09.07.2024 - Sveitarstjórn Húnabyggðar

2212008

2407003

2407021

2406004F

• 4.1 2406009 Verkefnastaða
  Byggðarráð Húnabyggðar - 65 Sveitarstjóri fór yfir helstu verkefni sem eru í gangi en fyrirliggjandi framkvæmdir eru komnar af stað í íþróttamiðstöð, Skjólinu, Húnabraut 5, grunnskólanum, leikskólanum o.fl. Þá er vinnuskólinn kominn af stað og sláttur í þéttbýli og dreifbýli hafinn.
• 4.2 2405022 Atvinnu-, kynningar- og ferðamálafulltrúi
  Byggðarráð Húnabyggðar - 65 Byggðarráð tekur undir hugmyndir Atvinnu- og menningarnefndar og vísar málinu til fjárhagsáætlunargerðar fyrir árið 2025 og leggur áherslu á að úrvinnsla varðandi stefnumótunarvinnu sveitarfélagsins verði kláruð fyrir vinnu fjárhagsáætlunargerðar.
• 4.3 2406012 Upplýsingar um þjónustu við fatlað fólk
  Byggðarráð Húnabyggðar - 65 Byggðarráð felur sveitarstjóra að bæta úr þeim málum m.t.t. þess sem bent var á og snúa að Húnabyggð í frumkvæðisathugun Gæða- og eftirlitsstofnunar velferðarmála
• 4.4 2406014 Vatnsdæla á refli
  Byggðarráð Húnabyggðar - 65 Byggðarráð tekur vel í erindið og tekur undir sérstöðu þessa verkefnis og mikilvægi þess fyrir menningarsögu svæðisins og að þetta gæti búið til ýmis tækifæri í ferðamannaþjónustu. Áskorun verkefnisins er stærð og umfang refilsins sem mun þurfa stórt rými til þess að hann njóti sín sem skyldi. Byggðarráð vísar málinu til atvinnu- og menningarnefndar til frekari umfjöllunar.
• 4.5 2406015 Umsókn um tónlistarnám í Tónlistarskóla Akureyrar
  Byggðarráð Húnabyggðar - 65 Byggðarráð samþykkir erindið og felur sveitarstjóra að staðfesta svar til Tónlistarskólans á Akureyri. Jafnframt verður sótt um framlag til Jöfnunarsjóðs sveitarfélaga samkvæmt reglum þar um. Bókun fundar Sveitarstjórn staðfestir afgreiðslu byggðarráðs með 9 atkvæðum samhljóða
• 4.6 2406016 Málun á tröppum við Sýslumannsbrekku
  Byggðarráð Húnabyggðar - 65 Byggðarráð samþykkir að gamla trappan við sýslumannsbrekkuna verði máluð í regnbogalitum hinsegins fólks.
• 4.7 2406017 Umsagnarbeiðni - Brimslóð 2,4 og 6
  Byggðarráð Húnabyggðar - 65 Byggðarráð veitir fyrir sitt leyti jákvæða umsögn um málið. Bókun fundar Sveitarstjórn staðfestir umsögn byggðarráðs með 9 atkvæðum samhljóða.
• 4.8 2406018 Erindi frá Sumarhópnum SAMAN
  Byggðarráð Húnabyggðar - 65 Lagt fram til kynningar.
• 4.9 2406010 Ársreikningur Byggðasamlags um menningar- og atvinnumál 2023
  Byggðarráð Húnabyggðar - 65 Lagt fram til kynningar.
• 4.10 2406011 Fundargerðir 50. og 51. fundar fagráðs Barnaverndarþjónustu Mið-Norðurlands
  Byggðarráð Húnabyggðar - 65 Lagt fram til kynningar.
• 4.11 2406013 Fundargerð 109. fundar stjórnar SSNV
  Byggðarráð Húnabyggðar - 65 Lagt fram til kynningar.

2406006F

• 5.1 2309003 Kosningar í nefndir og ráð
  Landbúnaðarnefnd Húnabyggðar - 11 Varaformaður landbúnaðarnefndar, Halldór Skagfjörð Jónsson, leggur fram eftirfarandi breytingatillögu á nefndarskipan:
  
  í stað Jóns Árna Magnússonar taki Birgir Þór Haraldsson við sem formaður landbúnaðarnefndar
  
  Tillagan var borin undir atkvæði og samþykkt samhljóða með 5 atkvæðum.
• 5.2 2406021 Lausaganga búfjár og veggirðingar
  Landbúnaðarnefnd Húnabyggðar - 11 Í Húnabyggð er lausaganga heimil en mikill aðstöðumunur er á milli sveitarfélaga í Austur og Vestur Húnavatnssýslu því Vegagerðin sér alfarið um viðhald og uppsetningu á girðingum meðfram þjóðvegi 1 í Vestur Húnavatnssýslu.
  
  Ekki stendur til að breyta reglum um lausagöngu nema til komi breyting á viðhaldi girðinga af hálfu Vegagerðinnar. Nefndin felur sveitarstjóra að óska eftir svörum frá Vegagerðinni um aðstöðumun þennan.
  
  
  Maríanna Þorgrímsdóttir, fulltrúi G-lista, mætti á fundinn undir þessum lið.
• 5.3 2406024 Upprekstrarfélag Grímstungu og Haukagilsheiðar
  Landbúnaðarnefnd Húnabyggðar - 11 Nefndin tekur undir með að sækja þarf fé sem vitað er um við fyrsta tækifæri, einnig að smölun heimalanda þurfi að vera lokið fyrir fjárskil. Að öðru leyti vísum við efni bréfsins til fjallskilanefndar Grímstungu og Haukagilsheiðar.
  
• 5.4 2406023 Reglur um refa- og minkaveiðar
  Landbúnaðarnefnd Húnabyggðar - 11 Drög að nýjum reglum um refa- og minkaveiðar lögð fram til kynningar. Nefndin gerir engar athugasemdir við reglurnar fyrir sitt leyti og felur sveitarstjóra að fullklára reglurnar og undirbúa auglýsingu á refa- og minkaveiðum.
• 5.5 2406022 Söfnun plasts
  Landbúnaðarnefnd Húnabyggðar - 11 Nýtt fyrirkomulag á losun á rúlluplasti í sveitarfélaginu lagt fram til kynningar. Fyrirkomulagið felur í sér að bændur hafi nú val um hvort þeir skili rúlluplasti af sér í Þjónustumiðstöð sveitarfélagsins á Ægisbraut 1, þaðan sem það verður sent til endurvinnslu innanlands, eða fái það sótt heim að dyrum eins og hefur verið boðið upp á.
  
  
  Nefndin leggur til að næsti plastsöfnunardagur verði auglýstur á heimasíðu sveitarfélagsins við fyrsta tækifæri en jafnframt verði bændum boðinn sá kostur að skila inn rúlluplasti í Þjónustumiðstöð sveitarfélagsins á Ægisbraut 1 á ákveðnum dögum sem verða einnig auglýstir á heimasíðu sveitarfélagsins og bætt inn á sorphirðudagatal sveitarfélagsins.

2406007F

• 6.1 2406029 Fjárfestingar
  Byggðarráð Húnabyggðar - 66 Sveitarstjóri fór yfir stöðu fjárfestingaverkefna en sum þeirra eru komin af stað, þó mestur þungi þeirra sé nú á sumarmánuðum.
  
  Byggðarráð felur sveitarstjóra að ganga frá viðauka 4 við fjárhagsáætlun 2024 og leggja fyrir sveitarstjórn vegna kaupa á nýrri fjölnotavél fyrir Þjónustumiðstöð Húnabyggðar. Vélin verður notuð til fjölbreyttra verkefna eins og slátt, götusópun, mokstur o.fl. Kaupin eru nauðsynleg þar sem tækjakostur Þjónustumiðstöðvarinnar þarfnast endurnýjunar nú þegar.
  
  
  Bókun fundar Lagt er fyrir fundinn viðauki 4 við fjárhagsáætlun Húnabyggðar 2024. Viðauki 4 er byggður á breyttum forsendum vegna ástands tækja í Þjónustumiðstöð Húnabyggðar.
  
  Viðaukinn er vegna:
  
  - Fjölnotavélar fyrir Þjónustumiðstöð Húnabyggðar upp á um 12,5 milljónir króna
  
  Viðaukanum er mætt með lækkun á handbæru fé. Fjárfestingin rúmast innan fjárfestingaheimilda ársins.
  
  
  Sveitarstjórn samþykkir viðauka 4 við fjárhagsáætlun 2024 með 9 atkvæðum samhljóða.
• 6.2 2406022 Söfnun plasts
  Byggðarráð Húnabyggðar - 66 Byggðarráð tekur undir ályktun landbúnaðarnefndar á fundi 19. júní 2024 og hugmyndir um nýjar leiðir í söfnun heyrúlluplasts í sveitarfélaginu. Verkefnið er liður í nýrri stefnumótunarvinnu sveitarfélagsins í úrgangsmálum þar sem leitast verður við að lækka sorphirðugjöld og auka jákvæð umhverfisáhrif í úrgangsmálum sveitarfélagsins. Með nýrri nálgun verður bændum gert kleift að skila heyrúlluplasti til sveitarfélagsins gegn skilagjaldi en jafnframt verði boðið upp á að heyrúlluplast verði sótt heim á bæi. Skilagjald til bænda sem kjósa að koma með heyrúlluplast á söfnunarstað verði 10kr/kg. Að öðru leyti verður fyrirkomulag plastsöfnunar óbreytt fram að næstu áramótum og næsta ferð farin við fyrsta tækifæri. Byggðarráð felur sveitarstjóra að auglýsa um nánari tilhögun þessara breytinga sem fyrst.
• 6.3 2406026 Stofnun húsnæðissjálfseignarstofnunar
  Byggðarráð Húnabyggðar - 66 Byggðarráð felur sveitarstjóra að stofna húsnæðissjálfseignarstofnun (hses félag) utan um nýjan íbúðarkjarna fyrir fólk með fötlun. Byggðarráð leggur til að húsnæðinu verði fundinn staður við Fjallabraut í nýju hverfi þar sem nú eru lóðir til úthlutunar. Byggðarráð samþykkir að nýtt félag fái heitið Húnaborg hses.
  
  
  Bókun fundar Sveitarstjórn staðfestir að stofnuð verði sérstök húsnæðissjálfseignarstofnun (hses félag) utan um nýjan íbúðarkjarna fyrir fólk með fötlun.
  
  Samþykkt samhljóða.
• 6.4 2305005 Markaðsstofa Norðurlands - Flugklasinn Air 66N
  Byggðarráð Húnabyggðar - 66 Erindi frá Markaðsstofu Norðurlands varðandi Flugklasann Air 66N er hafnað að þessu sinni. Bókun fundar EA tók ekki þátt í umræðum og afgreiðslu þessa máls.
• 6.5 2406028 Reglur og gjaldskrá um akstursþjónustu aldraðra
  Byggðarráð Húnabyggðar - 66 Byggðarráð samþykkir reglur og gjaldskrá um akstursþjónustu aldraðra. Bókun fundar Sveitarstjórn vísar nánari útfærslu reglanna og gjaldskrár til byggðarráðs.
  
  Samþykkt samhljóða.
  
  
• 6.6 2406027 Gjaldskrá Stekkjarvíkur
  Byggðarráð Húnabyggðar - 66 Byggðarráð Húnabyggðar leggur áherslu á að sveitarfélagið er ekki sammála þeirri gjaldskrárhækkun sem lögð var til af hálfu stjórnar Norðurár og samþykkt fyrir árið 2024. Gjaldskrárhækkunin er að mati byggðarráðs of lág og ljóst er að gjaldskrá Norðurár er mun lægri en á öðrum urðunarstöðum og gjaldskrárhækkunin þyrfti að vera mun hærri til að laga það ósamræmi. Byggðarráð er ekki sammála því að gjaldskrárhækkanir séu settar í samhengi við nýgerða kjarasamninga og óskir um að sveitarfélög hækki ekki sínar gjaldskrár, enda hafi gjaldskrárhækkanir Norðurár hverfandi áhrif á sorphirðugjöld almennra íbúa. Þá var það sérstaklega tekið fram af yfirvöldum vegna umræddrar kjarasamninga að viðmið um hækkun gjaldskráa ætti ekki við um úrgangsmál. Þá setur byggðarráð Húnabyggðar spurningamerki við það af hverju gjaldskráin er ekki uppfærð árlega samkvæmt verðlagi eða ákveðnum viðmiðum sem styðjast mætti við. Það hefur komið fram að aðilar utan þjónustusvæðis Norðurár sækist nú eftir því að urða í Stekkjarvík og keyra þannig langar leiðir og fram hjá öðrum urðunarstöðum og einnig hefur komið fram að aðilar sem þegar eru í þjónustu vilji mögulega hætta að kurla tré- og viðarafganga þar sem það borgi sig að flytja efnið ókurlað í Stekkjarvík. Þetta eru skýr merki þess að gjaldskráin er úr takti við það sem almennt gerist og Húnabyggð sér þetta sem mjög neikvæða og óumhverfisvæna þróun sem þurfi að bregðast við strax. Bókun fundar Sveitarstjórn tekur undir bókun byggðarráðs um gjaldskrá Stekkjarvíkur.
  
  Samþykkt samhljóða.
• 6.7 2404047 Brunabót - Styrktarsjóður EBÍ
  Byggðarráð Húnabyggðar - 66 Lagt fram til kynningar.
• 6.8 2405010 Norðurá - skýrsla um grænt bókhald 2023
  Byggðarráð Húnabyggðar - 66 Lagt fram til kynningar.
• 6.9 2406025 Fundargerð 948. fundar stjórnar SÍS
  Byggðarráð Húnabyggðar - 66 Lagt fram til kynningar.
• 6.10 2406030 Viðbragðsáætlun vegna áfalla í landbúnaði
  Byggðarráð Húnabyggðar - 66 Byggðarráð vill koma á framfæri áskorun til matvælaráðherra og yfirvalda að séð verði til þess að bændur sem urðu fyrir áföllum vegna óvenjulegra veðuraðstæðna dagana 3-8. júní sl. fái nauðsynlega aðstoð. Ljóst er að bændur hafa nú þegar orðið fyrir töluverðum skakkaföllum vegna þessa og óljóst hversu mikil áhrifin verða til lengri tíma, en þó ljóst að þau verða töluverð. Unnin var góð vinna með því að hafa samband við bændur þar sem staðan var metin o.s.frv. en þessu þarf að fylgja raunverulegar aðgerðir þar sem komið er til móts við bændur vegna þessa tjóns. Sauðfjárrækt er stór atvinnuvegur í Húnabyggð og aðstæður sem þessar eru mjög sérstakar og nánast ómögulegt að bregðast við þeim þannig að komið sé í veg fyrir tjón. Það er því mikilvægt að yfirvöld sjái til þess að einhvers konar öryggisnet taki við bændum þegar svona kemur upp. Byggðarráð skorar því eindregið á stjórnvöld að vinna að gerð viðbragðsáætlunar vegna áfalla af þessu tagi í landbúnaði ásamt því að tryggja bændum fjármagn til að bæta tjón sem af þeim hlýst. Bókun fundar Sveitarstjórn tekur undir bókun byggðarráðs.
  
  Samþykkt samhljóða.

2406008F

• 7.1 2406031 Dagdeild HSN og Húnabyggðar
  Öldungaráð Húnabyggðar - 7 Formaður og fulltrúi HSN kynntu minnisblað starfshóps um möguleika á dagdvöld aldraðra í Húnabyggð. Skv. tillögum starfshópsins yrði væntanleg dagdvöl rekin í samstarfi HSN og Húnabyggðar en á forræði Húnabyggðar. Tillögur starfshópsins gera ráð fyrir þvi að dagdvöl yrði rekin í sveitarfélaginu, í samstarfi við HSN en til að svo geti orðið þarf að sækja um til Sjúkratrygginga Íslands rekstur á dagdvalarrýmum og ganga til samninga við HSN. Starfshópurinn gerir það að tillögu sinni að byggðarráð Húnabyggðar taki við verkefninu gog ljúki við fyrsta tækifæri, eigi síðar en við fjárhagsáætlunargerð ársins 2025. Þá gerir starfshópurinn það einni gað tillögu sinni að dagdvöl taki til starfa eigi síðar en 1. janúar 2025 á 4. hæð HSN á Blönduósi.
  
  Bókun fundar Sveitarstjórn tekur jákvætt í erindið og sveitarstjóra falið að sækja um dagdvalarrými við HSN til Sjúkratrygginga Íslands og að byggðarráð vinni málið áfram.
  
  Samþykkt samhljóða.
• 7.2 2406028 Reglur og gjaldskrá um akstursþjónustu aldraðra í Húnabyggð
  Öldungaráð Húnabyggðar - 7 Fyrir fundinum lágu til kynningar reglur og gjaldskrá um akstursþjónustu aldraðra í Húnabyggð sem samþykktar voru á síðasta fundi byggðarráðs.
  
  Miklar umræður voru um 2. gr. gjaldskrár aksturs fyrir eldri borgara og óskar öldungaráð eftir því að byggðarráð taki greinina til umfjöllunar að nýju.
  Fundarmenn gera athugasemdir við þann lið hvað varðar kostnað, skipulag ferða og kílómetrafjölda. Ráðið óskar eftir því að byggðaráð skýri frekar hvað er átt við með stakri ferð. Eigið gjaldið við um staka ferð á milli staða en ekki heimakstur að auki er gjaldið er of hátt. Þá leggur ráðið til að 4. gjaldflokkurinn falli niður og hámarksgjald miðist þá við 20 km.
  Jafnframt kemur fram sú hugmynd frá Birni Magnússyni (Feb) að lagt sé til eitt gjald fyrir ferðir, óháð kílómetrafjölda.
  Bókun fundar Sveitarstjórn vísar nánari útfærslu regla og gjaldskrár til byggðarráðs.
  
  Samþykkt samhljóða.
• 7.3 2206034 Önnur mál
  Öldungaráð Húnabyggðar - 7