13.11.2018 - Sveitarstjórn Blönduósbæjar

1806003

1710005

1810002F

• 3.1 1809006 Lisa Hälterlein - Ósk um leigu af jörðinni Enni
  Byggðaráð Blönduósbæjar - 121 Lisa Hälterlein og Skafti Vignisson óska eftir að leigja part af jörðinni Enni sem er í eigu Blönduósbæjar.
  
  Sveitarstjóra falið að svara erindinu, en stefnumótandi ákvörðun um meðferð jarðarinnar Enni verður tekin í tengslum við fjárhagsáætlunargerð 2019.
• 3.2 1810014 Krafa um bætt umferðaröryggi á Hólabraut
  Byggðaráð Blönduósbæjar - 121 Gunnhildur Erla Þórmundsdóttir og Elmar Sveinsson, íbúar að Hólabraut vilja vekja athygli sveitarfélagsins á því að öryggi gangangi og hjólandi vegfarenda við Hólabrautina sé verulega ábótavant vegna hraðaksturs bifreiða sem fara um götuna.
  
  Byggðaráð tekur undir mikilvægi þess að huga að öryggi gangandi og hjólandi vegfarenda og vísar erindinu til Skipulags-, umhverfis- og umferðarnefndar til frekari útfærslu með sérstaka áherslu á umferðarhraða í íbúðagötum með tilliti til samþykktar frá 7. mars 2018 þar sem meðal annars var lögð áhersla á hraðahindrun á Hólabraut.
• 3.3 1810015 Golfklúbburinn Ós - hugleiðingar varðandi rekstur klúbbsins næstu ár.
  Byggðaráð Blönduósbæjar - 121 Stjórn golfklúbbsins Óss leggur fram tillögur að framtíðarsýn golfvallarins þar sem lagt er til að Blönduósbær komi meira að rekstrarumhverfi golfvallarins.
  
  Málinu er vísað til vinnu við fjárhagsáætlun og frekari skoðunar.
• 3.4 1810005 Snjómokstur Blönduósbæjar
  Byggðaráð Blönduósbæjar - 121 Blönduósbær óskaði eftir tilboðum í snjómokstur og hálkueyðingu á Blönduósi 2018-2021. Samkvæmt fundargerð voru tilboðin opnuð 1. október 2018 kl. 11:00.
  Tilboð barst frá tveimur aðilum; annars vegar frá Ósverk ehf. sem lagði inn tilboð í snjómokstur gatna og hins vegar frá Gámaþjónustunni hf. sem lagði inn tilboð í snjómokstur og söndun gangstétta og söndun/hálkueyðingu.
  
  Byggðaráð staðfestir tilboðin sem bárust í snjómokstur á Blönduósi.
  
  Bókun fundar Þessi liður var borinn undir atkvæði og samþykktur samhljóða
• 3.5 1810008 Samningur um Ræsingu Húnaþinga
  Byggðaráð Blönduósbæjar - 121 Fyrir liggur drög að samningi við Nýsköpunarmiðstöð Íslands um Ræsingu Húnaþinga.
  Verkefnið hefur að markmiði að efla nýsköpun á landsbyggðinni með öflugu stuðningsverkefni fyrir nýjar atvinnuskapandi hugmyndir og er í raun samkeppni um góðar viðskiptahugmyndir, þar sem einstaklingum, hópum og fyrirtækjum er boðið að senda inn verkefni og vinna í framhaldinu að viðskiptaáætlun undir handleiðslu starfsmanna nýsköpunarmiðstöðvar. Samstarfsaðilar sem koma að þessu verkefni leggja til fjármuni í þróunarsjóð sem nýttur verður fyrir þátttakendur.
  
  Byggðaráð samþykkir fyrir hönd Blönduósbæjar að taka þátt í verkefninu og leggja til þess 500.000 kr. framlag. Tekið af liðnum 9520 um atvinnumál. Bókun fundar Þessi liður var borinn undir atkvæði og samþykktur samhljóða.
  
  Sveitarstjórn Blönduósbæjar samþykkir að Gunnar Tryggvi Halldórsson verði fulltrúi sveitarfélagsins í stjórn ræsingu Húnaþinga.
• 3.6 1810013 Atvinnuvega- og Nýsköpunarráðuneytið - Auglýsing umsóknar um byggðakvóta fiskveiðiársins 2018/2019
  Byggðaráð Blönduósbæjar - 121 Atvinnu- og nýsköpunarráðuneytið auglýsir eftir umsóknum um byggðakvóta fiskveiðiársins 2018/2019.
  
  Sveitarstjóra falið að senda inn umsókn fyrir hönd Blönduósbæjar.
• 3.7 1705043 Gistiheimilið Kiljan ehf
  Byggðaráð Blönduósbæjar - 121 Bréf frá MBB lögmannsstofa ehf fyrir hönd Gistiheimilisins Kiljan ehf, kt. 540409 - 0640 er varðar fráveitulögn frá Garðabyggð 1.
  
  Sveitarstjóra falið að svara erindinu með tilliti til forsögu og fyrirliggjandi gagna.
• 3.8 1810012 Staða og framkvæmd sveitarfélaga í húsnæðismálum utangarðsfólks
  Byggðaráð Blönduósbæjar - 121 Erindi frá Velferðarráðuneytinu þar sem óskar er eftir upplýsingum um stöðu og framkvæmd sveitarfélaga í húsnæðismálum utangarðsfólks.
  
  Sveitarstjóra falið að svara erindinu.
• 3.9 1810009 Erindi frá Snjólaugu M. Jónsdóttur
  Byggðaráð Blönduósbæjar - 121 Erindi frá Snjólaugu M. Jónsdóttir vegna námssamnings.
  
  Sveitarstjóra falið að ræða við viðkomandi og svara erindinu.
  
• 3.10 1810006 Verndarsvæði í byggð - erindi til byggðaráðs
  Byggðaráð Blönduósbæjar - 121 Erindi frá Sigþrúði Sigfúsdóttir, formanni íbúa- og hollvinasamtaka gamla bæjarins á Blönduósi er varðar verkefnið Verndasvæði í byggð.
  
  Sveitarstjóra falið að svara erindinu.
• 3.11 1810007 Samgöngu- og sveitarstjórnarráðuneytið - Ársfundur Jöfnunarsjóðs sveitarfélaga
  Byggðaráð Blönduósbæjar - 121 Ársfundur Jöfnunarsjóðs sveitarfélaga verður haldinn miðvikudaginn 10. október nk. á Hilton Reykjavík Nordica og hefst kl. 16:00.
  
  Byggðaráð samþykkir að sveitarstjóri fari með atkvæði sveitarfélagsins á fundinum.
• 3.12 1809010 Fjárhagsáætlun 2019
  Byggðaráð Blönduósbæjar - 121 Sveitartjóri fór yfir uppfærða tímaáætlun er varðar vinnu við fjárhagsáæltun 2019 og upplýsti um þá undirbúningsvinnu sem þegar hefur farið fram.
• 3.13 1810011 Samband íslenskra sveitarfélaga - fundargerð 26. september 2018
  Byggðaráð Blönduósbæjar - 121 863. fundargerð Sambands íslenskra sveitarfélaga lögð fram til kynningar.
• 3.14 1810018 Norðurá bs - Fundargerð stjórnar nr. 89
  Byggðaráð Blönduósbæjar - 121 89. fundargerð stjórnar Norðurá bs. lögð fram til kynningar.
• 3.15 1810019 Norðurá bs - Fundargerð aðalfundar Norðurá bs. 2018
  Byggðaráð Blönduósbæjar - 121 Fundargerð aðalfundar Norðurá bs. 2018 lögð fram til kynningar.
• 3.16 1810017 Félags-og skólaþjónusta A-Hún - fundargerð 7. júní 2018
  Byggðaráð Blönduósbæjar - 121 Fundargerð Félags- og skólaþjónustu A-Hún lögð fram til kynningar.
• 3.17 1810016 Félags- og skólaþjónusta A-Hún - fundargerð 25. júní 2018
  Byggðaráð Blönduósbæjar - 121 Fundargerð Félags- og skólaþjónustu A - Hún lögð fram til kynningar.
• 3.18 1810024 Lögmenn Árbæ SLF - Brimslóð 12, fastanúmer 213-6757
  Byggðaráð Blönduósbæjar - 121 Erindi frá Lögmenn Árbæ slf. fyrir hönd þremenninganna Gríms, Ara og Evalds er varðar Brimslóð 12.
  
  Sveitarstjóra falið að svara erindinu og afla frekari upplýsinga um málið.

1810004F

• 4.1 1809010 Fjárhagsáætlun 2019
  Byggðaráð Blönduósbæjar - 122 Farið var yfir hvernig vinnu við fjárhagsáætlun verður hagað á næstu vikum með tilliti til fyrirliggjandi viðmiðunardagssetninga í október og nóvember.
  Rætt var um þær styrkbeiðnir sem borist hafa samkvæmt auglýsingu, fyrirliggjandi samninga um styrki og aðra smærri styrki á mismunandi málaflokka.
  Yfirfarið samanburðar skjal um uppfærðar gjaldskrár og rætt um forsendur fyrir gjaldskrárbreytingum á ýmsum málaflokkum.
  Farið var yfir minnispunkta og beiðnir frá mismunandi deildum og upplýst um þá fundi sem haldið var með deildarstjórum.
  
  
• 4.2 1810026 Samband íslenskra sveitarfélaga - fundargerð 10. október 2018
  Byggðaráð Blönduósbæjar - 122 864. fundargerð Sambands íslenskra sveitarfélaga lögð fram til kynningar.
• 4.3 1810025 Tónlistarskóli Austur - Húnvetninga - fundargerð 42. fundar stjórnar
  Byggðaráð Blönduósbæjar - 122 Fundargerð 42. fundar stjórnar byggðasamlags Tónlistarskóla A-Hún lögð fram til kynningar

1810007F

• 5.1 1809010 Fjárhagsáætlun 2019
  Byggðaráð Blönduósbæjar - 123 Sigrún Hauksdóttir, aðalbókari Blönduósbæjar, mætti undir þessum lið.
  
  Róbert Daníel Jónsson, forstöðumaður Íþróttamiðstöðvarinnar á Blönduósi, mætti á fundinn kl. 16:30 og gerði grein fyrir tillögum sínum að fjárhagsáætlun fyrir árið 2019.
  Róbert yfirgaf fundinn kl. 17:00.
  
  Jóhanna G. Jónasdóttir, leikskólastjóri Barnabæjar og Sigríður Helga Sigurðardóttir, aðstoðarleikskólastjóri Barnabæjar mættu á fundinn kl. 17:00 og gerðu grein fyrir tillögum sínum að fjárhagsáætlun fyrir árið 2019.
  Jóhanna og Helga yfirgáfu fundinn kl. 17:30
  
  Ágúst Þór Bragason, forstöðumaður tæknideildar Blönduósbæjar og Páll Ingþór Kristinsson, eftirlitsmaður eigna, mættu á fundinn kl. 17:30 og gerðu grein fyrir tillögum sínum að fjárhagsáætlun 2019.
  Ágúst Þór og Páll Ingþór yfirgáfu fundinn kl. 19:00.
  
  Sigrún yfirgaf fundinn kl. 19:15.
• 5.2 1810021 Húsnæði fyrir sjálfstæða búsetu
  Byggðaráð Blönduósbæjar - 123 Félags- og skólaþjónusta A-Hún hefur lagt fram frumdrög af afstöðumynd vegna hugmynda um byggingu húsnæðis fyrir sjálfstæða búsetu sem tæki við hlutverki sambýlisins að Skúlabraut 22.
  
  Skipulags-, umhverfis- og umferðarnefnd mælir með því að staðsetja íbúðakjarna við Flúðabakka enda hentar staðsetningin núverandi þjónustuþegum. Skipulags-, umhverfis- og umferðarnefnd vísar afgreiðslunni til byggðaráðs.
  
  Byggðaráð veitir vilyrði fyrir lóðinni með vísan til greinar 3.2.1 í samþykktum við úthlutun byggingarlóða á Blönduósi.
• 5.3 1810034 Jólaskreytingar í Gamla bænum á Blönduósi
  Byggðaráð Blönduósbæjar - 123 Þórdís Rúnarsdóttir, ferðamálafulltrúi Austur Húnavatnssýslu og íbúi í Gamla bænum leggur til að settar verði upp jólaskreytingar á ljósastaura í Gamla bænum. Meðfylgjandi var hugmynd að útfærslu.
  
  Byggðaráð felur tæknisviði að útfæra hugmyndina er varðar jólaskreytingar við Aðalgötu í Gamla bænum.
• 5.4 1810035 Erindi frá Starfsleikni ehf
  Byggðaráð Blönduósbæjar - 123 Steinunn Stefánsdóttir frá Starfsleikni ehf. hefur nú lokið við áætlaða vinnu á leikskólanum Barnabæ. Lögð fram samantekt um vinnuna þar sem fram kemur jákvæð umsögn um þá vinnu sem fram hefur farið og stöðuna í dag.
  
  Lagt fram til kynningar.
• 5.5 1810033 Samgöngufélagið - Samgönguáætlun 2019-2033
  Byggðaráð Blönduósbæjar - 123 Samgöngufélagið hefur sent inn á vef Alþingis athugasemdir við tillögur til þingsályktunar að samgönguáætlun 2019 - 2033.
  
  Byggðaráð getur alls ekki tekið undir þær athugasemdir sem fram komu í erindinu enda alfarið á móti því efnislega sem þar kemur fram.
• 5.6 1810028 Brunabót - Ágóðagreiðsla 2018
  Byggðaráð Blönduósbæjar - 123 Á síðasta aðalfundi fulltrúaráðs EBÍ var samþykkt að áfram skuli hagnaður af starfsemi félagsins árlega greiddur til aðildarsveitarfélaganna í formi ágóðahlutar.
  
  Hlutdeild Blönduósbæjar í Sameignarsjóði EBÍ er 1,009% og greiðsla ársins þann 30. október verður þá hlutfall af kr. 50 mkr. eða kr. 504.500.- Blönduósbær hefur í dag móttekið greiðsluna.
  
  Lagt fram til kynningar.
  
• 5.7 1810036 Erindi frá Sýslumaðurinn á Norðurlandi vestra - Afskriftabeiðni
  Byggðaráð Blönduósbæjar - 123 Sýslumaðurinn á Norðurlandi vesta óskar eftir afskrift á þing- og sveitarsjóðsgjöldum að upphæð 28.492 kr.
  
  Bókun færð í trúnaðarbók.
• 5.8 1810027 Fjölbrautaskóli NV - fundargerð frá 9. okt 2018
  Byggðaráð Blönduósbæjar - 123 Fundargerð Fjölbrautaskóla NV frá 9.10.2018 lögð fram til kynningar.

1811002F

• 6.1 1809010 Fjárhagsáætlun 2019
  Byggðaráð Blönduósbæjar - 124 Sigrún Hauksdóttir aðalbókari Blönduósbæjar, Þuríður Þorláksdóttir skólastjóri og Anna Margét Sigurðardóttir aðstoðarskólastjóri mættu á fundinn.
  
  Þuríður og Anna Margrét gerðu grein fyrir tillögum sínum að fjárhagsáætlun fyrir árið 2019.
  
  Kl. 17:00 bættust inn á fundinn Ágúst Þór Bragason yfirmaður tæknideildar, Þorgils Magnússon byggingarfulltrúi, Ágúst Hafsteinsson arkitekt, Anna Margrét Jónsdóttir formaður fræðslunefndar og Zophonías Ari Lárusson formaður Skipulags-, umhverfis- og umferðarnefndar.
  
  Farið var yfir þau gögn sem þegar liggja fyrir um uppbyggingu og viðbyggingu grunnskólans og sköpuðust miklar umræður og hugmyndir um framtíðarsýn hans. Ákveðið var að kalla eftir uppfærðri kostnaðaráætlun vegna verkefnisins svo hægt sé að taka ákvörðun um uppbyggingu á þremur til fimm árum áður en vinnu við fjárhagsáætlun lýkur.

1811003F

• 7.1 1809010 Fjárhagsáætlun 2019
  Byggðaráð Blönduósbæjar - 125 Sigrún Hauksdóttir, aðalbókari Blönduósbæjar mætti undir þessum lið.
  
  Umræður urðu um fjárhagsáætlun 2018, farið var yfir forsendur áætlunarinnar, styrkbeiðnir og samningsbundna styrki, útsvarsprósentu, fasteignagjöld, húsaleigu og gjaldskrár.
• 7.2 1811001 Erindi um aðgengi fatlaðra að sundlaug og íþróttamiðstöð Blönduósbæjar
  Byggðaráð Blönduósbæjar - 125 Fyrir fundindum lá erindi frá Ásdísi Öddu Ólafsdóttur, sjúkraþjálfa þar sem óskað er eftir svörum um stefnu Blönduósbæjar hvað varðar aðgengi fatlaðra að sundlaug Blönduóss og efri hæðar íþróttamiðstöðvar.
  Eftir umræður um málið var sveitarstjóra falið að svara erindinu á grundvelli umræðunnar.
• 7.3 1810037 Húnavatnshreppur - fundargerð 209. fundar sveitarstjórnar 24. okt 2018
  Byggðaráð Blönduósbæjar - 125 Fundargerð lögð fram til kynningar.
• 7.4 1811007 Húnavatnshreppur - Fundargerð 209 - fundar sveitarstjórnar 24. okt 2018
  Byggðaráð Blönduósbæjar - 125 Fundargerð lögð fram til kynningar.
• 7.5 1811006 Fjárbeiðni Stígamóta fyrir árið 2019
  Byggðaráð Blönduósbæjar - 125 Stígamót óska eftir fjárstuðningi til sveitarfélagsins.
  Byggðaráð samþykkir 50.000 kr. fjárstuðning fyrir árið 2019. Bókun fundar Þessi liður var borinn undir atkvæði og samþykktur samhljóða
• 7.6 1811005 Samgöngu- og Sveitarstjórnarráðuneytið - Framlög vegna sérþarfa fatlaðra nemenda 2019
  Byggðaráð Blönduósbæjar - 125 Jöfnunarsjóður sveitarfélaga óskar eftir umsóknum frá sveitarfélögum um framlög vegna sérþarfa fatlaðra nemenda í grunnskólum fjárhagsárið 2019.
  Sveitarstjóra falið að sækja um framlög fyrir hönd Blönduósbæjar í samráði við Félags- og skólaþjónust A-Hún.
• 7.7 1811004 Samgöngu- og sveitarstjórnarráðuneytið - ný reglugerð um Jöfnunarsjóð sveitarfélaga í samráðsgátt til umsagnar
  Byggðaráð Blönduósbæjar - 125 Samgöngu- og sveitarstjórnarráðuneytið hefur lagt drög að nýrri reglugerð um Jöfnunarsjóð sveitarfélaga í samráðsgátt stjórnvalda til umsagnar.
  
  Fundargerð lögð fram til kynningar.
• 7.8 1811003 SSNV - fundargerð 38. fundar stjórnar 6. nóv 2018
  Byggðaráð Blönduósbæjar - 125 Fundargerð lögð fram til kynningar.
• 7.9 1510017 Önnur mál
  Byggðaráð Blönduósbæjar - 125

1810003F

• 8.1 1810020 Fálkagerði 2 - Umsókn um byggingarleyfi
  Skipulags-, umhverfis- og umferðarnefnd Blönduósbæjar - 46 Nefndin samþykkir byggingaráfromin þar sem þau falla að deiliskipulagi svæðisins.
• 8.2 1810023 Fálkagerði 1- Umsókn um byggingarleyfi
  Skipulags-, umhverfis- og umferðarnefnd Blönduósbæjar - 46 Nefndin samþykkir byggingaráformin þar sem þau falla að deiliskipulagi svæðisins.
• 8.3 1810022 Flúðabakki 2B lóðarblað lagt fram
  Skipulags-, umhverfis- og umferðarnefnd Blönduósbæjar - 46 Nefndin samþykkit lóðarblaðið.
• 8.4 1810021 Húsnæði fyrir sjálfstæða búsetu
  Skipulags-, umhverfis- og umferðarnefnd Blönduósbæjar - 46 Nefndin óskar eftir að skipulagsfulltrúi fái frekari upplýsingar og frestar afgreiðslu til næsta fundar.
• 8.5 1810014 Krafa um bætt umferðaröryggi á Hólabraut
  Skipulags-, umhverfis- og umferðarnefnd Blönduósbæjar - 46 Nefndin ræddi málið og tekur undir mikilvægi þess að bæta úr umferðaröryggi á Hólabrautinni. Afgreiðslu er frestað og byggingarfulltrúa falið að leggja fram frekari gögn á næsta fundi.

1810006F

• 9.1 1810021 Húsnæði fyrir sjálfstæða búsetu
  Skipulags-, umhverfis- og umferðarnefnd Blönduósbæjar - 47 Gestir undir þessum lið eru Valdimar O. Hermannsson, Magnús B. Jónsson framkvæmdastjóri Félags- og skólaþjónustu A-Hún. og Gréta Sjöfn Guðmundsdóttir frá Svf. Skagafirði. Svf.Skagafjörður rekur málaflokkinn sem leiðandi sveitarfélag. Farið var yfir hugmyndir um byggingu húsnæðis fyrir sjálfstæða búsetu. Til stendur að byggja húsið á næsta ári ef lóð er fyrir hendi. Miklar umræður urðu um málið. Magnús og Gréta Sjöfn véku af fundi eftir umræðuna. Nefnin mælir með því að staðsetja íbúðarkjarna við Flúðabakka enda hentar staðsetningin núverandi þjónustuþegum. Grenndarkinna þarf staðsetninguna þegar gögn liggja fyrir. Nefndin vísar afgreiðslunni að öðru leyti til byggðaráðs.
• 9.2 1502012 Samþykkt um umferðarmál
  Skipulags-, umhverfis- og umferðarnefnd Blönduósbæjar - 47 Nefndin leggur til að umferðarhraði í þéttbýli Blönduósbæjar skuli vera annarsvegar 35 km og hins vegar 50 km. samkvæmt teikningu sem unnin var á fundinum. Skipulagsfulltrúa falið að ganga frá málinu og lista upp í hvaða götum hvor hraði á við. Farið var yfir aðrar merkingar á götum og staðsetningu hraðahindranna og gangbrauta. Skipulagsfulltrúa falið að uppfæra gögn í samræmi við tillöguna. Tæknideild var falið að kostnaðarmeta breytingarnar fyrir gerð fjárhagsáætlunar 2019. Bókun fundar Þessi liður var borinn undir atkvæði og samþykktur samhljóða
• 9.3 1810030 Gamli bærinn deiliskipulag.
  Skipulags-, umhverfis- og umferðarnefnd Blönduósbæjar - 47 Skipulagsfulltrúi fór yfir forsendur frá báðum aðilum og kostnaðarmat þeirra. Nefndin leggur til að ganga til samninga við Landmótun í gerð á deiliskipulagi í gamla bænum. Lagt er til að ráðgjafinn mæti á fund með nefndinni og komi málinu af stað. Valdimar O. Hermannsson vék af fundi kl. 18:05. Bókun fundar Þessi liður var borinn undir atkvæði og samþykktur samhljóða
• 9.4 1810029 Endurskoðun á aðalskipulagi Blönduósbæjar 2010-2030
  Skipulags-, umhverfis- og umferðarnefnd Blönduósbæjar - 47 Nefndin telur ekki ástæðu til að endurskoða aðalskipulag Blönduósbæjar 2010-2030 að svo stöddu. Bókun fundar Þessi liður var borinn undir atkvæði og samþykktur samhljóða
• 9.5 1810031 Deiliskipulag á nýjum íbúðarlóðum
  Skipulags-, umhverfis- og umferðarnefnd Blönduósbæjar - 47 Lagt er til að vinna við deiliskipulag á íbúasvæði C samkvæmt skilgreiningu í aðalskipulagi hefjist sem fyrst og lögð verði áhersla á rað- og parhúsalóðir. Bókun fundar Þessi liður var borinn undir atkvæði og samþykktur samhljóða
• 9.6 1810032 Húsakönnun dreifbýli
  Skipulags-, umhverfis- og umferðarnefnd Blönduósbæjar - 47 Nefndin samþykkir húsakönnunina eins og hún kemur fyrir og felur skipulags- og byggingarfulltrúa að senda húsakönnunina til Minjastofnunar Íslands. Bókun fundar Þessi liður var borinn undir atkvæði og samþykktur samhljóða
• 9.7 1808025 Smárabraut breyting - Umsókn um skipulag
  Skipulags-, umhverfis- og umferðarnefnd Blönduósbæjar - 47 Ein ábending barst þar sem lagt er til að hæðarmunur í landi verði tekinn upp í gólfkótum raðhúsanna. Nefndin þakkar fyrir ábendinguna og samþykkir að bæta í deiliskipulagið að taka skuli upp hæðamunin í gólfkótum húsanna við Smárabraut 7a-9c og 18-24 eins og fram kemur í núgildandi deiliskipulagi og gildir fyrir lóð 19-33.
  
  Bókun fundar Þessi liður var borinn undir atkvæði og samþykktur samhljóða

1810001F

• 10.1 1810001 Skólamáltíðir í Barnabæ
  Fræðslunefnd Blönduósbæjar - 30 Fræðslulnefnd leggur til að athugað verði með að samræma kaup á máltíðum í leik- og grunnskóla. Fræðslunefnd vísar erindi til byggðaráðs til frekari úrvinnslu.
• 10.2 1810002 Leiksvæði fyrir yngstu börn í Barnabæ
  Fræðslunefnd Blönduósbæjar - 30 Fræðslunefnd leggur til að farið verði í að gera leiksvæði fyrir yngstu börnin í Barnabæ. En með breytingu á bílastæði núna í september 2018 missti leikskólinn það leiksvæði sem var fyrir yngstu börnin. Fræðslulnefnd leggur til að gert verði ráð fyrir breytingum í fjárhagsáætlun 2019.
• 10.3 1810003 Skólastefna leik- og grunnskóla í Blönduósbæ
  Fræðslunefnd Blönduósbæjar - 30 Fræðslunefnd leggur til að skólastefna Blönduósbæjar verði endurskoðuð. Í starfshóp verða fræðslustjóri, skólastjóri og aðstoðarskólastjóri Blönduskóla, leikskólastjóri og aðstoðarleikskólastjóri Barnabæjar og 2 nefndarmenn úr fræðslunefnd. Fræðslustjóra er falið að boða til fyrsta fundar.
• 10.4 1810004 Smíðakennsla í Blönduskóla
  Fræðslunefnd Blönduósbæjar - 30 Fræðslunefnd krefst úrbóta í smíðakennslu við Blönduskóla. Nefndin leggur til að unnin verði 3-5 ára áætlun um uppbyggingu skólahúsnæðis með tilliti til þeirrar aðstöðu sem vantar í skólann og/eða þarf að bæta. Um er að ræða aðstöðu til smíðakennslu og heimilisfræði, auk þess sem koma þyrfti upp betri aðstöðu fyrir textílmennt og myndmennt. Jafnframt væri rétt að skoða samhliða frekari viðbætur við eldhús m.t.t. að þar yrði rekið fullbúið mötuneyti og stækkun skóladagheimili.
  Samhliða þessari áætlun krefst fræðslunefnd þess að komið verði upp kennsluaðstöðu í smíðum til bráðabirgða svo hægt verði að kenna smíðar meðan á uppbyggingu fyrrgreindar aðstöðu stendur.
  Minnt er á að Blönduósbær hefur nú þegar fengið áminningu frá Mennta- og menningarmálaráðuneytinu vegna skorts á smíðakennslu. Á síðasta ári var lofað úrbótum sem ekki hefur enn verið staðið við.

1811001F

• 11.1 1809018 Almenn málefni
  Menningar-, tómstunda- og íþróttanefnd - 12 Nefndin tók á móti skólastjórnendum Blönduskóla og fór yfir málefni Félagsmiðstöðvarinnar Skjólsins og skóladagheimilisins.
  Nefndin hefur mikinn áhuga á að Félagsmiðstöðin fari á nýjan stað, með betra aðgengi fyrir hreyfihamlaða einstaklinga, sem að hafi í sér fleiri notkunarmöguleika fyrir samfélagið í heild sinni, sbr. frístundahús. Núverandi húsnæði er verulega óhentugt, ábótavant og þarfnast mikilla lagfæringa til að vera í góðu standi. Einnig er Félagsmiðstöðin staðsett í sama húsnæði og Félagsheimili bæjarins sem hefur skemmtanaleyfi og starfsemi þeirra fer ekki saman. Þannig verði aðstaða barna og unglinga bætt í Félagsmiðstöðinni til muna, m.t.t. forvarnargildis og í góðu samstarfi við hagsmunaaðila. Einnig verði unnið að því að efla tómstundastarf allra íbúa Blönduósbæjar með þessum breytingum. Skólastjórnendur eru sammála nefndinni um að húsnæði Félasmiðstöðvarinnar sé ábótavant og skoða þurfi möguleika í kringum það. Mikil umræða skapaðist um Félagsmiðstöðina og starfsemi hennar. Nefndin mun boða forstöðumann Félagsmiðstöðvarinnar á fund sinn.
  Skólastjórnendur leggja áherslu á endurbætur á húsnæði skóladagheimilisins, sem er sprungið utan af sér. Taka verður tillit til fólksfjölgunar í þeim málum. Nefndin tekur undir þessa umræðu og leggur til að farið verði í að skoða möguleika og úrbætur í kringum það.
• 11.2 1811002 Ungmennaráð
  Menningar-, tómstunda- og íþróttanefnd - 12 Nefndin leggur til að ungmennaráð samanstandi af þremur aðilum af unglingastigi og tveimur aðilum úr dreifnámi. Nefndin vill koma ungmennaráðinu á laggirnar sem fyrst.
• 11.3 1809004 Mennta- og menningarmálaráðuneytið - starfsskýrsla um aðgerðir gegn kynferðislegri áreitni og ofbeldishegðun í íþrótta- og æskulýðsstarfi
  Menningar-, tómstunda- og íþróttanefnd - 12 Erindi lagt fram til kynningar á fundinum. Nefndin tekur undir mikilægi þess að sveitarfélagið standi vel að þessum málum.

1810005F

• 12.1 1807027 Jafnréttisáætlun 2018-2022
  Jafnréttisnefnd Blönduósbæjar - 13 Jafnréttisnefnd vann áfram að jafnréttisáætlun sveitarfélagsins. Vinnu við áætlunina miðar vel og stefnt er að því að koma áætluninni til yfirlestrar hjá Jafnréttisstofu eftir næsta fund nefndarinnar.
  
  Þá fór nefndin yfir kostnað við verkefni sín vegna komandi fjárhagsáætlunargerðar.