02.10.2018 - Sveitarstjórn Blönduósbæjar

1809005F

• 1.1 1808021 Umsókn um lóð - Fálkagerði 2
  Byggðaráð Blönduósbæjar - 120 Á fundi Skipulags-, umhverfis- og umferðarnefndar þann 5. september 2018 var tekin fyrir umsókn um lóð að Fálkagerði 2 og afgreiðslu hennar vísað til byggðaráðs.
  
  Byggðaráð samþykkir að úthluta Landsneti lóðinni skv. úthlutunarreglum sveitarfélagsins. Lóðin fellur aftur til sveitarfélagsins ef framkvæmdir eru ekki hafnar innan sex mánaða frá lóðarúthlutun.
• 1.2 1803003 Umsókn um lóð - Hnjúkabyggð 29
  Byggðaráð Blönduósbæjar - 120 Uppbygging ehf óskar eftir framlengingu á úthlutun lóðar að Hnjúkabyggð 29 til 3. mánaða frá 17. september 2018. Áætlað er að framkvæmdir við bygginguna hefjist í lok nóvember 2018 og taki 12 - 13 mánuði.
  
  Byggðaráð samþykkir framlengingu á úthlutun lóðar að Hnjúkabyggð 29 skv. úthlutunarreglum sveitarfélagsins. Lóðin fellur aftur til sveitarfélagsins ef framkvæmdir eru ekki hafnar innan 3. mánaða frá framlengingu lóðarúthlutunarinnar.
• 1.3 1809008 Fyrirspurn varðandi smíðastofu í Blönduskóla
  Byggðaráð Blönduósbæjar - 120 Á sveitarstjórnarfundi 11. september sl. var lögð fram fyrirspurn varðandi gang mála á smíðastofu í Blönduskóla.
  
  Byggðaráð fór yfir þau gögn sem liggja fyrir um áform að smíðastofu. Sveitarstjóra er falið að svara fyrirspurn.
• 1.4 1809010 Fjárhagsáætlun 2019
  Byggðaráð Blönduósbæjar - 120 Valdimar O. Hermannsson, sveitarstjóri, lagði fram drög að skipulagi við vinnu fjárhagsáætlunar 2019.
  
  Byggðaráð samþykkir að hefja vinnu við fjárhagsáætlun 2019.
• 1.5 1809009 Íbúðalánasjóður - Húsnæðismál á landsbyggðinni- Tilraunaverkefni
  Byggðaráð Blönduósbæjar - 120 Íbúðalánaðsjóður leitar til sveitarfélaga til þátttöku í tilraunaverkefni um uppbyggingu í húsnæðismálum á landsbyggðinni. Tilraunaverkefnið snýr að því að leita leiða til þess að bregðast við þeim mikla húsnæðisvanda sem ríkir víðsvegar á landsbyggðinni. Verkefnið tekur mið af stjórnarsáttmála ríkisstjórnarinnar þar sem fram kemur að stuðla skuli að eflingu og auknu jafnvægi á húsnæðismarkaði. Einnig tekur það mið af stefnumótandi byggðaáætlum sem samþykkt var á Alþingi þann 11. júní sl. þar sem m.a. er kveðið á um markmið um fjölgun íbúða á svæðum þar sem skortur á hentugu íbúðarhúsnæði hamlar uppbyggingu í sveitarfélögum.
  
  Byggðaráð felur sveitarstjóra að sækja um þátttöku í tilraunaverkefni Íbúðalánasjóðs fyrir hönd Blönduósbæjar.
• 1.6 1809012 SSNV - fundargerð 34. fundar stjórnar 15. ágúst 2018
  Byggðaráð Blönduósbæjar - 120 Fundargerðin lögð fram til kynningar.
• 1.7 1809013 SSNV - fundargerð 35. fundar stjórnar 21. ágúst 2018
  Byggðaráð Blönduósbæjar - 120 Fundargerðin lögð fram til kynningar.
• 1.8 1808003 SSNV - Aukaársþing SSNV 2018
  Byggðaráð Blönduósbæjar - 120 Fundargerðin lögð fram til kynningar.
• 1.9 1809011 SSNV - fundargerð 36. fundar stjórnar 4. september 2018
  Byggðaráð Blönduósbæjar - 120 Fundargerðin lögð fram til kynningar.
• 1.10 1809014 Byggðasamlag um menningu og atvinnumál - fundargerð 31. ágúst 2018
  Byggðaráð Blönduósbæjar - 120 Fundargerðin lögð fram til kynningar.
• 1.11 1809015 Brunavarnir Austur - Húnavatnssýslu - fundargerð 13. september 2018
  Byggðaráð Blönduósbæjar - 120 Fundargerðin lögð fram til kynningar.
• 1.12 1809016 Styrkur til stjórnmálasamtaka
  Byggðaráð Blönduósbæjar - 120 Byggðaráð felur sveitarstjóra að útbúa reglur fyrir Blönduósbæ um framlög til stjórnmálasamtaka er bjóða fram til sveitarstjórnarkosninga með vísan til laga um "Framlög til stjórnmálasamtaka frá sveitarfélögum" Nr. 162/2006, 5.Gr.

1809006F

• 2.1 1502006 Erindisbréf fyrir jafnréttisnefnd Blönduósbæjar
  Jafnréttisnefnd Blönduósbæjar - 12 Fundarmenn undirrituðu erindisbréf nefndarinnar.
• 2.2 1807027 Jafnréttisáætlun 2018-2022
  Jafnréttisnefnd Blönduósbæjar - 12 Nefndin vann áfram að jafnréttisáætlun sveitarfélagsins.
  
  Umræða skapaðist um nýsamþykkt lög nr. 85/2018 um jafna meðferð óháð kynþætti og þjóðernisuppruna. Formanni falið að hafa samband við Jafnréttisstofu og kanna áhrif þeirra á gerð jafnréttisáætlunar.
  
  Jafnréttisnefnd fjallaði sérstaklega um mikilvægi þess að fjárveiting til jafnréttismála verði tryggð við gerð fjárhagsáætlunar og ítrekar þær víðtæku lögbundnu skyldur sem lagðar eru á sveitarfélagið í því sambandi.
  
  

1809002F

• 3.1 1809002 Almenn fundarstarfsemi: umræður og vangaveltur um starf nefndarinnar
  Menningar-, tómstunda- og íþróttanefnd - 10 Fundur er settur kl: 16:33
  
  Formaður setur fundinn og almennar umræður sköpuðust tengt menningu-, tómstundum og íþróttum í samfélaginu.

1809008F

• 4.1 1809018 Almenn málefni
  Menningar-, tómstunda- og íþróttanefnd - 11 Nefndin ræddi málefni tengd menningu,-tómstundum og íþróttum í samfélaginu.
• 4.2 1809019 Heimsókn í íþróttamiðstöð Blönduósbæjar
  Menningar-, tómstunda- og íþróttanefnd - 11 Forstöðumaður Íþróttamiðstöðvarinnar Róbert Daníel tók á móti nefndinni og fór yfir málefni tengd henni.

1809016

1510028

1510017