22.01.2019 - Sveitarstjórn Blönduósbæjar

1901001F

• 1.1 1901004 Lóðamál
  Byggðaráð Blönduósbæjar - 131 Þorgils Magnússon skipulags- og byggingarfulltrúi mætti undir þessum lið og gerði grein fyrir stöðu lóða sem úthlutað hefur verið.
  
  Eftir umræður um málið var eftirfarandi ákveðið:
  Byggingarfulltrúa falið að skrifa bréf til þeirra sem hafa fengið úthlutaðar lóðir með ítrekun á tímafresti.
  
  Þorgils vék af fundi kl. 18:00
• 1.2 1901001 Um smíðakennslu í Blönduskóla
  Byggðaráð Blönduósbæjar - 131 Erindi frá Mennta- og menningarmálaráðuneyti þar sem spurst er fyrir um stöðu mála um smíðakennslu í Blönduskóla, vísað er til fyrirspurnar um sama efni frá 5. október 2017 og svör við þeirri fyrirspurn.
  
  Sveitarstjóra var falið að svara erindinu með vísan til núverandi stöðu og fyriráætlana um smíðakennslu á þessu ári.
• 1.3 1901002 Ósk um kaup á beitarhólfi
  Byggðaráð Blönduósbæjar - 131 Ósk frá Gísla Garðarssyni um kaup á beitarhólfi 213-7319.
  
  Byggðaráð leggur til við sveitarstjórn að kaupa beitarhólfið á því viðmiðunarverði sem liggur fyrir fundinum. Bókun fundar Þessi liður fundargerðarinnar borinn upp og staðfestur af sveitarstjórn með 7 atkvæðum samhljóða.
• 1.4 1901003 Umhverfisstofnun - Ósk um að sveitarfélagið Blönduósbær tilnefni fulltrúa í vatnasvæðanefnd
  Byggðaráð Blönduósbæjar - 131 Í erindinu er vísað til laga 36/2011 og reglugerð nr. 935/2011 um stjórn vatnamála.
  Byggðaráð tilnefnir: Birnu Ágústsdóttur sem fulltrúa í vatnasvæðanefnd umhverfisstofnunar.
• 1.5 1509005 Móttaka flóttafólks
  Byggðaráð Blönduósbæjar - 131 Erindi frá Velferðarráðuneytinu frá 11. desember 2018, þar sem góðfúslega er farið á leit við sveitarstjórn Blönduósbæjar að sveitarfélagið taki á móti sýrlensku flóttafólki, um 25 einstaklingum á árinu 2019. Í móttöku felst meðal annars að útvega fólkinu húsnæði til leigu og veita því nauðsynlega þjónustu og aðstoð í eitt ár frá komu þess til landsins. Gerður yrði samningur milli velferðarráðuneytisins/félagsmálaráðuneytisins og sveitarfélagsins þar að lútandi.
  Vísað er í afgreiðslu byggðaráðs 5.12.2018 og fyrirvara þar að lútandi.
  
  Sveitarstjóra falið að svara erindi á grunvelli umræðna á fundinum og óska eftir nánari upplýsingum.
• 1.6 1901005 Fjárhagsáætlun 2020
  Byggðaráð Blönduósbæjar - 131 Á grundvelli fjárhagsáætlunarvinnu fyrir árið 2019 hefur sveitarstjóri og aðalbókari tekið saman minnisblað með tillögu að vinnufyrirkomulagi fyrir næstu fjárhagsáætlunarvinnu fyrir árið 2020.
• 1.7 1810036 Erindi frá Sýslumaðurinn á Norðurlandi vestra - Afskriftabeiðni
  Byggðaráð Blönduósbæjar - 131 Sýslumaðurinn á Norðurlandi vesta óskar eftir afskrift á þing- og sveitarsjóðsgjöldum að upphæð 82.621 kr.
  
  Bókun færð í trúnaðarbók. Bókun fundar Þessi liður fundargerðarinnar borinn upp og staðfestur af sveitarstjórn með 7 atkvæðum samhljóða.
• 1.8 1901006 Íbúð á sölu - Garðabyggð 16A
  Byggðaráð Blönduósbæjar - 131 Byggðaráð felur sveitarstjóra að fá verðmat á fasteignina og setja íbúðina í söluferli. Bókun fundar Þessi liður fundargerðarinnar borinn upp og staðfestur af sveitarstjórn með 7 atkvæðum samhljóða.
  

1901002F

• 2.1 1812018 Tillaga að breytingum á Aðalskipulagi Sveitarfélagsins Skagafjarðar.
  Skipulags-, umhverfis- og umferðarnefnd Blönduósbæjar - 50 Blönduósbær gerir ekki athugasemdir við breytingu á Aðalskipulagi Skagafjarðar 2009-2021. Bókun fundar Þessi liður fundargerðarinnar borinn upp og staðfestur af sveitarstjórn með 7 atkvæðum samhljóða.
• 2.2 1810031 Deiliskipulag á nýjum íbúðarlóðum
  Skipulags-, umhverfis- og umferðarnefnd Blönduósbæjar - 50 Farið yfir tillögur og skipulagsfulltrúa falið að láta uppfæra deiliskipulagsgögn.
• 2.3 1810030 Gamli bærinn deiliskipulag.
  Skipulags-, umhverfis- og umferðarnefnd Blönduósbæjar - 50 Farið yfir fyrstu drög af deiliskipulagi. Umræður urðu um skipulagið og skipulagsfulltrúa falið að vinna áfram að málinu með skipulagsráðgjafa. Nefndin telur að réttast sé að kalla til íbúafundar um skipulagið og í framhaldi af því mun skipulagsfulltrúi funda með fasteignaeigendum.
• 2.4 1901011 Brautarhvammur gisti- og þjónustuhús - Umsókn um byggingarleyfi
  Skipulags-, umhverfis- og umferðarnefnd Blönduósbæjar - 50 Zophonías Ari Lárusson vék af fundi við umræðu og afgreiðslu þessa liðar vegna skyldleika. Nefndin samþykkir byggingaráformin. Bókun fundar Þessi liður fundargerðarinnar borinn upp og staðfestur af sveitarstjórn með 7 atkvæðum samhljóða.
• 2.5 1812011 Könnun um nöfn á nýbýlum og breytingar á nöfnum býla.
  Skipulags-, umhverfis- og umferðarnefnd Blönduósbæjar - 50 Farið yfir málið og byggingarfulltrúa falið að svara erindinu.
• 2.6 1810023 Fálkagerði 1- Umsókn um byggingarleyfi
  Skipulags-, umhverfis- og umferðarnefnd Blönduósbæjar - 50 Nefndin samþykkir byggingaráformin. Bókun fundar Þessi liður fundargerðarinnar borinn upp og staðfestur af sveitarstjórn með 7 atkvæðum samhljóða.

1804026

1901013

1901015

1901016