11.10.2022 - Sveitarstjórn Húnabyggðar

2210015

2210014

2210016

2210017

2210018

2209004F

• 6.1 2209014 Vegir í Húnabyggð
  Byggðaráð Húnabyggðar - 7 Birgir Þór Þorbjörnsson, yfirverkstjóri Vegagerðarinnar fór yfir stöðu vegamála í Húnabyggð, og gerði sérstaklega grein fyrir fyrirliggjandi framkvæmdum við Klifið hjá Bollastöðum. Einnig svaraði hann fjölmörgum spurningum fundarmanna um stöðu mála er varðar viðhald vega, þjónustu og snjómokstur ofl., sem spurt var um.
  Bygggðaráð þakkar Birgi Þór fyrir komuna á fundinn og góð samskipti og upplýsingar.
• 6.2 2209018 Leikskólar Húnabyggðar
  Byggðaráð Húnabyggðar - 7 Fyrir fundinum liggur uppfærður verkefnalisti, dagsettur 18. september s.l., um ýmis úrlausnarverkefni sem stjórnandur leikskólans höfðu óskað úrbóta á báðum starfsstöðvum leikskólans að Vallarbóli og Barnabæ og voru þessir liðir litamerktir eftir núverandi stöðu ásamt ábyrgðaraðilum og tillögum að næstu skrefum í úrbótum.
  Byggðaráð felur sveitarstjóra að bregðast við þeim atriðum sem settir eru í forgang með lit.
  
  Auglýsing hefur verið birt,á heimasíðu og í Sjónhorni, með tilvísun í samþykkt sveitarstjórnar, en verður endurgerð og birt aftur á næstu dögum.
• 6.3 2209016 Girðingar í Húnabyggð
  Byggðaráð Húnabyggðar - 7 Rætt almennt um stöðu girðingarmála í sveitarfélaginu,ásamt fyrirliggjandi þörf á viðhaldi og eftirliti. Málinu vísað til Landbúnaðarnefndar sem mun fara yfir stöðuna og forgangsraða mikilvægi framkvæmda fyrir fjárhagaáætlun 2023.
  
  
  
• 6.4 2209006 Umsókn um lóð Sunnubraut 11
  Byggðaráð Húnabyggðar - 7 Byggðaráð Húnabyggðar samþykkir vilyrði fyrir umræddri lóð að Sunnubraut 11, til tveggja mánaða svo framarlega að nýtingarhlutfall lóðar verða að lágmarki 0,15 með vísan í bókun Skipulags- og byggingarnefndar á fundi 12. sept.s.l.
• 6.5 2209025 Umsókn um námsstyrk
  Byggðaráð Húnabyggðar - 7 Fyrir fundinum liggur erindi vegna söngnáms í Grunndeild í Söngskólanum í Reykjavík, frá einstaklingi með lögheimili í sveitarfélaginu. Jöfnunarsjóður sveitarfélaga kemur til með að greiða þennan kostnað að hluta samkvæmt samkomulagi milli ríkis og sveitarfélaga frá 2011. Afla þarf staðfestingar á því hver hlutur Jöfnunarsjóðs er. Byggðaráð samþykkir erindið, fyrir sitt leyti, og felur sveitarstjóra að sækja um framlag frá Jöfnunarsjóði vegna þessa, og staðfesta síðan hlutdeild sveitarfélagsins. Bókun fundar Afgreiðsla byggðaráðs staðfest af sveitarstjórn með 9 atkvæðum samhljóða.
• 6.6 2202019 Framkvæmdir 2022 - 2023
  Byggðaráð Húnabyggðar - 7 Farið var yfir stöðu framkvæmda sem hafa verið á áætlun og í vinnslu á árinu 2022.
  
  Einnig var rætt um með hvaða hætti byggðaráð kæmi að undirbúningi og óskum um framkvæmdir, fjárfestingar og viðhald á árinu 2023, ásamt þriggja ára áætlun. Verður unnið áfram í tenglsum við fjárhagsáætlun 2023.´
  
  
• 6.7 2208010 Fjárhagsáætlun 2023
  Byggðaráð Húnabyggðar - 7 Fyrir fundinum liggur minnisblað frá Sambandi Íslenskra sveitarfélaga um Forsendur fjárhagsáætlana 2023 - 2026. Valdimar fór yfir minnisblaðið og þau viðmið sem stuðst hefur verið við, og það sem boðað er um endurskoðun á forsendum í októbermánuði.
  
  Fjármálaráðstefna sveitarfélaga er boðuð í Reykjavík dagana 13. - 14. október n.k.
  Byggðaráð leggur til að þátttaka standi til boða fyrir alla kjörna aðalmenn í sveitarstjórn ásamt sveitarstjóra, fjármálastjóra og aðalbókara sveitarfélagsins. Valdimar kannar með þátttöku og hótelbókanir til viðbótar ef þarf.
  
  Þá var rætt um stöðuna á undirbúningi fjárhagsáætlunar, fyrirkomulag styrkja og fleira. Samþykkt að setja auglýsingu á heimasíðu sveitarfélagsins líkt og áður hefur verið gert.
• 6.8 2209015 Framkvæmdasjóður ferðamannastaða
  Byggðaráð Húnabyggðar - 7 Samkvæmt fyrirliggjandi auglýsingu þá er umsóknarfrestur er til kl 13.00 miðvikudaginn 5. október n.k. Málið hefur verið kynnt á 1. fundi Atvinnu- og menningarnefndar sem mun koma saman aftur fljótlega. Sveitarstjóri sagði frá samskiptum sínum við fulltrúa Framkvæmdasjóðsins, og mögulega aðstoð og leiðbeiningar sem þeir geta veitt við gerð umsókna.
• 6.9 2209017 Móttaka og þátttaka erlendra gesta í Evrópuverkefninu Centrinno
  Byggðaráð Húnabyggðar - 7 Byggðaráð Húnabyggðar samþykkir að bjóða til kvöldverðar samkvæmt erindinu, og felur sveitarstjóra að vera fulltrúa sveitarstjórnar í kvöldverði, en hvetur jafnframt kjörna fulltrúa að taka þátt í vinnustofunni.
  Bókun fundar Afgreiðsla byggðaráðs staðfest af sveitarstjórn með 9 atkvæðum samhljóða.
• 6.10 2209026 Blöndubyggð 1 - AA hús
  Byggðaráð Húnabyggðar - 7 Byggðaráð Húnabyggðar samþykkir að ofangreind fasteign verði verðmetin og í framhaldi af því sett í söluferli.
  Núverandi notendur hússins hafa verið upplýstir og fengið inni á öðrum stað í sveitarfélaginu.
• 6.11 2209027 Skólalóð grunnskóla Húnabyggðar - girðingamál
  Byggðaráð Húnabyggðar - 7 Byggðaráð Húnabyggðar óskar eftir kostnaðarmati á girðingu á skólalóð grunnskóla Húnabyggðar, meðfram Húnabraut og Norðurlandsvegi, til að auka öryggi barna á skólalóðinni. Haft verði samráð við skólastjórnendur með nánari útfærslu og staðsetningu girðingar.

2210001F

• 7.1 2207031 Leikskóli - Aðgerðir til að liðka fyrir ráðningum starfsfólks
  Byggðaráð Húnabyggðar - 8 Byggðaráð Húnabyggðar felur sveitarstjóra að fara yfir innleiðingu aðgerða með starfsmönnum leikskólans á næstu dögum og hvernig þeim verður háttað.
• 7.2 2210008 Tillaga frá fræðslunefnd vegna skóladagheimilis
  Byggðaráð Húnabyggðar - 8 Í tengslum við endurskoðun á gjaldskrám fyrir Grunnskóla Húnabyggðar þá varð umræða um fyrirkomulag gjaldtöku fyrir skóladagheimili.
  Samkvæmt þeirri umræðu og í samráði við skólastjórnendur samþykkir byggðaráð að dvöl á skóladagheimili sé án endurgjalds fram að brottför skólabíls.
  Eftir það er dvalargjald fyrir hverja klukkustund 275 kr.,sé dvöl bókuð fyrirfram, en 332 kr. pr klst., fyrir aukatíma sem ekki eru bókaðir.
  Dvalargjald í skóladagheimili verður endurskoðað með öðrum gjaldskrám við afgreiðslu fjárhagsáætunar 2023, sem tæki þá gildi um næstu áramót.
  Vísað til staðfestingar sveitarstjórnar. Bókun fundar Afgreiðsla byggðaráðs staðfest af sveitarstjórn með 9 atkvæðum samhljóða.
• 7.3 2210001 Sameiginleg áskorun Félags atvinnurekenda, Húseigendafélagsins og Landssmbands eldri borgara til stjórnvalda
  Byggðaráð Húnabyggðar - 8 Erindið lagt fram til kynningar, og vísað til vinnu við fjárhagsáætlun 2023.
• 7.4 2210002 Sveitarfélög, skipulagsáætlanir og framkvæmdarleyfi til skógræktar
  Byggðaráð Húnabyggðar - 8 Lagt fram til kynningar.
• 7.5 2210003 Stuðningur við 100 ára afmæli Norræna félagsins á Íslandi
  Byggðaráð Húnabyggðar - 8 Lagt fram til kynningar
• 7.6 2210006 Tækifæri barna til áhrifa og ungmennaráð til ráðamanna
  Byggðaráð Húnabyggðar - 8 Byggðaráð Húnabyggðar tekur undir þær áherslur sem fram koma í erindinu en í sveitarfélaginu er þegar starfandi Ungmennaráð og var einnig í fyrrum sveitarfélögum. Vísar því til frekari umfjöllunar og meðferðar hjá Íþrótta- tómstunda- og lýðheilsunefndar og Ungmennaráði Húnabyggðar.
• 7.7 2210007 Úthlutað beitiland fyrir hross
  Byggðaráð Húnabyggðar - 8 Sveitarstjóra falið að ganga frá tímabundnum samningi við hestaeigendafélag Blönduós um beitiland í Stórahvammi og einnig samningum um stykki við reiðhöll og fyrir stæði fyrir heyrúllur í Kleifarnámu.
• 7.8 2210011 Umsókn um lóðirnar Fálkagerði 9 og 11
  Byggðaráð Húnabyggðar - 8 Byggðaráð samþykkir tillögu Skipulags- og byggingarnefndar um að úthluta lóðunum að Fálkagerði 9 og Fálkagerði 11, til Borealis Facilities ehf, samkvæmd umsókn þar um. Byggðaráð vekur athygli á að gera þarf ráðstafanir með færslu Skagastrandarlínu áður en framkvæmdir geta hafist á lóðunum.
• 7.9 2208010 Fjárhagsáætlun 2023
  Byggðaráð Húnabyggðar - 8 Sveitarstjóri upplýsti um stöðu mála er varðar undirbúningsvinnu við fjárhagsáætlun 2023. Fara þarf yfir tímaplan í þessari vinnu í framhaldi af Fjármálaráðstefnu.
• 7.10 2210009 Ósk um árlegan styrk
  Byggðaráð Húnabyggðar - 8 Byggðaráð vísar erindinu til fjárhagsáætlanavinnu 2023 en skoða þarf fyrirkomulag hjá samanbuðarsveitarfélögum.
• 7.11 2210012 Erindi frá formanni félags eldri borgara í Húnaþingi
  Byggðaráð Húnabyggðar - 8 Byggðaráð þakkar fyrir greinargóða yfirferð og mun leitast við að taka tillit til umbeðinna atriða og kalla til fulltrúa félagsins til að taka samtal um hagsmuni félagsmanna. Einnig mun sveitarfélagið sjá félagi eldri borgara í Húnaþingi fyrir fundaraðstöðu.
• 7.12 2210010 Ársfundur Jöfnunarsjóðs sveitarfélaga 2022
  Byggðaráð Húnabyggðar - 8 Byggðaráð staðfestir að Pétur Arason sveitarstjóri verði fulltrúi sveitarfélagsins á fundnum og fari með atkvæði sveitarfélagsins.
• 7.13 2210004 Hafnasamband Íslands - Fundargerð 445. fundar
  Byggðaráð Húnabyggðar - 8 Lagt fram til kynningar.

2209007F

• 8.1 2209015 Framkvæmdasjóður ferðamannastaða - umsóknir 2023
  Atvinnu- og menningarnefnd Húnabyggðar - 2 Rætt almennt um stöðu mála og þau gögn og skýrslur sem borist hafa til nefndarmanna fyrir fundinn um stöðu þeirra verkefna sem hafa verið í gangi. Davíð Jóhannsson Atvinnuráðgjafi á svið ferðamála hjá SSNV kom inná fundinn kl 15:30- og tók þátt í umræðum um fjölda styrkja og hvað væri raunhæft að sækja um fyrir árið 2023.
  Eftir umræður var samþykkt að sækja um eftirtaln verkefni þar sem Vatnsdæla og Hvammsfoss hafi þegar fengið styrki og þarf að vinna framgangi þeirra verkefna.
  * Hrútey - endurnýja og uppfæra fyrri umsókn í 3 áfanga sem er aðstöðuhús
  * Gamli bærinn - Undirbúningavinna og hönnun fyrir frekari uppbyggingu ferðaþjónustutengra innviða svæðisins.
  * Gullsteinn - Uppbygging á nýju bílastæði, upplýsingaskilti,nýjan kross og lýsingu
  * Gönguleiðir við Blöndu - Vinna að hönnun, uppbyggingu og tengingu göngustíga beggja vegna Blöndu, sem tengir núverandi stíga við tjaldsvæði, Hrútey og við Gamla bæ.
  * Bolabás - Undirbúningur og hönnun á grófum göngustíg frá hafnarsvæði að Bolabás.
  ATH. Kanna þarf með stöðu Þrístapa verkefnisins gagnvart landsáætlun.
  Unnið verður að upplýsingaöflun á næstu dögum og fengin aðstoð eftir þörfum, meðal annars frá Davíð hjá SSNV. Davíð vék af fundi kl 16:40- með þökkum fyrir komuna.
• 8.2 2209028 Helstu hlutverk Atvinnu- og menningarnefndar Húnabyggðar
  Atvinnu- og menningarnefnd Húnabyggðar - 2 Sveitarstjóri greindi frá því að stefnt væri að því að erindisbréf fastanefnda Húnabyggðar verði lögð fyrir næsta fund sveitarstjórnar og síðan send til nefnda. Einnig var rætt um hlutverk nefndarinnar, varðandi skipan í ýmsar nefndir og ráð.
• 8.3 2206034 Önnur mál
  Atvinnu- og menningarnefnd Húnabyggðar - 2 Ræll almennt um störf og verkefni nefndarinnar.

2209008F

• 9.1 2209029 Grunnskóli Húnabyggðar - fyrstu vikur skólastarfs
  Fræðslunefnd Húnabyggðar - 5 Þórhalla Guðbjartsdóttir, skólastjóri Grunnskóla Húnabyggðar, fór yfir minnisblað um stöðu mála í grunnskólanum.
  
  Minnisblaðið verður birt með fundargerðinni.
  
  Talsverðar umræður fóru fram um málefni grunnskólans og fundarmenn sammála um að skólastarf hafi farið vel af stað.
  
  Þórhalla, Heiðbjört, Kristín Jóna og Anna Margret véku af fundi kl. 17:10.
  
  
• 9.2 2209018 Leikskóli Húnabyggðar
  Fræðslunefnd Húnabyggðar - 5 a) Staða leikskólamála: Starfsmannamál og viðhaldsverkefni
  Skólastjórnendur gerðu grein fyrir stöðu starfsmannamála á leikskólanum. Leikskólinn er ekki fullmannaður, og brýnt að finna lausn á því sem fyrst.
  Fræðslunefnd fór yfir drög að nýrri starfsauglýsingu þar sem auglýstar eru þær aðgerðir til að liðka fyrir ráðningum starfsfólks og sveitarstjórn hefur samþykkt að hefjist 1. október nk. Sveitarstjóra falið að birta auglýsinguna og birta fréttatilkynningu varðandi aðgerðir til að liðka fyrir ráðningu starfsfólks.
  Fræðslunefnd leggur til við byggðaráð að ákveða hvernig innleiðingu þessara aðgerða verði háttað gagnvart núverandi starfsfólki leikskólans.
  
  Unnið er að þeim viðhaldsverkefnum sem þurfti að sinna á húsnæði leikskólans samkvæmt verkáætlun.
  
  b) Skóladagatal leikskóla Húnabyggðar: Samræming
  Skólastjórnendur kynntu drög að skóladagatali leikskólans fyrir skólaárið 2022/2023.
  
  Eftir umræður um skóladagatalið var það borið upp og samþykkt af fræðslunefnd með 5 atkvæðum.
  
  Skóladagatalinu vísað til sveitarstjórnar til staðfestingar.
  
  c) Innritunarreglur leikskóla: Samræming
  Leikskólastjórnendur kynntu tillögu að samræmdum innritunarreglum fyrir leikskóla Húnabyggðar.
  
  Eftir umræður og breytingar á einstaka liðum voru reglurnar bornar upp og samþykktar af fræðslunefnd með áorðnum breytingum með 5 atkvæðum samhljóða.
  
  d) Foreldrastarf í leikskólanum: Foreldraráð og foreldrafélag
  Formaður vakti athygli á mikilvægi foreldrasamstarfs og að samkvæmt lögum um leikskóla skuli vera starfandi foreldraráð við leikskóla. Fræðslunefnd hvetur leikskólastjórnendur til að virkja foreldraráð við nýjan leikskóla sveitarfélagsins með breiðri þátttöku foreldra frá öllum starfsstöðvum leikskólans.
  
  e) Vegna fjárhagsáætlunargerðar: Skipan húsnæðismála: Skólaárið 2023/2024
  Finna Birna Finnsdóttir vék af fundi við umræðu og afgreiðslu þessa liðar.
  
  Ljóst er að aðgengismál á starfsstöð leikskólans í íþróttahúsi eru ófullnægjandi. Fræðslunefnd beinir því til byggðaráðs að gera ráð fyrir umbótum á aðgengismálum við starfsstöðina í íþróttahúsi í fjárhagsáætlun 2023 í þeim tilgangi að aðgengi verði fullnægjandi fyrir mitt ár 2023.
  
  Bókun fundar Vegna liðar 2b í fundargerð fræðslunefndar:
  
  Skóladagatal er sett fram með fyrirvara um að það takist að fullmanna leikskólann sem og að það takist að ráða inn fólk í sumarafleysingar. Í ljósi þessa yrði skóladagtal tekið til endurskoðunar eigi síðar en í lok mars 2023.
  
  Skóladagatal leikskóla Húnabyggðar borið upp og samþykkt af sveitarstjórn með 9 atkvæðum samhljóða með þeim fyrirvörum sem greinir hér að ofan.
  
  
  Vegna liðar 2c í fundargerð fræðslunefnar:
  
  Innritunarreglur í leikskóla bornar upp og samþykktar af sveitarstjórn með áorðnum breytingum með 9 atkvæðum samhljóða.
  
  Að loknum umræðum um lið 2 í fundargerð fræðslunefndar var hann borinn upp og samþykktur með 9 atkvæðum samhljóða.
• 9.3 2206034 Önnur mál
  Fræðslunefnd Húnabyggðar - 5 Engin önnur mál voru rædd.

2209005F

• 10.1 2209019 Félagsmiðstöðin Skjólið - veturinn 2022 - 2023
  Íþrótta-, tómstunda- og lýðheilsunefnd Húnabyggðar - 2 Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar kynnti starf félagsmiðstöðvarinnar Skjólsins veturinn 2022-2023.
  Nefndin fagnar nýrri staðsetningu Skjólsins og auknum opnunartíma í frístundastarfsemi fyrir börn í sveitarfélaginu.
• 10.2 2209021 Frístundastarf 60 ára og eldri veturinn 2022 - 2023
  Íþrótta-, tómstunda- og lýðheilsunefnd Húnabyggðar - 2 Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar og Sigríður Hrönn Bjarkadóttir, yfirmaður félagsstarfs aldraðra kynntu frístundastarf 60 ára og eldri fyrir veturinn 2022-2023.
  Frístundadagskrá vetrarins var kynnt fyrir nefndinni og miklar umræður sköpuðust í kringum málefnið. Nefndin lýsir ánægju sinni yfir fjölbreyttu frístundastarfi fyrir 60 ára og eldri.
• 10.3 2209020 Félagsstarf aldraðra - veturinn 2022 - 2023
  Íþrótta-, tómstunda- og lýðheilsunefnd Húnabyggðar - 2 Sigríður Hrönn Bjarkadóttir, yfirmaður félags- og tómstundastarfs kynnti félagsstarf 60 ára og eldri veturinn 2022-2023. Umræður sköpuðust almennt um félagsstarfið og húsnæðiskost þess.
  Núverandi húsnæði er verulega ábótavant og má þá helst nefnda aðgengi, loftræsti- og hljóðvistarmál. Nefndin leggur til að Byggðaráð skoði möguleika á nýju framtíðarhúsnæði fyrir félags- og frístundastarf aldraðra í Húnabyggð með langtímaáætlun í huga.
• 10.4 2209022 Frístundaakstur í Húnabyggð
  Íþrótta-, tómstunda- og lýðheilsunefnd Húnabyggðar - 2 Grímur Rúnar Lárusson kynnti hugmyndir að frístundaakstri í Húnabyggð og kostnaðargreiningu. Hugmyndirnar snéru annars vegar að akstursstyrkjum til foreldra vegna frístundastarfs barna eða akstur með fyrirfram ákveðnu leiðakerfi. Umræður sköpuðust um kosti og galla hvorrar hugmyndar.
  
  Íþrótta-, tómstunda- og lýðheilsunefnd leggur til við sveitarstjórn að taka ákvörðun um tilhögun frístundaaksturs sem allra fyrst.
  Bókun fundar Fyrir fundinum lá tillaga að reglum um akstursstyrki til foreldra vegna frístundastarfs barna.
  
  Eftir umræður um reglurnar voru þær bornar upp og samþykktar af sveitarstjórn með 9 atkvæðum samhljóða.
• 10.5 2209023 Ungmennaráð Húnabyggðar - samþykktir
  Íþrótta-, tómstunda- og lýðheilsunefnd Húnabyggðar - 2 Lagðar voru fram til kynningar nýjar samþykktir Ungmennaráðs Húnabyggðar sem byggja á samþykktum Blönduósbæjar og Húnavatnshrepps.
  Nefndin felur Kristínu Ingibjörgu að leita eftir tilnefningum í Ungmennaráð Húnabyggðar og samþykkir nýjar samþykktir Ungmennaráðs. Bókun fundar Samþykktir ungmennaráðs Húnabyggðar bornar upp og samþykktar af sveitarstjórn með 9 atkvæðum samhljóða.
• 10.6 2209024 Erindisbréf íþrótta-, tómstunda- og lýðheilsunefndar Húnabyggðar
  Íþrótta-, tómstunda- og lýðheilsunefnd Húnabyggðar - 2 Umræðu frestað til næsta fundar þegar sveitarstjórn Húnabyggðar hefur yfirfarið erindisbréf nefndarinnar.
• 10.7 2206034 Önnur mál
  Íþrótta-, tómstunda- og lýðheilsunefnd Húnabyggðar - 2 7.1 Skipting á starfi Menningar-, íþrótta- og tómstundafulltrúa Húnabyggðar.
  
  Steinunn Hulda vakti athygli á mikilvægi þess að halda vel utan um málaflokk menningar-, íþrótta- og tómstunda í sveitarfélaginu. Umfangið sem að fylgir starfinu er mikið og vítt. Til þess að hægt sé að sinna málaflokknum sem best þarf að skoða kosti þess að skipt starfinu upp, mögulega í Menningar- og ferðamálafulltrúa og svo Íþrótta- og tómstundafulltrúa. Nefndin beinir því til sveitarstjórnar að taka umræðuna og ákvörðun um skipurit sveitarfélagsins hvað varðar skiptingu starfsins fyrir fjárhagsáætlunargerðar 2023.

2210013

2210019