30.06.2015 - Landbúnaðarnefnd Blönduósbæjar

Rætt var um það ástand varðandi búfé á vegum í sveitarfélaginu, sem skapast vegna þess að girðingum er ekki haldið við þannig að þær hafi fullt vörslugildi. Landbúnaðarnefnd Blönduósbæjar beinir þeim eindregnu tilmælum til sveitarstjórnar Blönduósbæjar að hlutast verði til um við landeigendur að veggirðingum sé þannig haldið að þær hafi fullt vörslugildi. Verði landeigendur ekki við tilmælum um viðhald girðinga verði sá möguleiki skoðaður að beita ákvæðum girðingarlaga hvað varðar viðhald girðinga. Það er með öllu óviðunandi að búfénaður sem sleppt er í sumarhaga eigi greiða leið á vegsvæði stofn- og tengivega vegna þess að einstaka landeigendur hirða ekki um að halda girðingum sómasamlega við.

Samþykkt hefur verið að hafa göngur milli Blöndu og Héraðsvatna fyrstu helgina í september. Seinni göngur verði tveimur vikum síðar.

Landbúnaðarnefnd beinir því til sveitarstjórnar að samræma verðlaun og tímakaup við refaveiðar við önnur sveitarfélög í sýslunni.