14.07.2015 - Skipulags-, umhverfis- og umferðarnefnd Blönduósbæjar

Erindi frá Zohoníasi Ara Lárussyni um tilkynnta framkvæmd við útlitsbreytingu á húsinu að Urðarbraut 22. Umsókninni fylgir teikning gerð af Stefáni Árnasyni, byggingarfræðingi í verki númer 2016-42 dagsett 23.9.2016.

Umsókn um lóð ofan Hnjúkabyggðar 32

Deiliskipulag fyrir urðun og efnistöku í landi Sölvabakka var auglýst skv. 41.gr. skipulagslaga nr. 123/2010 þann 12. maí sl. Deiliskipulagstillaga frá 2011, Sölvabakki- urðun og efnistaka, hlaut ekki lokaafgreiðslu með auglýsingu í B-deild Stjórnartíðinda og tók því ekki formlega gildi. Því er deiliskipulagstillagan endurauglýst sem nýtt deiliskipulag. Breyting frá áður auglýstu deiliskipulagi er að byggingareitur B fyrir þjónustuhús og vélageymslu er stækkaður úr 16.016 m2 í 22.627 m2 og bætt er við byggingarreit C fyrir vélaskemmu samtals 14.152 m2. Athugasemdafresti lauk þann 24. júní sl. Engar athugasemdir bárust en Umhverfisstofnu og Minjastofnun Íslands gera umsagnir þar sem engar athugasemdir eru gerðar við deiliskipulagstillöguna.

Blönduósbær veitir árlega umhverfisverðlaun sem hvatningu til íbúa og fyrirtækja sem staðið hafa sig vel að úrbótum og fegrun í umhverfinu.

Erindi frá Atla Þór Gunnarssyni, umsókn um byggingarleyfi til að einangra og klæða íbúðarhúsið að Sturluhóli að utan. Umsókninni fylgir aðaluppdráttur ásamt skráningartöflu, gerður af Stefáni Árnasyni, byggingarfræðingi. Húsið verður einangrað með 100 mm steinull og klætt utan með bárujárni (Aluzink).

Erindi frá Kristjáni Blöndal, umsókn um byggingarleyfi til að breyta gluggum hússins að Urðarbraut 1 á Blönduósi. Umsókninni fylgir riss af fyrirhuguðum breytingum á gamla teikningu af húsinu.

Bæjarblómið og Húnabúð sækja um byggingarleyfi til að setja upp sameiginlegt skilti á horni Húnabrautar og þjóðvegar nr. 1, til vara vestan við brúna yfir Blöndu. Fyrirhugað skilti er 180 cm breitt og 250 cm hátt. Þrjár myndir sem áformað er að verði á skiltinu fylgja umsókninni.

Afturköllun á úthlutun lóðarinnar að Hnjúkabyggð 34 á Blönduósi til Mýrarbrautar 23 ehf. og frestur til að fjarlægja lausafé af lóðinni. Með bréfi dags. 5. júní sl. afturkallaði byggingarfulltrúi, fyrir hönd Blönduósbæjar, úthlutun á lóðinni Hnjúkabyggð 34 til Mýrarbrautar 23 ehf. Var það gert á grundvelli 2. mgr. 9. gr. samþykkta um gatnagerðargjald í þéttbýli Blönduósbæjar. Einnig var í sama bréfi veittur frestur til 22. júní sl. til að fjarlægja lausafé af lóðinni sem stendur þar án leyfis. Með bréfi dags 19. júní sl. mótmælir Jón Bjarni Kristjánsson, hdl. málsmeðferð harðlega og skorar á byggðarráð að afturkalla ákvörðun sína og á byggingarfulltrúa að gefa út byggingarleyfi fyrir framkvæmdum. Með bréfi dags. 23. júní sl var Mýrarbraut 23 ehf. tilkynnt að lausafjármunir yrðu fjarlægðir af lóðinni þann 30. júní. 29. júní óskaði fyrrnefndur lögmaður eftir fresti á boðuðum aðgerðum og var hann veittur til 14. júlí 2015.

Byggingarfulltrúi óskaði eftir leiðsögn Mannvirkjastofnunar um meðferð þessa máls, þar sem byggingarleyfisskyldar breytingar og úttektarskykdar framkvæmdir hafa verið unnar án byggingarleyfis og úttekta. Bréf byggingarfulltrúa og svar Mannvirkjastofnunar lagt fram til kynningar.