21.09.2022 - Íþrótta-, tómstunda- og lýðheilsunefnd Húnabyggðar

Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar kynnti starf félagsmiðstöðvarinnar Skjólsins veturinn 2022-2023.
Nefndin fagnar nýrri staðsetningu Skjólsins og auknum opnunartíma í frístundastarfsemi fyrir börn í sveitarfélaginu.

Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar og Sigríður Hrönn Bjarkadóttir, yfirmaður félagsstarfs aldraðra kynntu frístundastarf 60 ára og eldri fyrir veturinn 2022-2023.
Frístundadagskrá vetrarins var kynnt fyrir nefndinni og miklar umræður sköpuðust í kringum málefnið. Nefndin lýsir ánægju sinni yfir fjölbreyttu frístundastarfi fyrir 60 ára og eldri.

Sigríður Hrönn Bjarkadóttir, yfirmaður félags- og tómstundastarfs kynnti félagsstarf 60 ára og eldri veturinn 2022-2023. Umræður sköpuðust almennt um félagsstarfið og húsnæðiskost þess.
Núverandi húsnæði er verulega ábótavant og má þá helst nefnda aðgengi, loftræsti- og hljóðvistarmál. Nefndin leggur til að Byggðaráð skoði möguleika á nýju framtíðarhúsnæði fyrir félags- og frístundastarf aldraðra í Húnabyggð með langtímaáætlun í huga.

Grímur Rúnar Lárusson kynnti hugmyndir að frístundaakstri í Húnabyggð og kostnaðargreiningu. Hugmyndirnar snéru annars vegar að akstursstyrkjum til foreldra vegna frístundastarfs barna eða akstur með fyrirfram ákveðnu leiðakerfi. Umræður sköpuðust um kosti og galla hvorrar hugmyndar.

Íþrótta-, tómstunda- og lýðheilsunefnd leggur til við sveitarstjórn að taka ákvörðun um tilhögun frístundaaksturs sem allra fyrst.

Lagðar voru fram til kynningar nýjar samþykktir Ungmennaráðs Húnabyggðar sem byggja á samþykktum Blönduósbæjar og Húnavatnshrepps.
Nefndin felur Kristínu Ingibjörgu að leita eftir tilnefningum í Ungmennaráð Húnabyggðar og samþykkir nýjar samþykktir Ungmennaráðs.

Umræðu frestað til næsta fundar þegar sveitarstjórn Húnabyggðar hefur yfirfarið erindisbréf nefndarinnar.

7.1 Skipting á starfi Menningar-, íþrótta- og tómstundafulltrúa Húnabyggðar.

Steinunn Hulda vakti athygli á mikilvægi þess að halda vel utan um málaflokk menningar-, íþrótta- og tómstunda í sveitarfélaginu. Umfangið sem að fylgir starfinu er mikið og vítt. Til þess að hægt sé að sinna málaflokknum sem best þarf að skoða kosti þess að skipt starfinu upp, mögulega í Menningar- og ferðamálafulltrúa og svo Íþrótta- og tómstundafulltrúa. Nefndin beinir því til sveitarstjórnar að taka umræðuna og ákvörðun um skipurit sveitarfélagsins hvað varðar skiptingu starfsins fyrir fjárhagsáætlunargerðar 2023.