15.08.2016 - Landbúnaðarnefnd Blönduósbæjar

Fram kom hjá Gauta Jónssyni, fjallskilastjóra að illa gangi að manna göngur. Ef ekki ræðst bót á því í vikunni, gæti orðið að grípa til þess ráðs að færa göngur í út Langadalsfjalli yfir á sömu helgi og smalað er fram Langadalsfjall og Skarðsskarð. Rætt var um hvort gefa eigi afslátt til hrossabænda sem eru með merar í blóðtöku eins og gert var í fyrra. Ákveðið af gefa 50% afslátt af fjallskilum fyrir þær hryssur sem eru í blóðtöku.

Gauti Jónsson óskaði eftir að losna undan embætti fjallskilastjóra. Ákveðið að Anna Margrét Jónsdóttir taki við því tímabundið, þar til önnur skipan verður ákveðin.

Fyrir fundinum lá bréf frá Bændasamtökum Íslands með nokkrum spurningum um framkvæmd fjallskila í sveitarfélaginu. Bréfið er sent í kjölfar ályktunar Búnaðarþings 2016 um fjallskil. Fjallskilastjóra falið að svara bréfinu.