10.11.2020 - Menningar-, tómstunda- og íþróttanefnd Blönduósbæjar

Nefndin fór yfir afgang af ráðstöfunarfé sínu. Miklar umræður sköpuðust en fjölbreytt málefni brenna á nefndarmeðlimum. Niðurstaðan var sú að eyrnamerkja peninginn í fræðslu og forvarnir fyrir ungmenni Blönduósbæjar. Formaður nefndar mun vinna áfram í verkefninu í samstarfi við Ungmennaráð.

Kristín Ingibjörg Lárusdóttir hefur verið ráðin Menningar-, íþrótta- og tómstundafulltrúi Blönduósbæjar. Nefndin fagnar þessu stóra og mikilvæga framfaraskrefi fyrir samfélagið. Nefndin óskar Kristínu velfarnaðar í starfi og hlakkar til samstarfsins með henni við að þróa og bæta menningar-, íþrótta og tómstundastarf sveitarfélagsins.

Skipan í Ungmennaráð Blönduósbæjar 2020-2021 er eftirfarandi:
Aðalmenn
Björn Ívar Jónsson
Harpa Sól Guðmundsdóttir
Vilborg Jóhanna Líndal
Guðmundur Lúðvík Jónsson
Ólíver Pálmi Ingvarsson

Varamenn
Guðrún Tinna Rúnarsdóttir
Harpa Hrönn Hilmarsdóttir
Kristín Helga Þórðardóttir
Þorsteinn Óskar Sigurðsson

Nefndin óskar eftir því að viðhalda sérstakri fjárveitingu til verkefna nefndarinnar sem ráðstafað verður í þau málefni sem talin eru mikilvæg hverju sinni.

Áherslur nefndarinnar fyrir fjárhagsáætlunargerð 2021 eru eftirfarandi:

Frisbígolfvöllur - Að unnið verði að því að Frisbígolfvöllur verði settur upp innan sveitarfélagsins.
Ungbarnaleikvöllur - Að sett verði fjármagn í að koma upp ungbarnaleikvelli eða leikvelli sem að hentar yngri börnum samfélagsins á opnu svæði innan bæjarins.
Skjólið/Frístundaheimili Blönduósbæjar - Að lögð verði áhersla á að bæta og þróa starf Skjólsins og stuðla að því að Frístundaheimili Blönduósbæjar verði að veruleika.
Göngustígar - Að lagt verði áherslu á endurbætur, kortlagningu og fjölgun göngustíga í og við Blönduósbæ til þess að stuðla að og efla heilbrigði og útivist bæjarbúa.
Húnavaka - Að haldið verði áfram að betrumbæta og styrkja bæjarhátíð Blönduósbæjar.
17.júní - Að lögð sé áhersla á að viðhalda hátíðarhöldum á þessum degi.