14.05.2021 - Fræðslunefnd Blönduósbæjar

Þórhalla Guðbjartsdóttir, skólastjóri Blönduskóla, fór yfir drög að skóladagatali Blönduskóla veturinn 2021-2022.

Að loknum umræðum um skóladagatalið var það borið upp og samþykkt af Fræðslunefnd með 4 atkvæðum samhljóða.

Þórhalla Guðbjartsdóttir, skólastjóri Blönduskóla, fór yfir þær starfsmannabreytingar sem verða á starfsliði skólans.

Auglýsingar um laus störf hafa verið birtar og verður fjöldi stöðugilda óbreyttur frá líðandi skólaári.

Fræðslunefnd leggur til að gerður verði samningur um skólamat til eins árs að undangenginni verðkönnun/útboði, þar sem fyrir liggur að ekki var gert ráð fyrir þeim búnaði sem upp á vantar í framleiðslueldhús í fjárhagsáætlun ársins 2021.

Fræðslunefnd hvetur Byggðaráð til að gera ráð fyrir kaupum á búnaði í framleiðslueldhús í næstu fjárhagsáætlun, svo hægt verði að elda skólamat á staðnum að ári liðnu.

Þórdís Hauksdóttir, fræðslustjóri, Sigríður Helga Sigurðardóttir, skólastjóri Barnabæjar, og Þórhalla Guðbjartsdóttir, skólastjóri Blönduskóla, kynntu þróunarverkefnið "Lærdómssamfélagið í skólum í Austur-Húnavatnssýslu".

Markmið verkefnisins er að efla með fjölbreyttum hætti samstarf leik- og grunnskóla í Austur-Húnavatnssýslu.

Fræðslunefnd þakkar fyrir kynninguna.

Þórhalla Guðbjartsdóttir, Lilja Jóhanna Árnadóttir og Inga Sóley Jónsdóttir véku af fundi kl. 17:50.

Fyrir fundinum lá kynning á verkefninu "Skólar á grænni grein".

Fræðslunefnd hvetur skólastjórnendur til að kynna sér verkefnið og kanna möguleika á innleiðingu þess í Barnabæ og Blönduskóla.

Sigríður Helga Sigurðardóttir kynnti skóladagatal Barnabæjar fyrir skólaárið 2021-2022.

Að loknum umræðum um skóladagalatið var það borið upp og samþykkt af Fræðslunefnd með 4 atkvæðum samhljóða.

Sigríður Helga Sigurðardóttir, leikskólastjóri Barnabæjar, fór yfir gildandi reglur um inntökualdur barna á leikskólann.

í ljósi lengingar fæðingarorlofs sem tekið hefur gildi og til samræmingar við nágrannasveitarfélög vill Fræðslunefnd hvetja Sveitarstjórn til að kanna möguleikann á endurskoðun á reglum um inntökualdur leikskólabarna til hækkunar.

Sigríður Helga Sigurðarsóttir, leikskólastjóri Barnabæjar, fór yfir starfsmannamál Barnabæjar.

Umræður urðu um starfsumhverfi stafsmanna á Barnabæ og mögulegar leiðir til að fjölga menntuðum leiksólakennurum.

Sigríður Helga Sigurðardóttir og Kolbrún Eva Bjarkadóttir véku af fundi kl. 18:50.