12.01.2021 - Sveitarstjórn Blönduósbæjar

2101008

2012003F

• 2.1 2012012 Blönduósbær - Stytting vinnuvikunnar
  Byggðaráð Blönduósbæjar - 179 Kristín Ingibjörg launafulltrúi mætti undir þessum lið. Byggðaráð samþykkir styttingu vinnuvikunnar eins og samið var um er varðar lágmarksstyttingu frá og með 1.janúar 2021. Tillögum deilda vísað til sveitarstjórnar og óskað eftir umsögnum deildarstjóra. Kristín vék af fundi klukkan 18:15 Bókun fundar Fyrir fundinum liggja umbeðnar umsagnir deildarstjóra. Fór sveitarstjóri yfir það vinnuferli sem viðhaft hefur verið ásamt leiðbeiningum undir yfirskriftinni: ,,Betri vinnutími í dagvinnu"
  
  Sveitarstjórn Blönduósbæjar samþykkir tillögur deilda eins og þær eru lagðar fram, til reynslu í fjóra mánuði en sá tíma verði notaður til nánari útfærslu þeirra hugmynda sem fram hafa komið í þessari vinnu.
  Þá verði reynslutíminn til 1. maí 2021 einnig nýttur í áframhaldandi umbótasamtöl um betri vinnutíma í dagvinnu og þau viðmið sem munu gilda um hann og verða gefin út í framhaldi af samþykkt þessari.
  Endurskoðun og endurmat á reynslutíma skal vera lokið fyrir 10. apríl 2021 og málið lagt aftur fyrir sveitarstjórn á fundi sem áætlaður er þriðjudaginn 13. apríl 2021.
  Markmið breytinganna er að ekki verði þjónustuskerðing eða aukinn kostnaður hjá sveitarfélaginu.
  
  Samþykkt með 7 atkvæðum.
  
• 2.2 2012015 Stafrænt ráð - Kynning á fjármögnun
  Byggðaráð Blönduósbæjar - 179 Byggðaráð tekur jákvætt í erindið, óskar eftir frekari upplýsingum um útfærslur og frestar afgreiðslu.
• 2.3 2012010 Landgræðslan - Upplýsingar um uppgræðslu í samstarfsverkefnum á árinu 2020
  Byggðaráð Blönduósbæjar - 179 Byggðaráð þakkar fyrir upplýsingarnar frá Landgræðslunni og vill þakka henni sem og þeim sem tóku þátt í verkefninu Bændur græða landið á árinu 2020 í Blönduósbæ fyrir sitt framlag.
• 2.4 2012013 Félags- og skólaþjónusta A- Hún Fundargerð stjórnar frá 16.desember ásamt samþykktri áætlun
  Byggðaráð Blönduósbæjar - 179 Byggðaráð staðfestir fundargerðina sem og áætlunina.
• 2.5 2012011 Samband íslenskra sveitarfélaga - Fundargerð 892. fundar stjórnar frá 11. desember 2020
  Byggðaráð Blönduósbæjar - 179 Lagt fram til kynningar
• 2.6 2012014 Hafnasamband Íslands - Fundargerðir 429. og 430. fundar stjórnar
  Byggðaráð Blönduósbæjar - 179 Lagt fram til kynningar
• 2.7 2012016 Tjaldsvæðið á Blönduósi
  Byggðaráð Blönduósbæjar - 179 Sveitarstjóri gerði grein fyrir þeim umsóknum sem borist hafa. Byggðaráð felur sveitarstjóra að vinna áfram að málinu.
• 2.8 2012017 Fundargerð 15. fundar Þjónusturáðs frá 18. desember 2020
  Byggðaráð Blönduósbæjar - 179 Lagt fram til kynningar

2101001F

• 3.1 2011032 Textílmiðstöð Íslands - Kynning
  Byggðaráð Blönduósbæjar - 180 Elsa Arnardóttir, Jóhanna Erla Pálmadóttir og Katarina Angela Schneider frá Textílmiðstöð Íslands mættu undir þessum lið. Textílmiðstöð Íslands fær til afnota húsnæði að Þverbraut 1 (2137209). Farið var yfir þær dagsetningar sem hægt er að afhenda húsnæðið en það verður gert í þrepum eftir nánara samkomulag við Blönduskóla og framkvæmdasvið Blönduósbæjar. Rætt verður við SSNV um aðkomu að uppsetningu og rekstri TextílLabs. Elsa, Jóhanna og Katarina yfirgáfu fundnn klukkan 13:30.
• 3.2 2012015 Stafrænt ráð - Kynning á fjármögnun
  Byggðaráð Blönduósbæjar - 180 Tilgangur verkefnisins er að auka við stafrænar lausnir sveitarfélaga. Byggðaráð samþykkir að taka þátt í verkefninu. Tekið af lið 2140-4390.
• 3.3 2101007 Háabrekka ehf. - Skúlahorn ehf. - Slit félaga
  Byggðaráð Blönduósbæjar - 180 Byggðaráð samþykkir að slíta félögunum samkvæmt leiðbeiningum KPMG.
• 3.4 2101002 Samtök grænkera á Íslandi - Áskorun
  Byggðaráð Blönduósbæjar - 180 Lagt fram til kynningar.
• 3.5 2101003 Hafnasamband Íslands - Fundargerð frá 42. hafnasambandsþingi Hafnasambands Íslands
  Byggðaráð Blönduósbæjar - 180 Lagt fram til kynningar.

2101002F

• 4.1 2101004 Lækjardalur - Umsókn um niðurrif húss
  Skipulags-, umhverfis- og umferðarnefnd Blönduósbæjar - 69 Nefndin samþykkir niðurrifin.
• 4.2 2101001 Landskipulagsstefna- Umsögn
  Skipulags-, umhverfis- og umferðarnefnd Blönduósbæjar - 69 Lögð er fyrir umsögn Sambands íslenskra sveitarfélaga varðandi Landskipulagsstefnu. Nefndin tekur undir umsögn Sambandsins. Gæta þarf að því að auka ekki enn frekar á flækjustig og kostnað við gerð skipulags sveitarfélaga.
• 4.3 2005005 Breyting á aðalskipulagi Blönduósbæjar.
  Skipulags-, umhverfis- og umferðarnefnd Blönduósbæjar - 69 Umsögn barst frá eftirfarandi aðilum sem ekki gerðu athugasemdir, Húnavatnshrepp, Skagabyggð, Sveitarfélagið Skagafirði, Umhverfisstofnun og Heilbrigðiseftirliti Norðurlands vestra.
  Í umsögn Vegagerðarinnar komu athugasemdir um legu reiðleiðar og að að Þverárfjallsvegur sé að hluta innan þéttbýlismarka sveitarfélagsins. Lagt er til að reiðleiðir verða samræmdar á kortum og þéttbýlismörkin verða færð þannig að þau nái að Þverárfjallsvegi í stað þess að ná yfir hann. Nefndin telur að það sé fyrir bestu að þéttbýlið sé fyrir utan veginn og mun það ekki hafa áhrif á byggð eða byggðarþróun næstu áratugina. Ekki er fyrirhuguð byggð á þessu svæði eða nálægt því í gildandi aðalskipulagi. Blönduósbær er landeigandi að umræddu landi.
  Minjastofnun gerir athugasemd vegna minja innan áhrifasvæðis vegarins og ljóst að það þurfi að fara í mótvægisaðgerðir til verndar eða rannsóknir á fleiri en einum minjastað. Sveitarfélagið bætir við skipulagið að framkvæmdaraðilar þurfi að vinna verkið í fullu samráði við Minjastofnun. Aðrar athugasemdir bárust ekki.
  Nefnin samþykkir aðalskipulagsbreytinguna og felur skipulagsfulltrúa að uppfæra og afgreiða skipulagið skv. 32 grein skipulagslaga.
• 4.4 2008006 Breyting á deiliskipulagi í Stekkjarvík
  Skipulags-, umhverfis- og umferðarnefnd Blönduósbæjar - 69 Umsagnir án athugasemda bárust frá eftirfarandi aðilum: Húnavatnshreppi, Skagabyggð, Sveitarfélaginu Skagafirði, Umhverfisstofnun, Heilbrigðiseftirliti Norðurlands vestra, Vegagerðinni og Minjastofnun. Nefnin samþykkir breytingar á deiliskipulaginu og felur
  skipulagsfulltrúa falið að afgreiða skipulagið skv. 42 grein skipulagslaga.
• 4.5 2101005 Ægisbraut 12 - Umsókn um stækkun lóðar
  Skipulags-, umhverfis- og umferðarnefnd Blönduósbæjar - 69 Lóðin er á skipulögðu iðnaðarsvæði og er að hluta til nýtt af öðrum aðila. Afgreiðslu umsóknarinnar er vísað til byggðaráðs.
• 4.6 2101006 Síða - Umsókn um byggingarleyfi
  Skipulags-, umhverfis- og umferðarnefnd Blönduósbæjar - 69 Nefndin samþykkir byggingaráformin

2101009

1901013

2101010