12.09.2023 - Sveitarstjórn Húnabyggðar

2309003

2211010

2303005

2309004

2308033

2308004F

• 6.1 2207033 Skóladagatal Grunnskóla Húnabyggðar 2022-2023
  Fræðslunefnd Húnabyggðar - 11 Þórhalla Guðbjartsdóttir lagði fram breytingatillögu að skóladagatali Húnaskóla 2023-2024, en skóladagatal hafði áður verið staðfest af fræðslunefnd 23. maí 2023.
  Um er að ræða óverulega breytingu á skóladagatali vegna tilfærslu starfsdaga í grunnskóla vegna sameiginlegra skipulagsdaga alls starfsfólks sveitarfélagsins við stefnumótunarvinnu.
  Tillagan borin upp og samþykkt með 5 atkvæðum samhljóða. Bókun fundar Skóladagatal Húnaskóla 2023-2024 með áorðnum breytingum samþykkt samhljóða af sveitarstjórn.
• 6.2 2302025 Mötuneytisþjónusta grunn- og leikskóla 2023-2024
  Fræðslunefnd Húnabyggðar - 11 Formaður fór yfir hugmyndir að fyrirkomulagi áskrifta mötuneytisþjónustu í Húnaskóla fyrir skólaárið 2023-2024. Fræðslunefnd leggur til að boðið verði upp á morgunverð fyrir nemendur og starfsfólk án endurgjalds líkt og síðasta skólaár. Boðið verði upp á tvær áskriftarleiðir fyrir hádegisverð, þ.e. mánaðaráskrift alla daga vikunnar eða skráningu í eina önn alla daga vikunnar. Einnig verði í boði síðdegishressing, þar sem nemendur geti valið ákveðna vikudaga í áskrift mánuð í senn. Þar sem sveitarfélagið er nú að hefja mötuneytisrekstur á eigin vegum er lagt til að fyrirkomulag mötuneytisþjónustu verði skoðuð eftir reynslu fyrstu mánuðina, eða fyrir gerð fjárhagsáætlunar sveitarfélagsins 2024 Bókun fundar Afgreiðsla Fræðslunefndar samþykkt samhljóða.
• 6.3 2303040 Skóladagatal leikskóla Húnabyggðar 2022-2023 - Breyting
  Fræðslunefnd Húnabyggðar - 11 Sigríður Aadnegard lagði fram breytingatillögu að skóladagatali Leikskóla Húnabyggðar 2023-2024, en skóladagatal hafði áður verið staðfest af fræðslunefnd 23. maí 2023.
  Breytingatillagan felur í sér fjölgun starfsdaga á leikskóla um 1,5 daga. Heildarfjöldi skipulagsdaga verður þannig 8,5 í stað 5 líkt og hefur verið undanfarin ár. Breytingin er annarsvegar tilkomin vegna náms- og kynnisferðar starfsfólks og hins vegar vegna sameiginlegra skipulagsdaga alls starfsfólks sveitarfélagsins við stefnumótunarvinnu. Fræðslunefnd vill koma á framfæri að hvorug þessara breytinga er varanleg, þar sem hvorki er reiknað með að stefnumótun sveitarfélagsins né náms- og kynnisferðir starfsfólks verði árvissar.
  
  Tillagan borin upp og samþykkt með 5 atkvæðum samhljóða.
  Bókun fundar Skóladagatal Leikskóla Húnabyggðar 2023-2024 með áorðnum breytingum samþykkt samhljóða af sveitarstjórn.
• 6.4 2308018 Skipulag húsnæðismála Leikskóla Húnabyggðar skólaárið 2023-2024
  Fræðslunefnd Húnabyggðar - 11 Leikskólinn opnar eftir sumarfrí 10. ágúst. Fyrirhugað var að elsti árgangur leikskólans og hluti af næst elsta árgangi skólans yrðu á sama stað og síðastliðið skólaár, þ.e. í kennslustofum í íþróttamiðstöðinni. Því miður hefur ekki verið lokið við þær framkvæmdir sem nauðsynlegar voru vegna aðgengismála svo að hópurinn geti verið á þessum stað. Til að bregðast við þessum aðstæðum hefur leikskólinn fengið aðstöðu á jarðhæð í elsta hluta grunnskólans (Gamla skóla) og mun hópurinn vera þar næsta skólaár.
  Margir kostir eru við þessa lausn, t.d. þurfa nemendur ekki úr húsi til að fara í mötuneytið, leikvöllurinn er nær og einfaldara er að nýta verkgreinastofur þegar þær eru lausar.
  
  Fræðslunefnd vill koma á framfæri þökkum til skólastjórnenda grunn- og leikskóla fyrir að bregðast hratt og vel við þessum breyttu aðstæðum í húsnæðismálum.
  
  Sigríður B. Aadnegard fór yfir þær endurbætur sem hafa verið unnar á leikskólanum Barnabæ í sumar. Áformuðum framkvæmdum sumarsins er að ljúka og búið er að koma í veg fyrir frekari rakaskemmdir á húsnæðinu og gera við þær skemmdir sem voru á húsnæðinu. Þó er ljóst að loftræsting leikskólans þarfnast lagfæringa eða endurnýjunar. Fræðslunefnd beinir því til byggðaráðs vegna komandi fjárhagsáætlunarvinnu.
  
• 6.5 2308019 Viðhaldsverkefni á lóð og aðgengismál við Leikskóla Húnabyggðar (Barnabær)
  Fræðslunefnd Húnabyggðar - 11 Sigríður B Aadnegard fór yfir nokkur viðhalds- og aðgengistengd mál á lóð og bílastæði leikskólans sem þarfnast lagfæringar hið fyrsta af öryggisástæðum. Fræðslunefnd beinir því til byggðaráðs að leysa þessi mál í samráði við skólastjórnanda.

2308005F

• 7.1 2301020 Reglur um akstur fatlaðra einstaklinga
  Byggðarráð Húnabyggðar - 36 Sveitarstjóri og Félagsmálastjóri munu leggja fram reglur um akstur fatlaðra á næsta fundi Byggðarráðs.
  Er varðar akstur nemenda á starfsbraut FNV, lagði formaður til að þjónustan verði eins fram að áramótum og var síðasta skólaár. Sveitarstjóra falið að ganga frá samningi við verktaka og vinna að útboði sem og breytingum á gjaldskrá sem taka gildi næstu áramót.
  Tillagan borin upp til atkvæða og samþykkt samhljóða. Bókun fundar Afgreiðsla byggðaráðs samþykkt samhljóða.
• 7.2 2301007 Húnabyggð - Sala eigna
  Byggðarráð Húnabyggðar - 36 Byggðarráð samþykkir kauptilboð í Blöndubyggð 1 og felur sveitarstjóra að ganga frá sölunni. Bókun fundar Afgreiðsla byggðaráðs samþykkt samhljóða.
• 7.3 2308020 Húnabyggð - Haustsláttur
  Byggðarráð Húnabyggðar - 36 Sveitarstjóri upplýsti um fyrirkomulag haustsláttar. Þau svæði sem Terra hefur slegið undanfarin ár munu verða slegin fyrir veturinn.
• 7.4 2308021 Húnavallanefnd
  Byggðarráð Húnabyggðar - 36 Byggðarráð samþykkir að Ragnhildur Haraldsdóttir, Auðunn Steinn Sigurðsson, Guðmundur Haukur Jakobsson, Jón Gíslason og Elín Aradóttir skipi þessa nefnd
• 7.5 2308025 Fundargerð 96. fundar SSNV
  Byggðarráð Húnabyggðar - 36 Lagt fram til kynningar
• 7.6 2308026 Skagabyggð - umsókn um skólavist utan lögheimils sveitarfélags
  Byggðarráð Húnabyggðar - 36 Fært í trúnaðarbók
• 7.7 2308027 Hraðaakstur í þéttbýli
  Byggðarráð Húnabyggðar - 36 Byggðarráð tekur undir áhyggjur íbúa og vísar erindinu til Skipulags- og byggingarnefndar sem fer með umferðarmál í sveitarfélaginu.
• 7.8 2308022 Fundargerð Fræðslunefndar - Erindum vísað til Byggðarráðs
  Byggðarráð Húnabyggðar - 36 Byggðarráð felur sveitarstjóra að vinna með leikskólastjóra er varðar brýn viðhaldsverkefni og aðgengismál við leikskólann Barnabæ og verði lokið sem fyrst.
• 7.9 2308023 Húnaskóli - Stytting vinnuvikunnar
  Byggðarráð Húnabyggðar - 36 Byggðarráð samþykkir erindi skólastjóra Húnaskóla.

2308006F

• 8.1 2308028 Húnabyggð - Stað verkefna tengd ferðamálum
  Atvinnu- og menningarnefnd Húnabyggðar - 8 Vatnsdalsverkefnið sem rúmar ýmiskonar verkefni í Vatnsdal og svæðinu þar í kring hefur verið í fókus í sumar og gaman að segja frá því að við höfum náð að klára ýmislegt í kringum það verkefni. Gamli bærinn er í þróun og einkaaðilar hafa dregið vagninn þar en sveitarfélagið hefur unnið að gerð 3D módels og eins hefur mikil vinna verið undanfarið í deiliskipulagsmálum svæðisins.
• 8.2 2308029 Styrkumsóknir - framkvæmdasjóður ferðamannastaða 2024
  Atvinnu- og menningarnefnd Húnabyggðar - 8 Skilgreind voru sex stór verkefni sem þarf að móta og vinna með, tala þarf við ferðaþjónustu- og aðra hagsmunaaðila og fá þeirra rödd inn í þau verkefni sem þarf að vinna með áfram. Verkefnið er að skilgreina fimm verkefni og sækja styrki í þau. Verkefin sex sem skilgreind voru á fundinum eru:
  1.Gamli bærinn (UNESCO, 3D módel, Klifamýri, umhverfi og opin svæði, brú o.fl.)
  2.Vatnsdalur (Þrístapar, Ólafslundur, Skólahús, Þingeyrar, Forsæludalur, Álka, Vatnsdæla o.fl.)
  3.Húnaver (Þrándarhlíðarfjall, Laxárdalur, Svartárdalur o.fl.)
  4.Norðurstrandar gönguleið í Húnabyggð (Blanda, Hrútey, Bolabás, Þingeyrar, hringsjá o.fl.)
  5.Hveravellir (hálendið)
  6.Húnaflói (Hornstrandir, Flóabardagi, hvalaskoðun, sjóstöng, lundar, selir, sjófuglar o.fl.)
  
• 8.3 2212002 Húnaver
  Atvinnu- og menningarnefnd Húnabyggðar - 8 Farið yfir starfsemi verktaka í þeim skammtíma samningi sem nú er í gildi. Nefndin bindur vonir við að langtíma samningi við rekstraraðila verði náð, en að öðrum kosti verði svæðið auglýst aftur.
• 8.4 2308030 Húnabyggð - Atvinnumál
  Atvinnu- og menningarnefnd Húnabyggðar - 8 Rætt vítt og breytt um atvinnumál, en sveitarfélagið hefur hafið en ekki lokið stefnumótun þar sem atvinnumál eru að sjálfsögðu stór málaflokkur. Vegna þeirrar stöðu sem sveitarfélagið er í vegna sameiningar og vöntunar á gegnsæi í fjármálum sveitarfélagsins hefur ekki legið fyrir sérstök framkvæmdaáætlun þó finna megi áætlun um fjárfestingar í fjárhagsáætlun árins 2023. Þetta er eitthvað sem má laga þannig að fyrirtæki á svæðinu geti haft hugmyndir um stærstu verkefni hvers árs. Stærri mál eru mál eins og orkumál og heitt vatn en mikil vinnna hefur verið unnin á árinu til að fá betri stöðu í þau mál. Þetta eru mjög flókin mál og ekki á hendi sveitarfélagsins að leysa en mikil vinna er nú í gangi í samtökum orkusveitarfélaga að fá orkulögum breytt. Sveitarfélagið velur að vera bjartsýnt um að í þessum málum finnist farsælar lausnir.
• 8.5 2206034 Önnur mál
  Atvinnu- og menningarnefnd Húnabyggðar - 8 Kynnt erindi frá Arngrími Jóhannssyni um Norðurslóðarsetrið sem er heimilislaust þessa dagana.

2308007F

• 9.1 2209018 Leikskóli Húnabyggðar
  Fræðslunefnd Húnabyggðar - 12 Lögð er fram eftirfarandi tillaga leikskólastjóra:
  Þar sem forsendur fyrir því að halda starfsstöð leikskólans á Vallabóli opinni hafa breyst og fyrirséð er að aðeins þrír til fjórir nemendur muni dvelja þar þetta skólaár, legg ég til að starfsstöðin verði lögð niður. Til að hægt verði að taka við þessum nemendum á Barnabæ og jafnframt að taka inn þá nemendur sem eru á biðlista þarf aukið húsrými. Leikskólanum stendur til boða að nýta húsnæði við Félagsheimilið en skólinn hefur áður nýtt sér það. Húsnæðið þarfnast viðhalds svo hægt sé að nýta það sem skólahúsnæði. Ég legg til að það verði gert og þar verði staðsett ungbarnadeild með því móti ættum við að geta tekið á móti þeim börnum sem eru á biðlista. Stefnt yrði að því að hægt væri að opna deildina um miðjan október.
  
  Tillagan samþykkt samhljóða.
  
  Fræðslunefnd beinir því til sveitarstjórnar að nauðsynlegum framkvæmdum verði lokið sem fyrst. Bókun fundar Fram kom tillaga um að bera málið upp í tvennu lagi, í fyrra lagi hvort eigi að loka starfsstöðinni að Vallabóli og í seinna lagi hvort nýta eigi það húsnæði sem leikskólanum stendur til boða við félagsheimilið.
  
  Tillagan borin upp og samþykkt með 7 atkvæðum (ZAL, MÞ, BÞH, GHJ, GRL, ASS, EA). Tveir sat hjá við afgreiðslu tillögunnar (JG, RH).
  
  Verður tillaga Fræsðlunefndar því borin upp í tvennu lagi.
  
  Borin var upp tillaga um að loka starfsstöð leikskólans að Vallabóli í samræmi við tillögur leikskólastjóra sem Fræðslunefnd hafði samþykkt.
  
  Tillagan samþykkt samhljóða.
  
  Grímur Rúnar Lárusson lagði fram eftirfarandi bókun:
  Ég mótmæli niðurstöðu fræðslunefndar um að nýta húsnæði við Félagsheimili undir leikskóla. Þrátt fyrir að um tímabundna lausn sé að ræða eru vankantarnir á öryggismálum húsnæðisins það miklir að ég tel að ekki sé hægt að starfrækja þar leikskóla. Þrátt fyrir góðan vilja allra hlutaðeigandi um að vankantarnir verði lagfærðir hef ég þungar áhyggjur af því að þær lagfæringar verði ófullnægjandi, ekki síst vegna þess að óvíst er hversu miklir fjármunir verði lagðar í þær þar sem framkvæmdin er ekki á fjárhagsáætlun en einnig vegna þess að engar upplýsingar liggja fyrir um samráð við heilbrigðiseftirlitið um framkvæmdina og hvort leikskólinn fái yfir höfuð starfsleyfi í húsnæðinu. Ég myndi ekki samþykkja að mitt barn færi í leikskóla í þessu húsnæði og get því ekki að óbreyttu samþykkt að önnur börn geri það.
  
  Birgir þór Haraldsson lagði fram eftirfarandi bókun:
  Ég vil spyrja Grím Rúnar Lárusson hvaða húsnæði hann sér fyrir sér að nýta undir ungbarnadeild leikskólans þar sem hann samþykkti að leggja niður starfsstöð leikskólans að Vallabóli.
  
  Þá var borin upp tillaga um hvort nýta skuli húsnæði við félagsheimilið sem leikskólanum stendur til boða undir ungbarnadeild leikskólans í samræmi við tillögu leikskólastjóra sem fræðslunefnd hafði samþykkt.
  
  Tillagan samþykkt með 8 atkvæðum (ZAL, MÞ, JG, BÞH, RH, GHJ, ASS, EA). Einn greiddi atkvæði á móti tillögunni (GRL).
  
  Sveitarstjórn staðfestir niðurstöðu fræðslunefndar og felur sveitarstjóra í samvinnu við leikskólastjóra að ljúka nauðsynlegum framkvæmdum við húsnæði fyrir nýja ungbarnadeild sem fyrst.
  Sveitarstjórn leggur áherslu á að hugað verði sérstaklega að öryggismálum t.d. er varða inngang og útisvæði við deildina, sem og þar sem innangengt er milli hæða í viðkomandi húsrými.
  Sveitarstjórn leggur jafnframt áherslu á að viðkomandi húsrými er ekki hugsað sem varanleg lausn í húsnæðismálum leikskóla, heldur er um að ræða tímabundna ráðstöfun til að koma í veg fyrir að biðlisti eftir leikskólaplássi myndist á skólaárinu.
  
  Framkvæmdahlið og úrvinnslu málsins vísað til byggðaráðs og leikskólastjóra.
  
  

2308041

2308010F

• 11.1 2308034 Kvörtun vegna lausagöngu hunda
  Byggðarráð Húnabyggðar - 37 Að gefnu tilefni er minnt á a lausaganga hunda er bönnuð í þéttbýli. Hundaeigendum eru hvattir til að fara eftir þessum reglum og passa sérstaklega upp á að lausir hundar séu ekki innan um lítil börn.
  
  Byggðaráð felur sveitarstjóra að uppfæra reglur um hundahald í sveitarfélaginu.
• 11.2 2308040 Húsnæðissjálfseignarstofnun vegna sjálfstæðrar búsetu
  Byggðarráð Húnabyggðar - 37 Kynnt voru drög að samþykktum fyrir húsnæðissjálfseignarstofnun vegna sjálfstæðrar búsetu fyrir fatlað fólk sem byggðaráð fór yfir og gerir ekki athugasemdir við. Sveitarstjóra er falið að vinna áfram að stofnun nýrrar húsnæðissjálfseignarstofnunar í samvinnu við Skagafjörð, Skagabyggð og Skagaströnd. Stefnt er að því að reisa húsnæði fyrir sjálfstæða búsetu í stað núverandi heimila á Skúlabraut á Blönduósi og Fellstúni á Sauðárkróki sem fyrst.
  Bókun fundar Sveitarstjórn telur mjög brýnt að þetta mál sé tekið föstum tökum og unnið hratt og vel áfram.
• 11.3 2308038 Fundargerð 97. fundar stjórnar SSNV
  Byggðarráð Húnabyggðar - 37 Fundargerð 97. fundar stjórnar SSNV lögð fram til kynningar.
  
  Byggðaráð tekur undir bókun SSNV varðandi ályktun um Húnavallaleið. Bókun fundar Sveitarstjórn Húnabyggðar tekur heilshugar undir bókun SSNV um Húnavallaleið:
  
  Stjórn SSNV harmar þá umræðu sem upp er komin um styttingu þjóðvegar eitt, svokallaða Húnavallaleið. SSNV hefur áður ályktað og bent á að í byggðarlegu samhengi sé mikilvægt að þjóðvegur eitt fari í gegnum þá þéttbýlisstaði sem hann fer um í dag. Við teljum því ekki að þessi 14 km stytting þjóni hvorki Norðlendingum né öðrum landsmönnum. Jafnframt má benda á að bæði þjóðvegur 1 og vegakerfið í heild þarfnast mikilla endurbóta svo það teljist ásættanlegt og uppfylli kröfur um öryggi íbúa og annarra vegfarenda.
• 11.4 2308039 Hafnasamband Íslands - Fundargerð 455. fundar stjórnar
  Byggðarráð Húnabyggðar - 37 Fundargerð 455. fundar stjórnar Hafnarsambands Íslands lögð fram til kynnningar.
• 11.5 2301007 Húnabyggð - Sala eigna
  Byggðarráð Húnabyggðar - 37 Lagt var fyrir byggðaráð kauptilboð í fasteign sveitarfélagsins að Skúlabraut 21. Tilboðið hljóðar upp á 29.000.000 kr.
  
  Tilboðið samþykkt samhljóða.
  
  Sveitarstjóra falið að ganga frá sölunni. Bókun fundar Afgreiðsla byggðaráðs samþykkt samhljóða.
• 11.6 2309001 Húnabyggð - Útboð á vátryggingum
  Byggðarráð Húnabyggðar - 37 Undanfarna mánuði hefur staðið yfir samantekt á tryggingamálum sveitarfélagsins.
  
  Byggðaráð samþykkir að setja vátryggingar sveitafélagsins í formlegt útboð.
  
  Niðurstöður útboðsins verði kynntar um leið og þær liggja fyrir.
• 11.7 2309002 Tilnefning í Samgöngu- og innviðanefnd
  Byggðarráð Húnabyggðar - 37 Fram kom tillaga um að Ragnhildur Haraldsdóttir verði fulltrúi sveitarfélagsins í Samgöngu- og innviðanefnd og Pétur Arason varamaður.
  
  Samþykkt samhljóða.
• 11.8 2206034 Önnur mál
  Byggðarráð Húnabyggðar - 37 Umræður urðu um mikilvægi þess að einfalda og bæta aðgengi kjörinna fulltrúa og nefndarfólks að fundargögnum sveitarfélagsins.
  
  Sveitarstjóra falið koma á fundargátt fyrir kjörna fulltrúa og nefndarfólk hið allra fyrsta.

2308017

2309005