Dagskrá
1.Húsnæði fyrir sjálfstæða búsetu
1810021
Erindi frá Félags og skólaþjónustu A-Hún. Lögð eru fram frumdrög af afstöðumynd vegna hugmynda um byggingu húsnæðis fyrir sjálfstæða búsetu sem tæki við hlutverki sambýlisins að Skúlabraut 22. Óskað er eftir skoðunum byggingaryfirvalda Blönduósbæjar á hugmyndum þessum. Meðfylgjandi eru drög af afstöðumynd unnin af Ágústi Hafsteinssyni hjá Form dags. 18.09.2018. Erindinu var frestað á síðasta fundi nefndarinnar.
Gestir undir þessum lið eru Valdimar O. Hermannsson, Magnús B. Jónsson framkvæmdastjóri Félags- og skólaþjónustu A-Hún. og Gréta Sjöfn Guðmundsdóttir frá Svf. Skagafirði. Svf.Skagafjörður rekur málaflokkinn sem leiðandi sveitarfélag. Farið var yfir hugmyndir um byggingu húsnæðis fyrir sjálfstæða búsetu. Til stendur að byggja húsið á næsta ári ef lóð er fyrir hendi. Miklar umræður urðu um málið. Magnús og Gréta Sjöfn véku af fundi eftir umræðuna. Nefnin mælir með því að staðsetja íbúðarkjarna við Flúðabakka enda hentar staðsetningin núverandi þjónustuþegum. Grenndarkinna þarf staðsetninguna þegar gögn liggja fyrir. Nefndin vísar afgreiðslunni að öðru leyti til byggðaráðs.
2.Samþykkt um umferðarmál
1502012
Farið er yfir samþykkt um umferðarmál þéttbýlis Blönduósbæjar.
Nefndin leggur til að umferðarhraði í þéttbýli Blönduósbæjar skuli vera annarsvegar 35 km og hins vegar 50 km. samkvæmt teikningu sem unnin var á fundinum. Skipulagsfulltrúa falið að ganga frá málinu og lista upp í hvaða götum hvor hraði á við. Farið var yfir aðrar merkingar á götum og staðsetningu hraðahindranna og gangbrauta. Skipulagsfulltrúa falið að uppfæra gögn í samræmi við tillöguna. Tæknideild var falið að kostnaðarmeta breytingarnar fyrir gerð fjárhagsáætlunar 2019.
3.Gamli bærinn deiliskipulag.
1810030
Vegna vinnu við deiliskipulag fyrir gamla bæinn eru lagðar fram tíma og kostnaðaráætlanir frá Landmótun og TGJ.
Skipulagsfulltrúi fór yfir forsendur frá báðum aðilum og kostnaðarmat þeirra. Nefndin leggur til að ganga til samninga við Landmótun í gerð á deiliskipulagi í gamla bænum. Lagt er til að ráðgjafinn mæti á fund með nefndinni og komi málinu af stað. Valdimar O. Hermannsson vék af fundi kl. 18:05.
4.Endurskoðun á aðalskipulagi Blönduósbæjar 2010-2030
1810029
Aðalskipulag Blönduósbæjar. Farið er yfir hvort þurfi að fara í endurskoðun á aðalskipulagi Blönduósbæjar í upphafi kjörtímabils.
Nefndin telur ekki ástæðu til að endurskoða aðalskipulag Blönduósbæjar 2010-2030 að svo stöddu.
5.Deiliskipulag á nýjum íbúðarlóðum
1810031
Farið yfir eldri tillögur af deiliskipulagi að nýjum svæðum fyrir íbúðabyggð á Blönduósi.
Lagt er til að vinna við deiliskipulag á íbúasvæði C samkvæmt skilgreiningu í aðalskipulagi hefjist sem fyrst og lögð verði áhersla á rað- og parhúsalóðir.
6.Húsakönnun dreifbýli
1810032
Lagt er fyrir nefndina húsakönnun fyrir dreifbýli Blönduósbæjar sem unnin er af TGJ dagsett í júni 2018. Húsakönnunin lögð fram til samþykktar.
Nefndin samþykkir húsakönnunina eins og hún kemur fyrir og felur skipulags- og byggingarfulltrúa að senda húsakönnunina til Minjastofnunar Íslands.
7.Smárabraut breyting - Umsókn um skipulag
1808025
Óveruleg breyting á deiliskipulagi við Smárabraut. Lagðar eru fram athugasemdir sem bárust við grendarkynningu vegna breytingarinnar.
Ein ábending barst þar sem lagt er til að hæðarmunur í landi verði tekinn upp í gólfkótum raðhúsanna. Nefndin þakkar fyrir ábendinguna og samþykkir að bæta í deiliskipulagið að taka skuli upp hæðamunin í gólfkótum húsanna við Smárabraut 7a-9c og 18-24 eins og fram kemur í núgildandi deiliskipulagi og gildir fyrir lóð 19-33.
Fundi slitið - kl. 19:00.