09.10.2018 - Byggðaráð Blönduósbæjar

Erindi frá Sigþrúði Sigfúsdóttir, formanni íbúa- og hollvinasamtaka gamla bæjarins á Blönduósi er varðar verkefnið Verndasvæði í byggð.

Sveitarstjóra falið að svara erindinu.

Erindi frá Lögmenn Árbæ slf. fyrir hönd þremenninganna Gríms, Ara og Evalds er varðar Brimslóð 12.

Sveitarstjóra falið að svara erindinu og afla frekari upplýsinga um málið.

Fundargerð Félags- og skólaþjónustu A - Hún lögð fram til kynningar.

Fundargerð Félags- og skólaþjónustu A-Hún lögð fram til kynningar.

Fundargerð aðalfundar Norðurá bs. 2018 lögð fram til kynningar.

89. fundargerð stjórnar Norðurá bs. lögð fram til kynningar.

863. fundargerð Sambands íslenskra sveitarfélaga lögð fram til kynningar.

Sveitartjóri fór yfir uppfærða tímaáætlun er varðar vinnu við fjárhagsáæltun 2019 og upplýsti um þá undirbúningsvinnu sem þegar hefur farið fram.

Ársfundur Jöfnunarsjóðs sveitarfélaga verður haldinn miðvikudaginn 10. október nk. á Hilton Reykjavík Nordica og hefst kl. 16:00.

Byggðaráð samþykkir að sveitarstjóri fari með atkvæði sveitarfélagsins á fundinum.

Lisa Hälterlein og Skafti Vignisson óska eftir að leigja part af jörðinni Enni sem er í eigu Blönduósbæjar.

Sveitarstjóra falið að svara erindinu, en stefnumótandi ákvörðun um meðferð jarðarinnar Enni verður tekin í tengslum við fjárhagsáætlunargerð 2019.

Erindi frá Snjólaugu M. Jónsdóttir vegna námssamnings.

Sveitarstjóra falið að ræða við viðkomandi og svara erindinu.

Erindi frá Velferðarráðuneytinu þar sem óskar er eftir upplýsingum um stöðu og framkvæmd sveitarfélaga í húsnæðismálum utangarðsfólks.

Sveitarstjóra falið að svara erindinu.

Bréf frá MBB lögmannsstofa ehf fyrir hönd Gistiheimilisins Kiljan ehf, kt. 540409 - 0640 er varðar fráveitulögn frá Garðabyggð 1.

Sveitarstjóra falið að svara erindinu með tilliti til forsögu og fyrirliggjandi gagna.

Atvinnu- og nýsköpunarráðuneytið auglýsir eftir umsóknum um byggðakvóta fiskveiðiársins 2018/2019.

Sveitarstjóra falið að senda inn umsókn fyrir hönd Blönduósbæjar.

Fyrir liggur drög að samningi við Nýsköpunarmiðstöð Íslands um Ræsingu Húnaþinga.
Verkefnið hefur að markmiði að efla nýsköpun á landsbyggðinni með öflugu stuðningsverkefni fyrir nýjar atvinnuskapandi hugmyndir og er í raun samkeppni um góðar viðskiptahugmyndir, þar sem einstaklingum, hópum og fyrirtækjum er boðið að senda inn verkefni og vinna í framhaldinu að viðskiptaáætlun undir handleiðslu starfsmanna nýsköpunarmiðstöðvar. Samstarfsaðilar sem koma að þessu verkefni leggja til fjármuni í þróunarsjóð sem nýttur verður fyrir þátttakendur.

Byggðaráð samþykkir fyrir hönd Blönduósbæjar að taka þátt í verkefninu og leggja til þess 500.000 kr. framlag. Tekið af liðnum 9520 um atvinnumál.

Blönduósbær óskaði eftir tilboðum í snjómokstur og hálkueyðingu á Blönduósi 2018-2021. Samkvæmt fundargerð voru tilboðin opnuð 1. október 2018 kl. 11:00.
Tilboð barst frá tveimur aðilum; annars vegar frá Ósverk ehf. sem lagði inn tilboð í snjómokstur gatna og hins vegar frá Gámaþjónustunni hf. sem lagði inn tilboð í snjómokstur og söndun gangstétta og söndun/hálkueyðingu.

Byggðaráð staðfestir tilboðin sem bárust í snjómokstur á Blönduósi.

Stjórn golfklúbbsins Óss leggur fram tillögur að framtíðarsýn golfvallarins þar sem lagt er til að Blönduósbær komi meira að rekstrarumhverfi golfvallarins.

Málinu er vísað til vinnu við fjárhagsáætlun og frekari skoðunar.

Gunnhildur Erla Þórmundsdóttir og Elmar Sveinsson, íbúar að Hólabraut vilja vekja athygli sveitarfélagsins á því að öryggi gangangi og hjólandi vegfarenda við Hólabrautina sé verulega ábótavant vegna hraðaksturs bifreiða sem fara um götuna.

Byggðaráð tekur undir mikilvægi þess að huga að öryggi gangandi og hjólandi vegfarenda og vísar erindinu til Skipulags-, umhverfis- og umferðarnefndar til frekari útfærslu með sérstaka áherslu á umferðarhraða í íbúðagötum með tilliti til samþykktar frá 7. mars 2018 þar sem meðal annars var lögð áhersla á hraðahindrun á Hólabraut.