. Þórhalla fór yfir aðgengismál fatlaðra í skóla og íþróttamiðstöð. Þórhalla fór yfir mótun skólastefnu nýs skóla og talaði um mikilvægi samskipti við nágrannaskóla á svæðinu.
• 7.4 2206034 Önnur mál
  Fræðslunefnd Húnabyggðar - 15 Pétur Arason sveitarstjóri fór yfir gang mála er varðar útboð byggingu nýs leikskóla.
  
  Elín Ósk Gísladóttir formaður Foreldrafélags Húnaskóla vakti máls á því að
  félaginu hafi borist erindi varðandi neikvæð samskipti nemenda og starfsmanna Húnaskóla.
  
  Elín Ósk lagði fram eftirfarandi bókun: Foreldrafélag Húnaskóla vill minna á Olweusaráætlunina sem Húnaskóli vinnur eftir (samkvæmt heimasíðu skólans). Á heimasíðu Olweusaráætlana á Íslandi (https://olweus.is/) segir orðrétt: ,,Áætlunin nær til allra anga skólastarfsins og til allra aðila í samfélagi skólans. Við kappkostum að skapa nemendum öryggi. Skólabrag sem einkennist af: Hlýju, einlægum áhuga og alúð hinna fullorðnu. Ákveðnum römmum gegn óviðunandi hegðun. Viðurlög við brotum á reglum. Fullorðnir í skóla og heimilum komi fram af myndugleik sem yfirboðaðar.“
  
  Einnig ræddi Elín um fyrirhugaðan aðalfund foreldrafélgsins sem verður á haustmánuðum og benti á mikilvægi foreldrasamstarfs en félagið mun bjóða upp á fræðslu um netöryggi og stjórnun á snjalltækjum og fleira.

2405013F

• 8.1 2405042 Skólahreystivöllur
  Íþrótta-, tómstunda- og lýðheilsunefnd Húnabyggðar - 9 Formaður lagði fyrir nefndina erindi frá nemendum Húnaskóla um gerð skólahreystivallar á skólalóð Húnaskóla. Í erindinu kemur fram nemendur vilji að Húnaskóli verði meira heilsueflandi skóli í heilsueflandi samfélagi og að markmið nemendanna sé að láta nemendur hreyfa sig. Umræður urðu um erindið og fagnar nefndin framtaki nemenda. Nefndin samþykkir að vísa málinu til fjárhagsáætlunargerðar vegna ársins 2025 og felur menningar-, íþrótta- og tómstundafulltrúa Húnabyggðar að kanna með mögulegar styrkveitingar til verkefnisins.
  
  Ólafur Sigfús Benediktsson vék af fundi undir þessum lið.
  
• 8.2 2405043 Sumarfjör 2024
  Íþrótta-, tómstunda- og lýðheilsunefnd Húnabyggðar - 9 Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar, fór yfir dagskrá Sumarfjörs 2024. Dagskráin er skemmtileg og fjölbreytt að vanda. Í sumar verða tveir hópar í Sumarfjöri, annars vegar fyrir 6-9 ára börn og hins vegar fyrir 10-12 ára börn. Nefndin fagnar þeirri fjölbreyttu dagskrá sem í boði verður fyrir börn og ungmenni í Húnabyggð í sumar.
• 8.3 2405044 Frístundastyrkur
  Íþrótta-, tómstunda- og lýðheilsunefnd Húnabyggðar - 9 Umræður urðu í nefndinni um frístundastyrki, kosti þeirra og galla og upptöku frístundastyrks í Húnabyggð. Nefndin samþykkir að fela menningar-, íþrótta- og tómstundafulltrúa Húnabyggðar að kanna fyrirkomulag frístundastyrks í sambærilegum sveitarfélögum.
• 8.4 2402035 Blönduósvöllur
  Íþrótta-, tómstunda- og lýðheilsunefnd Húnabyggðar - 9 Umræður urðu um Blönduósvöll og þau verkefni sem bíða í sumar. Nefndin leggur til að fundur verði haldinn í nefndinni á haustmánuðum þar sem framtíðarsýn íþróttasvæðisins á Blönduósvelli verður rædd, ástand vallarins metið, verkefni skilgreind og áætlun sett upp til næstu ára. Verði niðurstaða fundarins lögð fyrir Byggðaráð fyrir komandi fjárhagsáætlunargerð fyrir árið 2025.
• 8.5 2311429 Styrkumsóknir Húnabyggðar í lýðheilsusjóð
  Íþrótta-, tómstunda- og lýðheilsunefnd Húnabyggðar - 9 Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar, kynnti fengna styrki úr lýðheilsusjóði. Húnabyggð sótti um sex styrki úr lýðheilsusjóði haustið 2023 sem sjá má í fundargerð 7. fundar nefndarinnar frá 4. desember 2023. Húnabyggð fékk styrk vegna eftirtalinna verkefna:
  1.
  Komið þið með - 200.000 kr. styrkur - Tilgangur verkefnisins er að fá börn og unglinga af erlendum uppruna til að taka meiri þátt í skipulögðu starfi í íþróttum og tómstundum.
  2.
  Virk efri ár í Húnabyggð ? 200.000 kr. styrkur - Með aukinni virkni og inngildingu eldra fólks í samfélaginu má ætla að stuðlað sé að betri líðan og bættri heilsu og þar með mögulega meiri lífshamingju. Karlmenn nýta sér núverandi úrræði síður og því sérstaklega reynt að höfða til þeirra, en mun nýtast öllum.
  3.
  Heilsuinngrip með svefnbyltingarappinu- íhlutunarrannsókn ? 300.000 kr. styrkur.
  4.
  Tengjum kynslóðirnar með rathlaupum ? 100.000 kr. styrkur - Markmið verkefnis er að stuðla að aukinni fjölbreyttni í íþróttum og útivistar möguleikum á svæðinu sem hentar fjölbreyttum aldri.
  
  Nefndin fagnar fengnum styrkjum og bindur vonir við að verkefnin eigi eftir að auka hreyfingu og lýðheilsu í sveitarfélaginu.
  
• 8.6 2206034 Önnur mál
  Íþrótta-, tómstunda- og lýðheilsunefnd Húnabyggðar - 9 Nefndin vill, enn og aftur, leggja áherslu á að ungbarnaleikvöllurinn sem til er hjá sveitarfélaginu verði settur upp í sumar.

2405014F

• 9.1 2404061 Samkomulag um að leggja niður rekstur Laxárvirkjunar í A-Hún.
  Byggðarráð Húnabyggðar - 64 Byggðarráð ákveður að taka hvorki afstöðu með né á móti þessu máli. Bókun fundar Sveitarstjórn frestar formlegri afgreiðslu málsins þar til umsögn Umhverfisstofnunar liggur fyrir.
  
  Samþykkt með 5 atkvæðum, 3 voru á móti (SÞS, JG, BÞH) og einn sat hjá (EG)
• 9.2 2405046 Samningur við Húnaþing vestra um samvinnu í brunavörnum
  Byggðarráð Húnabyggðar - 64 Byggðarráð staðfestir samvinnusamning milli slökkviliðs Húnabyggðar og slökkviliðs Húnaþings vestra sem þegar hefur verið skrifað undir. Bókun fundar Sveitarstjórn staðfestir afgreiðslu byggðarráðs.
  
  Samþykkt með 9 atkvæðum samhljóða.
• 9.3 2312006 Húnabyggð - Björninn heim
  Byggðarráð Húnabyggðar - 64 Byggðarráð samþykkir þau skilyrði sem Náttúruminjasafn Íslands setur fram um varðveislu uppstoppaðs bjarndýrs. Byggðarráð minnir á að umrætt bjarndýr hafi áður verið varðveitt í byggingum sveitarfélagsins og því ætti öllum skilyrðum að vera uppfyllt.
• 9.4 2405047 Eldvarnarfulltrúi Húnabyggðar
  Byggðarráð Húnabyggðar - 64 Byggðarráð staðfestir skipan Óla Vals Guðmundssonar sem eldvarnarfulltrúa Húnabyggðar en þetta hlutverk tilheyrir starfi umsjónarmanns eigna Húnabyggðar. Bókun fundar Sveitarstjórn staðfestir tilnefningu Óla Vals Guðmundssonar sem eldvarnarfulltrúa Húnabyggðar.
• 9.5 2405053 Styrkbeiðni - Ungmennafélagið Hvöt 100 ára
  Byggðarráð Húnabyggðar - 64 Byggðarráð samþykkir að veita Ungmennafélaginu Hvöt styrk að upphæð 125.000 kr vegna 100 ára afmælishátíð félagsins.
  
  ASS vék af fundi undir þessum lið. Bókun fundar GRL og ASS véku af fundi og RH tók við stjórn undir þessum lið.
  
  Sveitarstjórn staðfestir afgreiðslu byggðarráðs um að veita Ungmennafélaginu Hvöt styrk að upphæð 125.000 kr vegna 100 ára afmælishátíð félagsins.
  
  Samþykkt með 7 atkvæðum samhljóða
• 9.6 2405048 Umsókn um lóð Fálkagerði 4
  Byggðarráð Húnabyggðar - 64 Byggðarráð samþykkir lóðaumsókn við Fálkagerði 4.
  
  ASS kom aftur inn á fund undir þessum lið.
• 9.7 2301007 Húnabyggð - Sala eigna
  Byggðarráð Húnabyggðar - 64 Byggðarráð samþykkir kauptilboð í íbúð Húnabraut 42 0202 og felur sveitarstjóra að gera móttilboð í íbúð Húnabraut 42 0201 í samræmi við ákvörðun fundarins.
  
  Magnús Sigurjónsson kom inn á fund undir þessum lið. Bókun fundar Sveitarstjórn samþykkir kauptilboð í Húnabraut 42 (0202) og samþykkir ennfremur sölu á Húnabraut 42 (0201), þar sem móttilboði var tekið og felur sveitarstjóra að ganga frá samningunum.
  
  Samþykkt með 9 atkvæðum samhljóða.
• 9.8 2405055 Landsáætlun um útrýmingu á sauðfjárriðu
  Byggðarráð Húnabyggðar - 64 Byggðarráð tekur undir umsögn Félags sauðfjárbænda í Austur-Húnavatnssýslu sem er eftirfarandi:
  
  „Umsögn frá Félagi sauðfjárbænda í Austur-Húnavatnssýslu
  Ánægjulegt er að komið sé að þeim tímapunkti að lögð sé fram landsáætlun um ræktun gegn riðu á Íslandi, þar sem megináhersla er á að útrýma veikinn í stað riðusmitefnisins eins og áður var. Ræktun fjárstofns sem ber verndandi arfgerðir gegn smitefninu er undirstaðan.
  Vægi MV arfgerða: Í skýrslunni “Aðgerðir gegn riðuveiki, ný nálgun með verndandi arfgerðum? sem sérfræðingahópur skipaður af matvælaráðherra skilaði af sér 1.nóvember 2023 er lagt til að æskilegt sé að viðhalda eða auka tíðni T137 samsætunnar í stofninum, viðhalda tíðni AHQ og að tíðni C151 sé amk viðhaldið. Þessar samsætur eru útbreiddari í stofninum heldur en ARR og með því að leggja meiri áherslu á þessar mögulega verndandi arfgerðir en gert er í landsáætluninni mætti ná hraðar inn mögulegri vernd, þar sem að rannsóknir benda til þess að þessar mögulega verndandi samsætur gefi sambærilega niðurstöðu á við ARR ( rannsóknir Vincent Beringue hjá INRAE). Þetta dregur einnig úr hættu á skyldleikaræktun.
  Mikilvægt er að tryggja að rannsóknum á þessum mögulega verndandi arfgerðum verði tryggt fjármagn og haldið áfram.
  Varnarlínur eins og þær eru í dag eru einnig mikilvægar með tilliti til garnaveiki og er því mjög mikilvægt að meta gildi þeirra einnig útfrá því.
  Tímalína málsins í samráðsgátt er alveg afleit, 8-20.maí er háannatími hjá sauðfjárbændum og afar erfitt um vik hjá mörgum að gefa sér tíma í þetta“
  Bókun fundar Sveitarstjórn tekur undir bókun byggðarráðs sem byggir á umsögn Félags sauðfjárbænda í Austur-Húnavatnssýslu um drög að stefnu um landsáætlun um útrýmingu á sauðfjárriðu. Sveitarstjórn áréttar að mikilvægt sé að yfirvöld fari eftir þeim reglum sem gilda um riðusmitað fé og urðun þess og að ríkisvaldið brjóti ekki lög og þvingi sveitarfélög og eftir atvikum landeigendur til að urða skrokka af riðusmituðu fé. Þá leggur sveitarstjórn áherslu á að yfirvöld leggi af niðurskurðaraðferðir sem notaðar hafa verið um áratugaskeið og að meira fjármagn verði sett í rannsóknir á riðuveiki og aðgerðir til að innleiða arfgerðir sem eru verndandi gegn riðu. Sveitarstjórn felur sveitarstjóra að senda bókun þessa á matvælaráðherra.
  
  Samþykkt með 9 atkvæðum samhljóða.
• 9.9 2405054 Fundargerð stjórnar Félags- og skólaþjónustu A-Hún 5. sept 2023
  Byggðarráð Húnabyggðar - 64 Lögð fram til kynningar. Bókun fundar Sveitarstjórn samþykkir beiðni byggðarsamlags um Félags- og skólaþjónustu um einfalda ábyrgð á láni að fjárhæð 30 milljónir króna til framkvæmda við eina íbúð að Hnitbjörgum á Blönduósi og eina íbúð við Ægisgrund á Skagaströnd.
  
  Sveitarstjórn Húnabyggðar samþykkir hér með að veita einfalda ábyrgð og veðsetja til tryggingar ábyrgðinni tekjur sínar í samræmi við hlutfall eignarhalds, sbr. heimild í 2. mgr. 68. gr. og 2. mgr. 69. gr. sveitarstjórnarlaga nr. 138/2011, til tryggingar láns Félags- og skólaþjónustu A- Hún hjá Lánasjóði sveitarfélaga að höfuðstól allt að kr. 30.000.000,- með lokagjalddaga þann 20. febrúar 2039, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér. Nær samþykki sveitarstjórnar jafnframt til undirritunar lánasamnings og að sveitarfélagið beri þær skyldur sem þar greinir.
  
  Samþykkt með 9 atkvæðum samhljóða.
• 9.10 2405049 Fundargerð 108. fundar stjórnar SSNV
  Byggðarráð Húnabyggðar - 64 Lögð fram til kynningar.
• 9.11 2405050 Fundargerð 72. fundar stjórnar samtaka orkusveitarfélaga
  Byggðarráð Húnabyggðar - 64 Lögð fram til kynningar.
• 9.12 2405051 Hafnasamband Íslands - Fundargerðir 462. og 463. fundar stjórnar
  Byggðarráð Húnabyggðar - 64 Lagðar fram til kynningar.
• 9.13 2405052 Fundargerð 22. fundar Fagráðs um málefni fatlaðs fólks á Norðurlandi vestra
  Byggðarráð Húnabyggðar - 64 Lögð fram til kynningar.

2406001F

• 10.1 2402037 Ósk um breytingu á aðalskipulagi vegna fimm efnistökusvæða
  Skipulags- og samgöngunefnd Húnabyggðar - 25 Skipulags- og samgöngunefnd samþykkir tillögu að skipulagslýsingu, með fyrirvara um samþykki landeigenda, og leggur til við sveitarstjórn að hún samþykki lýsinguna og að hún verði kynnt skv. 1. mgr. 30. gr. skipulagslaga nr. 123/2010.
  Bókun fundar BÞH vék af fundi undir þessum lið.
  
  Sveitarstjórn samþykkir tillögu að skipulagslýsingu, með fyrirvara um samþykki landeigenda, og felur skipulags- og byggingarfulltrúa að kynna hana skv. 1. mgr. 30. gr. skipulagslaga nr. 123/2010.
  
  Samþykkt með 8 atkvæðum samhljóða.
  
• 10.2 2406000 Bergsstaðir í Svartárdal - Umsókn um byggingarreit og landskipti
  Skipulags- og samgöngunefnd Húnabyggðar - 25 Nefndin samþykkir erindið og felur skipulagsfulltrúa að ganga frá málinu.
• 10.3 2211009 Erindisbréf
  Skipulags- og samgöngunefnd Húnabyggðar - 25 Nefndin samþykkir nýtt erindisbréf nefndarinnar. Bókun fundar Sveitarstjórn staðfestir uppfært erindisbréf Skipulags- og samgöngunefndar.
  
  Samþykkt með 9 atkvæðum samhljóða.
• 10.4 2401017 Hveravellir, breyting á deiliskipulagi.
  Skipulags- og samgöngunefnd Húnabyggðar - 25 Nefndin samþykkir framlagða tillögu. Bókun fundar Sveitarstjórn samþykkir afgreiðslu Skipulags- og samgöngunefndar.
  
  Samþykkt með 9 atkvæðum samhljóða.