14.05.2024 - Sveitarstjórn Húnabyggðar

2212008

2404013F

• 2.1 2212002 Húnaver
  Byggðarráð Húnabyggðar - 60 Byggðarráð samþykkir fyrirliggjandi leigusamning við Heimafengið ehf. um skammtímaleigu frá 1. maí til 30.september. Samningur þessi er byggður á grunni eldri samnings. Bókun fundar Sveitarstjórn staðfestir skammtímaleigusamning við rekstraraðila Húnavers.
  
  JG og SÞS vilja færa eftirfarandi til bókunar:
  Við fulltrúar H-lista og G-lista stóðum í þeirri meiningu að sá skammtíma leigusamningur sem gerður var um leigu á Húnaveri og átti að gilda frá 1.maí til 30.september 2023 hefði verið framlengdur frá mánuði til mánuðar eftir að hann rann út eins og við vorum upplýstir um í fyrrahaust.Nú er sveitarstjórn hinsvegar sagt að einungis hafi verið borguð leiga samkvæmt þeim samningi út samningstímann eða í fimm mánuði ,síðan þá hafi Húnaver verið leigulaust. Við höfum ekki verið upplýstir um hvernig samningum hefur verið háttað vardandi þá notkun sem verið hefur á húsinu síðan þá. Við furðum okkur á þeim vinnubrögðum að gera síðan annan skamtíma leigusamning um Húnaver sem gilda á í sumar þar sem leigutekjur eiga einungis að standa undir föstum rekstrarkostnaði sem sveitarfélagið greiðir, í stað þess að láta reyna á hvort hægt sé að koma húsinu í langtímaleigu sem skili sveitarfélaginu einhverjum tekjum eins og fulltrúi H-listans lagði til í fyrrasumar.Bent skal á að auk félagsheimilisins og tjaldstæðis eru í húsinu fimm herbergi með tíu rúmmum með öllum búnaði ,einnig fylgir húsinu útihús til skepnuhalds og tún til heyskapar og nýuppgerð íbúð sem ein og sér ætti að vera hægt að leigja fyrir stóran hluta af þeirri upphæð sem allt húsið er leigt fyrir.Við teljum þetta eitt dæmi af mörgum þar sem sveitarfélagið er ekki að nýta þá tekjumöguleika sem fasteignir í eigu sveitarfélagsins bjóða uppá.
  
  Auðunn Sigurðsson óskaði eftir fundarhléi kl. 15:23. Fundur hófst að nýju kl. 15:28.
  
  Sveitarstjórn staðfestir bókun Byggðarráðs með 7 atkvæðum, tveir sitja hjá (JG og SÞS).
• 2.2 2404049 Ósk um leyfi til að halda torfærumót í Kleifarnámu
  Byggðarráð Húnabyggðar - 60 Byggðarráð samþykkir beiðnina. Sveitarstjóra falið að svara erindinu og upplýsa Hestamannafélagið Neista og Skotfélagið Markviss um fyrirhugað mót. Bókun fundar Sveitarstjórn staðfestir leyfi fyrir torfærumóti í Kleifarnámu.
• 2.3 2404053 Umsagnarbeiðni - Krúttið
  Byggðarráð Húnabyggðar - 60 Byggðarráð veitir jákvæða umsögn um erindið fyrir sitt leyti. Bókun fundar Sveitarstjórn staðfestir umsögn byggðarráðs.
• 2.4 2404054 Umsagnarbeiðni - Hótel Blönduós
  Byggðarráð Húnabyggðar - 60 Byggðarráð veitir jákvæða umsögn um erindið fyrir sitt leyti með breytingum er varðar afgreiðslutíma útiveitinga til klukkan 23:00 virka daga og 00:00 fyrir frídaga. Bókun fundar Sveitarstjórn staðfestir umsögn byggðarráðs.
• 2.5 2404056 Styrkbeiðni
  Byggðarráð Húnabyggðar - 60 Vísað til fjárhagsáætlunargerðar 2025
• 2.6 2404055 Kaup á búnaði eða mögulegt samstarf
  Byggðarráð Húnabyggðar - 60 Sveitarstjóra falið að afla frekari upplýsinga um málið
• 2.7 2404058 Erindi frá Fræðslunefnd
  Byggðarráð Húnabyggðar - 60 Lagt fram til kynningar
• 2.8 2404060 Samningur við Leaf
  Byggðarráð Húnabyggðar - 60 Byggðarráð samþykkir lóðaumsókn LeafSpace Iceland ehf. er varðar lóðina Fálkagerði 6A (landnr. L237229). Byggðarráð samþykkir jafnframt framlagðan samning milli Leaf og Húnabyggðar Bókun fundar Sveitarstjórn staðfestir samning við LeafSpace Iceland ehf. vegna Fálkagerðis 6A.
• 2.9 2303035 Húnabyggð - Úthlutun lóða
  Byggðarráð Húnabyggðar - 60 Byggðarráð samþykkir að úthluta umsækjanda Blöndu ehf. lóðum í 3. áfanga í Brautarhvammi (landnr. L228266) Bókun fundar ZAL, GHJ og GRL véku af fundi við umræður um þennan lið og ASS tók við fundarstjórn á meðan.
• 2.10 2404061 Samkomulag um að leggja niður rekstur Laxárvatnsvirkjunar í A-Hún.
  Byggðarráð Húnabyggðar - 60 Erindinu frestað. Sveitarstjóra falið að afla frekari gagna
• 2.11 2404062 Fundargerð 105. fundar stjórnar
  Byggðarráð Húnabyggðar - 60 Lagt fram til kynningar Bókun fundar Fundargerðin lögð fram til kynningar.
• 2.12 2404063 Fundargerð 19. fundar fagráðs um málefni fatlað fólks
  Byggðarráð Húnabyggðar - 60 Lagt fram til kynnningar Bókun fundar Fundargerðin lögð fram til kynningar.
• 2.13 2404064 Fundargerð 49. fundar fagráðs Barnaverndarþjónustu Mið-Norðurlands
  Byggðarráð Húnabyggðar - 60 Lagt fram til kynningar Bókun fundar Fundargerðin lögð fram til kynningar.

2404014F

• 3.1 2209018 Leikskóli Húnabyggðar
  Byggðarráð Húnabyggðar - 61 Fundargerð starfshóps um framtíðarhúsnæði leikskóla Húnabyggðar lögð fram til kynningar.
  Byggðarráð samþykkir að auglýsa útboð á nýjum leikskóla Húnabyggðar og vísar málinu til sveitarstjórnar til endanlegrar afgreiðslu. Bókun fundar Sveitarstjórn staðfestir afgreiðslu byggðarráðs og samþykkir að setja í auglýsingu útboð á nýjum fjögurra deilda leikskóla. Sveitarstjórn tekur undir eftirfarandi bókun vinnuhóps um byggingu nýs leikskóla: Nefndin telur mjög mikilvægt að sem allra fyrst verði hafist handa við hönnun leikskólalóðar við nýbygginguna svo framkvæmdir á lóð megi vinnast tímanlega og í takti við framkvæmdir við nýbygginguna. Huga þarf sérstaklega að því hvernig nýframkvæmdir tengjast eldri lóð, þannig að skólalóðin í heild þjóni sem best öllum aldurshópum leikskólabarna. Einnig þarf að huga að girðingu í kringum lóðina og tengja þær framkvæmdir við girðingu lóðar núverandi leikskóla ásamt aðkomu hjólandi og gangandi að leikskólanum frá Heiðarbraut. Þá leggur nefndin áherslu á að skilgreint verði sem fyrst hvernig heitavatnsmálum nýja hússins verður háttað.
  
  
• 3.2 2404059 Þrístapar - Áframhaldandi uppbygging
  Byggðarráð Húnabyggðar - 61 Byggðarráð vísar beiðni um styrk vegna frekari framkvæmda við Þrístapa til atvinnu- og menningarnefndar til frekari umfjöllunar.
• 3.3 2402032 Vinnuskólinn 2024
  Byggðarráð Húnabyggðar - 61 Byggðarráð samþykkir að vinnufyrirkomulag ungmenna á aldrinum 13-15 ára verði þannig að yngri hluti hópsins vinni hálfan dag í tvo mánuði (júní og júlí) og eldri hópurinn vinni í heilan dag í tvo mánuði (júní og júlí). Báðir hóparnir hafa frí á föstudögum. Nákvæm tímabil fyrir báða hópa verða auglýst síðar.
• 3.4 2211018 Refa- og minnkaveiðar
  Byggðarráð Húnabyggðar - 61 Byggðarráð samþykkir tímabundið átak (2-3 vikur) í minkaveiðum. Sveitarstjóra falið að kynna átakið meðal veiðimanna og veiðifélaga á svæðinu og semja við veiðimenn sérstaklega í þessu tímabundna átaki.
• 3.5 2404069 Skógræktarfélag A-Húnv - styrkbeiðni
  Byggðarráð Húnabyggðar - 61 Byggðarráð samþykkir að veita Skógræktarfélagi A-Hún 100.000 kr. að styrk vegna 80 ára afmælis sem kemur ofan á þá árlegu styrki sem félagið fær. Bókun fundar Sveitarstjórn staðfestir afgreiðslu byggðarráðs um styrkveitingu til Skógræktarfélags A-Húnvetninga sem færist á lið 2140-9951 Styrktarlínur.
• 3.6 2301007 Húnabyggð - Sala eigna
  Byggðarráð Húnabyggðar - 61 Byggðarráð fór yfir stöðu leigufasteigna sveitarfélagsins og felur sveitarstjóra að fá verðmat á íbúðum að Húnabraut 42 0201 og 0202.
• 3.7 2404072 Samningur um verkstjórn í úrgangsmálum
  Byggðarráð Húnabyggðar - 61 Byggðarráð samþykkir að tímabundinn samningur verði gerður við PureNorth um verkefnastjórnun í gerð nýrrar úrgangsstefnu. PureNorth mun einnig vinna að því að innleiða nýjar lausnir á samningstímanum sem er fram að áramótum 2024-2025. Bókun fundar Sveitarstjórn staðfestir samning við PureNorth um tímabundna verkefnastjórnun í úrgangsmálum.
• 3.8 2404074 WorkPoint
  Byggðarráð Húnabyggðar - 61 Byggðarráð samþykkir að gengið verði til samninga við Spektra ehf. um innleiðingu nýs upplýsingakerfis, WorkPoint, fyrir sveitarfélagið. Undirbúningur er þegar hafinn og áætlað er að hefja innleiðingu á næstu vikum. Bókun fundar Sveitarstjórn staðfestir samninga við Spektra um uppsetningu nýs upplýsingakerfis, WorkPoint, sem sett verður upp á næstu mánuðum.
• 3.9 2404075 Sumarvinna ungmenna hjá Landsvirkjun
  Byggðarráð Húnabyggðar - 61 Byggðarráð samþykkir samning við Landsvirkjun um að sumarvinna ungmenna 16 ára og eldri verði samvinnuverkefni sveitarfélagsins og Landsvirkjunar. Byggðarráð bindur vonir við það að með þessum samningi sé vinnan gerð fjölbreyttari og skemmtilegri fyrir ungmenni Húnabyggðar. Bókun fundar Sveitarstjórn staðfestir samning við Landsvirkjun vegna sumarvinnu ungmenna 16 ára og eldri.
• 3.10 2404077 Forsetakosningar 2024
  Byggðarráð Húnabyggðar - 61 Lagt fram til kynningar.
• 3.11 2404076 Ársreikningur Hafnasambands
  Byggðarráð Húnabyggðar - 61 Lagt fram til kynningar. Bókun fundar Ársreikningur lagður fram til kynningar.
• 3.12 2403032 Fundargerð aðalfundar
  Byggðarráð Húnabyggðar - 61 Lagt fram til kynningar. Bókun fundar Fundargerðin lögð fram til kynningar.
• 3.13 2404070 Fundargerð 21. fundur fagráðs
  Byggðarráð Húnabyggðar - 61 Lagt fram til kynningar. Bókun fundar Fundargerðin lögð fram til kynningar.
• 3.14 2404078 Fundargerð 947 SÍS
  Byggðarráð Húnabyggðar - 61 Lagt fram til kynningar. Bókun fundar Fundargerðin lögð fram til kynningar.
• 3.15 2404081 Fundargerð 106. fundar stjórnar SSNV
  Byggðarráð Húnabyggðar - 61 Lagt fram til kynningar. Bókun fundar Fundargerðin lögð fram til kynningar.

2405001F

• 4.1 2305013 Íþróttamiðstöðin á Blönduósi
  Byggðarráð Húnabyggðar - 62 Kynnt voru tilboð í lagningu nýs gólfs í íþróttasal Íþróttamiðstöðvar. Lagt fram til kynningar og sveitarstjóra falið að vinna málið áfram í samræmi við umræðu fundarins.
• 4.2 2405005 Rekstrarleyfi - félagsheimilið Dalsmynni
  Byggðarráð Húnabyggðar - 62 Byggðarráð veitir jákvæða umsögn fyrir sitt leyti. Bókun fundar Sveitarstjórn staðfestir umsögn byggðarráðs.
• 4.3 2405009 Salerni á Þrístöpum
  Byggðarráð Húnabyggðar - 62 Farið yfir fyrstu rekstrarmánuði nýs salernis á Þrístöpum sem nú er tilbúið fyrir ferðamannastraum sumarins.
• 4.4 2405006 Félags og skólaþjónusta A-Hún - Ársreikningur 2023
  Byggðarráð Húnabyggðar - 62 Lagt fram til kynningar. Bókun fundar Ársreikningur lagður fram til kynningar.
• 4.5 2405011 Skýrsla um stjórnsýsluskoðun
  Byggðarráð Húnabyggðar - 62 Lagt fram til kynningar. Bókun fundar Skýrslan lögð fram til kynningar.
• 4.6 2405003 Fundargerð 70 og 71. fundar samtaka orkusveitarfélaga
  Byggðarráð Húnabyggðar - 62 Lagt fram til kynningar. Bókun fundar Fundargerðin lögð fram til kynningar.

2405002F

• 5.1 2405000 Umsókn um byggingarleyfi að Fálkagerði 1
  Skipulags- og byggingarnefnd - 23 Nefndin samþykkir umsóknina með fyrirvara um jákvæða umsögn frá slökkviliðsstjóra og felur byggingafulltrúa að vinna málið áfram.
• 5.2 2405001 Umsókn um byggingarheimild vegna viðbyggingar fyrir 544m2 viðbyggingu við fjárhús (mhl 13).
  Skipulags- og byggingarnefnd - 23 Nefndin samþykkir umsóknina með fyrirvara um jákvæða umsögn frá slökkviliðsstjóra og felur byggingafulltrúa að vinna málið áfram.
• 5.3 2405002 Umsókn um byggingarleyfi við Brimslóð 10C
  Skipulags- og byggingarnefnd - 23 Nefndin frestar afgreiðslu erindisins þar til að lögfræðiálit liggur fyrir er varðar ákvæði aðalskipulags svæði V8. Aukafundur verður haldin um leið og álit lögmanns liggur fyrir. Bókun fundar ZAL vék af fundi undir þessum lið.
• 5.4 2311413 Nýtt aðalskipulag sveitarfélagsins
  Skipulags- og byggingarnefnd - 23 Skipulags- og byggingarnefnd þakkar Ómari Ívarssyni fyrir greinargóða kynningu.
• 5.5 2405015 Umsókn um framkvæmdarleyfi fyrir aurvarnargarða í Vatnsdal.
  Skipulags- og byggingarnefnd - 23 Nefndin felur skipulagsfulltrúa að veita umbeðið framkvæmdarleyfi.
• 5.6 2405016 Tilkynningarskyld framkvæmda vegna utanhússklæðningar við Efstubraut 5, Blönduósi
  Skipulags- og byggingarnefnd - 23 Nefndin felur byggingafulltrúa að veita umbeðið leyfi. Bókun fundar GHJ vék af fundi undir þessum lið og GRL tók við fundarstjórn á meðan.
• 5.7 2402002 Umsókn um flutning 5 smáhýsa við Blöndubyggð 9.
  Skipulags- og byggingarnefnd - 23 Nefndin felur byggingafulltrúa að veita umbeðið flutningsleyfi.
• 5.8 2404001F Afgreiðslufundur byggingarfulltrúa - 7
  Skipulags- og byggingarnefnd - 23 Lagt fram til kynningar. Bókun fundar Fundi slitið kl. 16:01