13.04.2021 - Sveitarstjórn Blönduósbæjar

2104020

2104001F

• 2.1 2104001 Miðholt- Lóðaryfirlit
  Skipulags-, umhverfis- og umferðarnefnd Blönduósbæjar - 72 Nefndin samþykkir lóðaryfirlitið og felur skipulagsfulltrúa að útbúa lóðarblöð til samræmis við það.
  Nefndin leggur til að gatan verði nefnd Miðholt.
• 2.2 2104009 Miðholt 1 - Umsókn um byggingarleyfi
  Skipulags-, umhverfis- og umferðarnefnd Blönduósbæjar - 72 Húsið er á deiliskipulögðu svæði. Byggingaráformin eru samþykkt.
• 2.3 2104002 Ægisbraut 4 - Umsókn um breytingu á lóð
  Skipulags-, umhverfis- og umferðarnefnd Blönduósbæjar - 72 Umrætt svæði er iðnaðarsvæði I1 skv. aðalskipulagi Blönduósbæjar 2010-2030. Á svæðinu er gert ráð fyrir matvælaiðnaði þar sem svigrúm er fyrir breytingar á núverandi húsnæðum og nýbyggingum sem falla að nýtingu svæðisins.
  Nefndin telur að nýbygging undir þessa starfsemi styrki svæði og bæti götumynd þess. Lagt er til að ný lóð fái nafnið Ægisbraut 2.
  Skipulagsfulltrúa falið að ganga frá lóðarbreytingunum.
  Nefndin vísar þessum lóðarbreytingum til byggðarráðs til staðfestingar.
• 2.4 2104003 Ægisbraut 2 - Umsókn um byggingarleyfi
  Skipulags-, umhverfis- og umferðarnefnd Blönduósbæjar - 72 Vísað er í 3ja lið þessa fundar. Byggingaráform eru samþykkt með fyrirvara um grenndarkynningu fyrir lóðunum að Ægisbraut 3 og 6. Eigendur Ægisbrautar 4 og Húnabrautar 29 og 33 eru málsaðilar. Blönduósbær er eigandi að Ægisbraut 1.
• 2.5 2104004 Húnabraut 11 - Umsókn um að skipta fasteign
  Skipulags-, umhverfis- og umferðarnefnd Blönduósbæjar - 72 Samþykkt er að skipta fasteigninni upp í tvær fasteignir. Skipulags- og byggingarfulltrúa falið að ganga frá málinu.
• 2.6 2104008 Brekkubyggð 14 - Umsókn um tilkynnta framkvæmd
  Skipulags-, umhverfis- og umferðarnefnd Blönduósbæjar - 72 Nefndin samþykkir byggingaráformin.
• 2.7 2104006 Landskipti vegna nýs Þverárfjallsvegar
  Skipulags-, umhverfis- og umferðarnefnd Blönduósbæjar - 72 Nefndin samþykkir að veita skipulagsfulltrúa þessa heimild.

2104003F

• 3.1 2008010 Menningar-,íþrótta- og tómstundafulltrúi Blönduósbæjar
  Menningar-, tómstunda- og íþróttanefnd - 21 Nefndin býður Kristínu Ingibjörgu, Menningar-, íþrótta- og tómstundafulltrúa velkomna á sinn fyrsta formlega nefndarfund og óskar henni velfarnaðar í starfi. Nefndin er spennt fyrir þessu framfaraskrefi í stjórnsýslu Blönduósbæjar og fyrir samfélagið í heild sinni og hlakkar til samstarfsins með Kristínu. Kristín Ingibjörg fór svo yfir helstu verkefnin sem unnið hefur verið að síðan á áramótum.
• 3.2 2001029 Skjólið
  Menningar-, tómstunda- og íþróttanefnd - 21 Kristín Ingibjörg, Menningar-, íþrótta- og tómstundafulltrúi fór yfir stöðu félagsmiðstöðvarinnar Skjólsins. Mikið og gott starf hefur verið unnið í starfsemi Skjólsins undanfarið og er nefndin ánægð að sjá og heyra umbæturnar sem hefur verið náð fram. Kristín Ingibjörg vakti sérstaka athygli á ástandi á húsnæði Skjólsins sem að er verulega ábótavant. Nefndin vill leggja áherslu á hversu mikilvægt það er að aðstaða félagsmiðstöðvarinnar sé viðunnandi fyrir starfsemina. Brýnt er að finna hentuga tímabunda lausn á húsnæðisvanda Skjólsins og hvetur sveitarstjórn til þess að leggja áherslu á þetta málefni.
• 3.3 2104017 Ungbarnaleikvöllur
  Menningar-, tómstunda- og íþróttanefnd - 21 Ungbarnaleikvöllur er efst á verkefnalista nefndarinnar að þessu sinni og er verið að vinna í því að finna leikvellinum staðsetningu innan bæjarfélagsins og velja leiktæki. Nefndin ræddi mögulegar staðsetningar fyrir leikvöllinn og fór yfir leiktækjalista. Nefndin felur formanni og Menningar,- íþrótta- og tómstundafulltrúa að vinna betur að málinu
• 3.4 2006009 Íslenska frisbígolfsambandið
  Menningar-, tómstunda- og íþróttanefnd - 21 Kristín kynnir stöðu verkefnisins og mögulegar staðsetningar fyrir nefndinni. Nefndin telur Frisbígolfvöll vera frábæra viðbót við tómstundaafþreyingu Blönduósbæjar og hvetur íbúa til þess að nýta sér völlinn vel þegar að uppsetningu er lokið í fyrri hluta sumars.
• 3.5 2104018 Sumarstarf Blönduósbæjar
  Menningar-, tómstunda- og íþróttanefnd - 21 Kristín Ingibjörg, Menningar-, íþrótta- og tómstundafulltrúi fór yfir stöðu mála og hugmyndir varðandi sumarstarf Blönduósbæjar. Illa gengur að manna starf umsjónarmanns sumarnámskeiðs. Nefndin vill leggja áherslu á að meira fjármagn verði sett í málaflokkinn til þess að hægt sé að standa vel að sumarnámskeiði Blönduósbæjar og mögulega að hægt sé að auka úrval af tómstundum fyrir breiðari aldurshóp barna yfir sumartímann.
• 3.6 2104019 UMFí - Vertu með
  Menningar-, tómstunda- og íþróttanefnd - 21 Erindi beint til Menningar,- íþrótta- og tómstundafulltrúa Blönduósbæjar til áframhaldandi úrvinnslu
• 3.7 2008012 Menningar,- tómstundar, og íþróttanefnd - Almenn nefndarstörf
  Menningar-, tómstunda- og íþróttanefnd - 21 Nefndin vill koma nokkrum ábendingum á framfæri við sveitarstjórn og sveitarstjóra. Fjölda ruslatunna er verulega ábótavant innan bæjarfélagsins en það er mikilvægt að hafa þær með reglulegu millibili til að halda bænum snyrtilegum. Annað atriði er viðhald og myndun göngustíga bæjarfélagsins. En það er einmitt mikilvægt á tímum sem þessum að stuðla að hreyfingu íbúa með því að hafa gott viðhald og aðgengi að gönguleiðum og stígum. Nefndin hvetur sveitarstjórn til þess að leggja áherslu á góðu viðhaldi á göngustígum Blönduósbæjar. Í þriðja lagi vill nefndin taka undur með fyrri bókunum frá Skipulags-, umhverfis- og umferðanefnd og myndi endilega vilja sjá gönguleiðir og hjólreiðastíga kortlagða og aðgengilega fyrir bæði heimamenn og ferðalanga sem eiga leið um Blönduósbæ. Það myndi bæði stuðla að frekari hreyfingu heimamanna og vera góð afþreying fyrir þá sem að heimsækja bæjarfélagið. Bókun fundar Sveitarstjórn tekur undir ábendingar Menningar-, tómstunda- og íþróttanefndar og óskar eftir því að fá framkvæmda- og verkáætlun sumarsins frá eigna- og framkvæmdasviði og þjónustumiðstöð fyrir næsta fund sveitarstjórnar.

2104002F

• 4.1 2101017 Skrifstofu- og fjármálstjóri - staða mála 2021
  Byggðaráð Blönduósbæjar - 187 Sigrún Hauksdóttir skrifstofu- og fjármálastjóri Blönduósbæjar fór yfir stöðu fjármála og svaraði spurningum fulltrúa. Sigrún vék af fundi 17:30
• 4.2 2101018 Eigna- og framkvæmdasvið - staða mála 2021
  Byggðaráð Blönduósbæjar - 187 Ágúst Þór Bragason fór yfir stöðu framkvæmda hjá Blönduósbæ. M.a tengingar á lögnum við nýja götu Miðholt og gatnagerð. Ágúst Þór kynnti kostnaðarmat. Byggðarráð veitir eigna- og framkvæmdasviði heimild til að bjóða út verkin í samráði við tengda aðila. Farið yfir teikningar af innviðum verknámsstofa í Blönduskóla. Brú yfir í Hrútey, Ágúst Þór greindi frá því að steypt var í dag fyrir fyrri brúarstólpa. Ágúst Þór fór yfir sumarstörf á vegum Blönduósbæjar og umsóknir sem borist hafa. Unnið verður áfram að málinu. Ágúst Þór vék af fundi 18:05.
• 4.3 2104010 Styrkumsókn - umsækjandi
  Byggðaráð Blönduósbæjar - 187 Byggðarráð getur ekki orðið við erindinu vegna fjölda umsókna um sumarstörf
• 4.4 2009034 Blönduósbær - Sala eigna
  Byggðaráð Blönduósbæjar - 187 Byggðarráð samþykkir meðfylgjandi kauptilboð í eignina Mýrarbraut 22 og felur sveitarstjóra að klára málið fyrir hönd Blönduósbæjar
• 4.5 2103002 Bæjartún íbúðafélag hses. - Umsókn um lóðina Hnjúkabyggð 29
  Byggðaráð Blönduósbæjar - 187 Byggðarráð samþykkir að veita Bæjartúni íbúðafélagi hses. lóðina Hnjúkabyggð 29 til byggingar 15-20 íbúða fjölbýlishúss á 2. hæðum (í tveimur áföngum) með stofnframlagi sveitarfélagins, ásamt stofnframlagi ríkisins og leiguíbúðaláni HMS samkvæmt meðfylgjandi fylgiskjali. Bókun fundar Þessi liður fundargerðarinnar borinn upp og samþykktur af sveitarstjórn með 7 atkvæðum samhljóða.
• 4.6 2104002 Ægisbraut 4 - Umsókn um breytingu á lóð
  Byggðaráð Blönduósbæjar - 187 Byggðarráð staðfestir lóðarbreytinguna á Ægisbraut 4 og Húnabraut 33 og sameina hluta þeirra lóða undir nýja lóð sem fær heitið Ægisbraut 2
• 4.7 2104015 Samband íslenskra sveitarfélaga - Námsleyfishafar
  Byggðaráð Blönduósbæjar - 187 Byggðarráð staðfestir námsleyfi Magdalenu Berglindar Björnsdóttur og óskar henni velfarnaðar í sínu námsleyfi
• 4.8 2104013 Markaðsstofa Norðurlands - Uppfærð birtingaráætlun
  Byggðaráð Blönduósbæjar - 187 Lagt fram til kynningar
• 4.9 2104011 Lög um breytingu á ýmsum lögum tengdum málefnum sveitarfélaga
  Byggðaráð Blönduósbæjar - 187 Lagt fram til kynningar
  
• 4.10 2104012 Samband íslenskra sveitarfélaga - Fundargerð 896. fundar stjórnar frá 26.mars 2021
  Byggðaráð Blönduósbæjar - 187 Lagt fram til kynningar
• 4.11 2104014 Hafnasamband Íslands - Fundargerð 433. fundar stjórnar frá 19. mars 2021
  Byggðaráð Blönduósbæjar - 187 Lagt fram til kynningar
• 4.12 2104016 SSNV - Fundargerð 65. fundar stjórnar SSNV frá 6. apríl 2021
  Byggðaráð Blönduósbæjar - 187 Lagt fram til kynningar Bókun fundar Sveitarstjórn Blönduósbæjar tekur heilshugar undir bókun SSNV í lið 8c varðandi staðsetningu starfa hjá RARIK.
  Sveitarstjóra er falið að óska eftir samtali við stjórn RARIK um starfsstöð RARIK á Blönduósi.