11.03.2021 - Sveitarstjórn Blönduósbæjar

2103013

2103012

2102004F

• 3.1 2011023 Blönduósbær - Skógrækt
  Byggðaráð Blönduósbæjar - 183 Byggðarráð þakkar þeim Þorgils og Páli Ingþóri fyrir kynninguna og felur þeim að vinna áfram að verkefninu með Skipulags-, umhverfis- og umferðarnefnd Blönduósbæjar. Páll Ingþór vék af fundi eftir þennan lið
• 3.2 2102014 Bæjartún íbúðafélag hses. - Stofnframlög til byggingar á hagkvæmu íbúðarhúsnæði á Blönduósi
  Byggðaráð Blönduósbæjar - 183 Byggðarráð tekur jákvætt í erindi Bæjartúns leigufélags hses. Byggðarráð felur sveitarstjóra að vinna að málinu áfram. Þorgils vék af fundi eftir þennan lið
• 3.3 2102013 Málefni fatlaðs fólks á Norðurlandi vestra - Samningur
  Byggðaráð Blönduósbæjar - 183 Byggðarráð samþykkir fyrir sitt leyti fyrirliggjandi drög að samningi um sameiginlegt þjónustusvæði á Norðurlandi vestra um þjónustu við fatlað fólk með Sveitarfélagið Skagafjörð sem leiðandi sveitarfélag. Samningurinn gildir til eins árs, með endurskoðunarákvæði í ársbyrjun 2022. Vísað til sveitarstjórnar til staðfestingar. Bókun fundar Valdimar O. Hermannsson fór yfir og kynnti samning um málefni fatlaðs fólks á Norðurlandi vestra.
  
  Samningurinn borinn upp og samþykktur af sveitarstjórn með 7 atkvæðum samhljóða.

2103001F

• 4.1 2008010 Menningar-,íþrótta- og tómstundafulltrúi Blönduósbæjar
  Byggðaráð Blönduósbæjar - 184 Kristín Ingibjörg mætti undir þessum lið og fór yfir verkefni hennar og þá sérstaklega aðstöðu félagsmiðstöðvarinnar Skjólsins. Byggðarráð felur eigna- og framkvæmdasviði að gera framkvæmdar- og kostnaðaráætlun vegna endurbóta á félagsmiðstöð. Jafnframt verði kannaðir aðrir möguleikar í húsnæðismálum Skjólsins. Kristín Ingibjörg vék að fundi 17:30
• 4.2 1901004 Lóðamál
  Byggðaráð Blönduósbæjar - 184 Þorgils Magnússon mætti á fundinn undir þessum lið klukkan 17:30. Fór yfir minnisblað vegna niðurfellingu gatnagerðargjalda á þeim tilgreindu lausu lóðum við Sunnubraut, Smárabraut, Brekkubyggð og Garðabyggð sem í boði er hjá sveitarfélaginu. Frestur til þess að sækja um lóðir með þessu ákvæði er til 30.apríl 2022. Byggingarfulltrúa falið að birta minnisblaðið á heimasíðu sveitarfélagsins. Þorgils vék af fundi klukkan 18:05
• 4.3 2102015 Kvennaathvarf - Umsókn um rekstrarstyrk fyrir árið 2021
  Byggðaráð Blönduósbæjar - 184 Byggarráð samþykkir að rekstarstyrk að upphæð 50.000 krónur. Tekið af lið 0285-9991 Bókun fundar Afgreiðsla byggðaráðs stafest af sveitarstjórn með 7 atkvæðum samhljóða.
• 4.4 2012016 Tjaldsvæðið á Blönduósi
  Byggðaráð Blönduósbæjar - 184 Guðmundur Haukur Jakobsson vék af fundi undir þessum lið. Byggðarráð samþykkir að ganga til samninga við L&E ehf. um rekstur tjaldsvæðisins í Brautarhvammi samkvæmt minnisblaði sveitarstjóra Bókun fundar Fyrir fundinum lá minnisblað og samningur við L&E ehf. um rekstur tjaldsvæðis í Brautarhvammi.
  
  Að loknum umræðum um samninginn var hann borinn upp og samþykktur af sveitarstjórn með 6 atkvæðum (AMS, GHJ, GTH, SIB, SÞJ, JÖS)
  Einn sat hjá við afgreiðslu málsins (ZAL)
• 4.5 2103003 Íþrótta- og Ólympíusamband Íslands - Börn af erlendum uppruna og íþróttir
  Byggðaráð Blönduósbæjar - 184 Byggðarráð fagnar erindinu og vísar því til Menningar-, íþrótta- og tómstundanefndar
• 4.6 2103001 Samtök orkusveitarfélga - Fundargerð frá 44. fundi stjórnar
  Byggðaráð Blönduósbæjar - 184 Lagt fram til kynningar

2103002F

• 5.1 2011023 Blönduósbær - Skógrækt
  Skipulags-, umhverfis- og umferðarnefnd Blönduósbæjar - 71 Páll Ingþór Kristinsson, formaður Skógræktarfélags A-Hún sat fundin undir þessum lið. Rætt var um svæði sem henta til skógræktar og m.a. horft til lands í Enni. Nefndin er jákvæð fyrir þessum áformum og felur skipulagsfulltrúa að vinna áfram að verkefninu.
• 5.2 2102017 Sunnubraut 4 - Umsókn um byggingarleyfi - Bílskúr
  Skipulags-, umhverfis- og umferðarnefnd Blönduósbæjar - 71 Húsbyggingin fellur að skipulagi svæðisins og samþykkir nefndin byggingaráformin.
• 5.3 2006013 Skúlabraut 4 - Umsókn um byggingarleyfi
  Skipulags-, umhverfis- og umferðarnefnd Blönduósbæjar - 71 Byggingaráformin eru samþykkt með fyrirvara um grenndarkynningu. Þar sem byggingin fellur ekki að skipulagi svæðisins verður framkvæmdin grenndarkynnt til eftirfarandi aðila: Smárabraut 3 og 5 en Blönduósbær er eigandi af Skúlabraut 6-8.
• 5.4 2103002 Bæjartún íbúðafélag hses. - Umsókn um lóðina Hnjúkabyggð 29
  Skipulags-, umhverfis- og umferðarnefnd Blönduósbæjar - 71 Umrædd lóð er á deiliskipulögðu svæði við Hnjúkabyggð sem er skv. skipulagi ætluð fyrir allt að fimm hæða fjölbýlishús fyrir 20 íbúðir. Lóðin er tilbúin til úthlutunar. Lóðarúthlutuninni er vísað til afgreiðslu byggðaráðs.
• 5.5 2103004 Mýrarbraut 14 - Umsókn um tilkynnta framkvæmd - Sólstofa
  Skipulags-, umhverfis- og umferðarnefnd Blönduósbæjar - 71 Byggingaráformin eru samþykkt enda liggi fyrir samþykki eigenda að Mýrarbraut 16.
• 5.6 2008006 Breyting á deiliskipulagi í Stekkjarvík
  Skipulags-, umhverfis- og umferðarnefnd Blönduósbæjar - 71 Nefndin fór yfir athugasemdir frá Skipulagsstofnun sem snúa helst að frágangi á svæði sem heimilt er að nota til landmótunar og að hafa gildandi skilmála núverandi deiliskipulags um fokvarnir inni í greinargerðinni. Greinargerðin hefur verið uppfærð með tilliti til athugasemda og skipulagsfulltrúa falið að afgreiða skipulagið skv. 42 grein skipulagslaga. Bókun fundar Breyting á deiliskipulagi í Stekkjarvík borin upp og samþykkt af sveitarstjórn og samþykkt með 7 atkvæðum samhljóða.

2103003F

• 6.1 2103005 Framkvæmdir í Blönduskóla
  Fræðslunefnd Blönduósbæjar - 39 Þórhalla fór yfir framkvæmdir við Blönduskóla. Framkvæmdir við list- og verkgreinastofur gengur vel og er á áætlun. Gert er ráð fyrir að hægt verði að taka húsnæðið í notkun í haust. Fræðslunefnd stefnir að því að fara með sveitarstjórn í skoðunarferð í vikunni.
• 6.2 2103006 Blönduskóli - skólaakstur
  Fræðslunefnd Blönduósbæjar - 39 Þórhalla kynnti drög að verklagsreglum fyrir skólaakstur vegna veðurspár og færðar. Nefndin samþykkir reglurnar fyrir sitt leyti. Skólastjóra falið að koma verklagsreglum til sveitarstjórnar til samþykktar. Þær munu svo verða aðgengilegar á heimasíðu skólans og sendar með tölvupósti til foreldra sem nýta skólaakstur. Bókun fundar Fyrir fundinum lágu verklagsreglur varðandi skólaakstur vegna veðurs og færðar.
  
  Eftir umræðu um verklagsreglurnar voru þær bornar upp og samþykktar af sveitarstjórn með 7 atkvæðum samhljóða.
• 6.3 2103007 Starfsemi Blönduskóla
  Fræðslunefnd Blönduósbæjar - 39 Skólastjóri Blönduskóla fór yfir skólaárið sem nú stendur yfir. Nemendur eru 139 í vetur. Starfið hefur litast nokkuð af covid ástandi, t.a.m. hefur sameiginlegum viðburðum skólanna í héraðinu verið aflýst. Árshátíð var haldin rafrænt og tókst vel. Formlegri smíðakennslu á Þverbraut mun ljúka um mánaðmótin mars/apríl þar sem húsnæðið fer í aðra notkun. Stefnt er að aukinni áherslu á smíðakennslu í nýju húsnæði Blönduskóla næsta vetur til að vega upp á móti þeim tíma sem tapast í smíðakennslu í vor.
• 6.4 2103008 Blönduósbær - skólastefna
  Fræðslunefnd Blönduósbæjar - 39 Rætt var um framhald vinnu við skólastefnu Blönduósbæjar. Vinna við skólastefnu var komin nokkuð vel á veg áður en covid skall á en næst á dagskrá var að halda íbúafund og fá álit samfélagsins á það sem búið var að vinna. Ákveðið að fresta frekari vinnu við skólastefnuna þar til skýrist hvort sveitarfélögin verða sameinuð.
• 6.5 2103009 Barnabær - framkvæmdir
  Fræðslunefnd Blönduósbæjar - 39 Sigríður Helga fór yfir fyrirhugaðar framkvæmdir við húsnæði Barnabæjar. Húsnæðið er afar þröngt en vel nýtt. Leikskólinn er fullnýttur sem stendur og ekki hægt að taka á móti fleiri börnum í vistun. Fyrirhugað er að byggja við leikskólann og er stefnt að því að hefja vinnu við hönnun í sumar. Verið er að skoða í samráði við sveitarstjórn möguleika til að stækka húsnæðið tímabundið, t.d. með færanlegri kennslustofu á skólalóð. Fræðslunefnd skorar á sveitarstjórn að finna tímabundnar lausnir á rýmisvandamálum Barnabæjar sem allra fyrst og hraða einnig vinnu við viðbyggingu.
• 6.6 2103010 Barnabær - Starfsemi
  Fræðslunefnd Blönduósbæjar - 39 Í leikskólanum eru sem stendur 72 nemendur og er skólinn fullsettur. Um áramótin kom elsti hópur Barnabæjar aftur upp í aðal húsnæði skólans. Starfsmenn skólans eru 23 í aðeins færri stöðugildum. Stytting vinnuvikunnar hefur áhrif á starfsemi skólans og er fyrirséð að bæta þurfi við einu stöðugildi til að koma til móts við það.
• 6.7 2103011 Barnabær - Umbótaáætlun
  Fræðslunefnd Blönduósbæjar - 39 Verið er að vinna eftir umbótaáætlun sem unnin var á síðasta ári. Sigríður Helga er að vinna skýrslu um framkvæmd umbóta sem unnar hafa verið eftir áætluninni til að senda Menntamálastofnun. Fræðslunefnd mun einnig fá að fylgjast áfram með framvindu þeirrar vinnu.

1506021