04.05.2017 - Fræðslunefnd Blönduósbæjar

Þórhalla Guðbjartsdóttir kynnti drög að skóladagatali næsta skólaárs, 2017 - 2018. Kristín bar skóladagatalið upp til atkvæðagreiðslu og samþykkti fræðslunefnd það fyrir sitt leyti.

Þórhalla sagði frá því að tveir kennarar við Blönduskóla hafi óskað eftir árs leyfi frá kennslu. Það eru þær Anna Margrét Valgeirsdóttir og Lilja Jóhanna Árnadóttir. Eins þarf að auglýsa þrjár stöður kennara. Í þeim eru starfandi leiðbeinendur. Verða því fimm stöður auglýstar á næstu dögum.

Samningi við rekstraraðila Mötuneytisins rennur út nú á vordögum, en í útboðinu er möguleiki til að framlengja samninginn um eitt ár og leggur Þórhalla til að svo verði gert. Fræðslunefnd samþykkir þetta fyrir sitt leyti.

Samningur við skólabílstjóra rennur út nú í vor en í samningi við þá er ákvæði um að framlengja samninginn um eitt ár. Þórhalla mælist til að svo verði gert. Fræðslunefnd stiður framlenginguna.

Þórhalla sagði frá því að sín upplifun af vinnu við Bókun 1 væri góð og finnst henni allir hafi unnið af heilum hug.

Þórhalla og Gunnhildur víkja af fundi.

Þrír kennarar starfa við Bókun 1. Þeir hafa setið sjö fundi og unnið undirbúningsvinnu utan vinnutíma, alls átta stundir.
Fræðslunefnd leggur til að kennararnir fái greidda yfirvinnu fyrir undirbúningsvinnuna og fundarlaun fyrir fundarsetu.

Fulltrúar fræðslunefndar vilja benda á að þessi vinna er unnin að frumkvæði Sambands Íslenskra sveitarfélaga, sem kalla eftir þessari vinnu. Vinna þessara kennara er því alveg utan við önnur störf þeirra í skólanum og telja fulltrúar fræðslunefndar því nauðsynlegt að greiða sérstaklega fyrir hana.