13.09.2022 - Sveitarstjórn Húnabyggðar

2209011

2208020

2209012

2208006F

• 4.1 2208025 Vegagerðin - framvæmdir
  Byggðaráð Húnabyggðar - 5 Staðgengill sveitarstjóra greindi frá samskiptum sínum við Vegagerðina vegna þeirra framkvæmda sem fyrirhugaðar hefa verið við klifið hjá Bollastöðum.
  Byggðaráð Húnabyggðar ítrekar hér með við Vegagerðina að gerðar verði þær ráðstafanir sem um hefur verið rætt og áætlað hafði verið á þessu ári. Þá óskar byggðaráð eftir því að fá fulltrúa Vegagerðarinnar á næsta fund byggðaráðs, til þess að fara yfir stöðu vegamála í sveitarfélaginu. Sveitarstjóra falið að fylgja málinu eftir.
• 4.2 2208024 Girðingar á Víðidalstunguheiði
  Byggðaráð Húnabyggðar - 5 Byggðaráð Húnabyggðar óskar eftir nánari upplýsingum og kostnaðarmati á verkefninu, frá Fjallskiladeild Grímstungu- og Haukagilsheiða í samráði við Fjallskilastjórn Víðdælinga.
• 4.3 2202019 Framkvæmdir 2022
  Byggðaráð Húnabyggðar - 5 Á síðasta fundi byggðaráðs var farið yfir helstu framkvæmdir í þéttbýli Húnabyggðar, en staða helstu framkvæmd eru að öðru leyti eftirfarandi:
  
  A: Húnaver: Lokið er við að skipta um þak á hluta hússins (ekki yfir sal) en unnið er við að gera upp íbúð, og einnig er varmadæla í pöntun.
  B: Dalsmynni: Klæða á húsið að utan í haust/vetur og er búið að kaupa efni og semja við verktaka um að sjá um verkið.
  C: Auðkúlurétt: Steypuviðgerðir á réttinni, í áföngum og endurnýjun á girðingum í nátthaga gerðar að hluta. Búið að semja við verktaka um þessa verkþætti.
  D: Húnavellir: Vinna hefur verið í gangi við endurgerð íbúða, sem ekki var lokið í vor en einnig hefur verður áfram viðhaldsvinna við sundlaug en viðgerð í leikskóla er lokið
  E: Öndvegi:Verið er að klára ýmis mál og unnið að frágangi í skála.
  F: Þrístapar: Verk í vinnslu, og mun halda áfram á móti fenginni styrkveitingu.
  G: Skólahúsið við Sveinstaði: Búið er að einangra húsið og múra að utan, en fyrir liggur að taka næst glugga, hurðir og frágang á þaki og niðurfallsrörm.
  
  Til athugunnar: Byggðaráð felur sveitarstjóra að skipuleggja skoðunarferð með sveitarstjórn um sveitarfélagið, sem fyrst, þar sem skoðaðar verði helstu framkvæmdir og eignir sveitarfélagsins.
• 4.4 2208026 Notendaráð
  Byggðaráð Húnabyggðar - 5 Staðgengill sveitarstjóra greindi frá því að kallað hafi verið eftir tilnefningum frá Þroskahjálp og Öryrkjabandalaginu í notendaráð Húnabyggðar, svo hægt sé að klára tilnefningar í ráðið á næsta fundi sveitarstjórnar.
• 4.5 2208027 Heimasíða Húnabyggðar
  Byggðaráð Húnabyggðar - 5 Upplýst var um nýleg samskipti við STEFNU, og vísað í verksamning frá því í lok júni.
  Hönnun átti að vera lokið en vegna sumarleyfa og mannabreytinga hjá STEFNU hefur verkið því tafist. Byggðaráð ítrekar að þessi vinna verði kláruð sem allra fyrst og ný heimasíða kynnt.
• 4.6 2208023 Lagfæring á steingirðingu Þingeyrakirkjugarðs
  Byggðaráð Húnabyggðar - 5 Byggðaráð Húnabyggðar tekur vel í erindið og vísar kostnaði til fjárhagsáætlunar f.v. Húnavatnshrepps. Einnig óskar byggðaráð eftir því að fá kostnaðar- og verkáætlun fyrir verkið.
• 4.7 2208019 Tillögur að aðgerðum til að liðka fyrir ráðningum starfsfólks á leikskóla
  Byggðaráð Húnabyggðar - 5 Málið er ennþá í vinnslu og verður tekið fyrir á næsta fundi byggðaráðs.
• 4.8 2208016 Staða leikskólamála, yfirlit og helstu úrlausnarefni
  Byggðaráð Húnabyggðar - 5 Staðgengill sveitarstjóra upplýsti um vinnufund hans með sveitarstjóra, arkitekt og framkvæmdastjóra Stíganda ásamt stjórnendur leikskólans, sem fram fór mánudaginn 22.ágúst s.l., og kynnti minnisblað sem gert var eftir fundinn um framhald aðgerða þar sem fram koma m.a. aðgerðir um bætt aðgengi að báðum inngöngum leikskólans.
  Þá samþykkir byggðaráð að lagfært verði aðgengi frá leikskóla að gangbraut yfir Heiðarbraut. Einnig þarf að huga að framtíðarlausn á húsnæðismálum leikskólans sem allra fyrst.
• 4.9 2208028 Umferðaröryggismál við Húnabraut
  Byggðaráð Húnabyggðar - 5 Umræður urðu um umferðaröryggi við Húnabraut, þar sem skólar eru nú hafnir og Félagsmiðstöðin Skjólið hefur fengið inni tímabundið að Húnabraut 5.
  
  Vegna aukinnar umferðar skólabarna að Húnabraut 5, þar sem frístundastarf fer fram, felur byggðaráð Húnabyggðar Skipulags- og bygginganefnd að koma með tillögur að auknu umferðaröryggi gangandi og hjólandi vegfarenda á þessu svæði.

2209001F

• 5.1 2209003 Reglur um úthlutun nýrra lóða
  Byggðaráð Húnabyggðar - 6 Þorgils Magnússon, Byggingarfulltrúi fór yfir minnisblað um mögulega tilhögun á lóðaúthlutun í nýju hverfi, drög að reglum fyrir úthlutun byggingarlóða í Húnabyggð og
  reglur hjá nokkrum sveitarfélögum til viðmiðunar. Málið verður tekið fyrir til kynningar á fundi Skipulagsnefndar í næstu viku, og einnig á fundi sveitarstjórnar, en kemur síðan aftur fyrir fund byggðaráðs til frekari vinnslu.
• 5.2 2208019 Tillögur að aðgerðum til að liðka fyrir ráðningum starfsfólks á leikskóla
  Byggðaráð Húnabyggðar - 6 Erindi vísað til byggðaráðs frá 7. fundi sveitarstjórnar til frekari vinnslu.
  Byggðaráð samþykkir fram lagðar tillögur fyrir sitt leyti og þakkar fyrir þá vinnu sem lögð hefur verið í tillögurnar. Kostnaði vísað til endurskoðunnar/viðauka við fjárhagsáætlun 2022, og til vinnu við fjárhagsáætlun 2023. Bókun fundar Tillögur að aðgerðum til að liðka fyrir ráðningum starfsfólks á leikskóla bornar upp og samþykktar með 9 atkvæðum samhljóða.
• 5.3 2206054 Byggðamerki
  Byggðaráð Húnabyggðar - 6 Samkvæmnt ákvörðun sveitarstjórnar þá hefur verið auglýst eftir tillögum um byggðamerki fyrir Húnabyggð, og var frestur til að skila tillögum til 1. sept.,2022. Alls komu 17 tillögur innan þess frests sem gefin var.
  Þegar hafa verið skipaðir í matsnefnd þeir Gísli Arnarson, Formaður FÍT, og Hringur Hafsteinsson Framkvæmdastjóri Gagarín.
  Formaður byggðaráðs lagði til að fulltrúi sveitarstjórnar verði Pétur Arason sveitarstjóri. Samþykkt samhljóða.
• 5.4 2208026 Notendaráð
  Byggðaráð Húnabyggðar - 6 Óskað hefur verið eftir tilnefningum í Notendaráð frá ÖBÍ og Þroskahjálp, eins og gert er ráð fyrir í reglum um Notendaráð. Tilnefningar hafa ekki borist en fyrir fundinum liggja leiðbeiningar frá ÖBÍ og Samþykkt fyrir samráðshóp um málefni fatlaðs fólks í Akureyrarbæ. Áfram verður unnið að tilnefningum fyrir Notendaráð Húnabyggðar.
• 5.5 2208010 Fjárhagsáætlun 2023
  Byggðaráð Húnabyggðar - 6 Gerð hefur verið uppfærð tímaáætlun vegna vinnu við fjárhagsáætlun 2023, en einnig var haldinn fundur með endurskoðendum KPMG um mögulega aðkomu þeirra að þessari vinnu og breyttu vinnulagi. Sveitarstjóri greindi frá þeim áherslubreytingum sem kynntar voru. Einnig var rætt um tilhögun undirbúnings á framkvæmdum og fjárfestingum næstu ára, þar sem byggðaráð myndi bera mesta ábyrgð og kalla til þá aðila sem gætu legt þar gott til.
• 5.6 2209007 Dælustöð - útboð v. hús
  Byggðaráð Húnabyggðar - 6 Byggðaráð Húnabyggðar samþykkir fram lögð gögn og felur STOÐ ehf að auglýsa útboðið samkvæmt umræðu á fundinum.
• 5.7 2209009 Vatnslögn upp á skotíþróttasvæði Markviss.
  Byggðaráð Húnabyggðar - 6 Málinu vísað til vinnu við fjárhagsaætlun 2023, þar sem kostnaður við framkvæmdir verða metnar.
• 5.8 2209008 Samningur um sameiginlegt umdæmisráð barnaverndar á landsvísu
  Byggðaráð Húnabyggðar - 6 Byggðráð Húnabyggðar samþykkir fyrir sitt leyti að taka þátt í umdæmisráði barnaverndar á landsbyggðinni og felur sveitarstjóra að fylgja málinu eftir með hlutaðeigandi. Hvatt er til þess að samræmi ríki varðandi starfsemi þeirra þriggja umdæmmisráða sem eiga að starfa á landinu. Þá samþykkir byggðaráð fram komna tillögu um að Akureyri verði fyrsta sveitarfélagið til þess að annast umsýslu umdæmisráðsins á landsbyggðinni. Bókun fundar Sveitarstjórn samþykkir, með 9 atkvæðum samhljóða, samning um umdæmisráð ásamt erindisbréfi og viðauka við sameiginlegt umdæmisráð barnaverndar á landsvísu samkvæmt nýjum lögum og tekur undir bókun byggðaráðs.
• 5.9 2202019 Framkvæmdir 2022
  Byggðaráð Húnabyggðar - 6 Farið var yfir stöðu helstu framkvæmda ársins, sem verið hafa til umfjöllunar á síðustu tveimur fundum byggðaráðs ásamt samskipti við Vegagerðina frá síðasta fundi.
  A. Fulltrúi Vegagerðarinnar hefur samþykkt að mæta á næsta fund byggðaráðs, og einnig að áætlað sé að fara í umbeðnar lagfæringar við Klifið hjá Bollastöður fyrir veturinn.
  B. Rætt var um stöðu á endurnýjun á götulýsingu bæði í þéttbýli og í dreifbýlinu. Þarf að skoða stöðu og áætlun.
  C. Byggðaráð felur sveitarstjóra, ásamt hlutaðeigandi, að setja á stað hönnun og kostnaðargreiningu á endurbættri Ennisbraut, frá nýjum Þverárfjallsvegi að núverandi klæðningu.
  D. Klára þarf uppbyggingu á reiðvegi við Miðholtið ásamt tengingu við þjóðveginn, samkvæmt leiðbeingum Vegagerðarinnar.
• 5.10 2209002 Starfshópur til að skoða og gera tillögur til umhverfis-, orku- og loftslagsráðuneytisins um nýtingu vindorku.
  Byggðaráð Húnabyggðar - 6 Byggðaráð Húnabyggðar fagnar því að mótuð verði stefna um nýtingu vindorku á Íslandi og að ofangreindur starfhópur taki saman tillögur og ýmis sjónarmið í því sambandi. Byggðaráð vísar málinu til umsagnar bæði Skipulagsnefndar og Umhverfisnefndar, og mun kalla eftir sjónarmiðum innan tilskilins fresta, eða fyrir 30. september n.k.
• 5.11 2209001 SSNV - fundargerð 81. fundar stjórnar
  Byggðaráð Húnabyggðar - 6 Lögð fram til kynningar.
• 5.12 2209004 SSNV - fundargerð 82. fundar stjórnar
  Byggðaráð Húnabyggðar - 6 Lagt fram til kynningar
• 5.13 2209005 SSNV - fundargerð 83. fundar stjórnar
  Byggðaráð Húnabyggðar - 6 Byggðaráð Húnabyggðar tekur undir með stjórn SSNV og byggðaráði Skagafjarðar vegna vaxandi halla á rekstri málaflokks fatlaðs fólks. Í bókun byggðaráðs Skagafjarðar segir m.a. "Lögbundið framlag til sveitarfélaganna og fjárframlög Jöfnunarsjóðs standa engan vegin undir rekstri málaflokksins og hefur svo verið um nokkurra ára skeið." Skipaður hefur verið starfshópur félags- og vinnumarkaðsráðherra um mótun tillagna um kostnaðarskiptingu ríkis og sveitarfélaga vegna þjónustu við fatlað folk og skorar byggðaráð Húnabyggðar á ráðherra að hraða þeirri vinnu. Byggðaráð tekur jafnframt undir bókun stjórnar SSNV um að bregðast þurfi við vandanum með auknum fjárframlögum strax á þessu ári. Bókun fundar Sveitarstjórn Húnabyggðar tekur undir bókun byggðaráðs vegna vaxandi halla á rekstri málaflokks fatlaðs fólks með vísan til bókana SSNV og byggðaráðs Skagafjarðar.

2208002F

• 6.1 2209003 Reglur um úthlutun nýrra lóða
  Skipulags- og byggingarnefnd Húnabyggðar - 3 Umræður urðu um núverandi reglur og reglur um byggingartíma. Drög lögð fram til kynningar.
• 6.2 2208028 Umferðaröryggismál við Húnabraut
  Skipulags- og byggingarnefnd Húnabyggðar - 3 Nefndin leggur til eftirfarandi atriði til að bæta umferðaröryggi við félagsmiðstöð og grunnskóla. Sett verði skilti "Börn á leið í skóla" á Melabraut og tveimur stöðum á Húnabraut,upplýst gangbrautarmerki, þrenging, hraðahindrun og gangbraut við Húnabraut 5.
  Loka gönguleið út á Húnabraut til bráðabirgða á móts við Húnabraut 5 þar til gangbraut kemur.
  
  Nefndin leggur til að farið verði í umferðaröryggisáætlun fyrir sveitarfélagið.
• 6.3 2209006 Umsókn um lóð Sunnubraut 11
  Skipulags- og byggingarnefnd Húnabyggðar - 3 Lóðin er skipulögð sem einbýlishúsalóði og tilbúin til úthlutunar. Bent er á að núverandi nýtingarhlutfall á lóðum á svæðinu er 0,15-0,3, nýtingahlutfall á húsinu sem fylgir umsókninni er 0,085. Úthlutun lóðarinnar er vísað til byggðarráðs.
• 6.4 2209013 Bergsstaðir land - umsókn um framkvæmdaleyfi
  Skipulags- og byggingarnefnd Húnabyggðar - 3 Skipulags- og byggingarnefnd frestar afgreiðslu þar sem misræmi er í gögnum á afsali og lóðaruppdætti er varðar stærð lóðar. Nefndin getur ekki tekið afstöðu fyrr en fyrir liggur þinglýstur lóðaruppdráttur sem er hnitsettur og undirritaður af aðliggjandi landeigendum.
  
  
  

2206034