20.02.2025 - Byggðarráð Húnabyggðar

Fyrir fundinum lá fundargerð stjórnar Húnanets en miklar breytingar hafa orðið á rekstri félagsins sem hefur verið í járnum lengi. Aðhald í rekstri og gjaldskrárbreytingar hafa orðið til þess að laga reksturinn mikið og fyrirséð er að með frekari breytingum á gjaldskrám verði hægt að laga stöðuna enn betur. Þá er lagt til að Húnabyggð breyti skuldum félagsins í hlutafé til að létta á skuldum félagsins og var þeirri tillögu vísað til KPMG til frekari útfærslu.

Sigurður Erlingsson mætti á fundinn undir þessum lið.

Fyrir fundinum lá tillaga KPMG að breyta hreinum skuldum Húnanets við Húnabyggð upp á 20,5 milljónir í hlutafé. Tillagan borin upp og samþykkt samhljóða.

Umsögn Húnabyggðar vegna umhverfismats Holtavörðuheiðarlínu 3 lagt fram til kynningar. Húnabyggð hefur lagt áherslu á að byggðarþróun sé gert hærra undir höfði í verkefninu og að hugað sé að framtíðar orkuaðgengi svæðisins alls við skipulagningu verkefnisins. Að mati Húnabyggðar er orkuöryggi Húnabyggðar, sveitarfélagsins Skagastrandar, Húnaþings vestra og Skagafjarðar og framtíðarhagsmunir byggðarþróunar svæðisins undir í þessu verkefni.

Sveitarfélagið Skagaströnd hefur tekið við rekstri tónlistarskólans og drög að þjónustusamningi milli Húnabyggðar og sveitarfélagsins var lögð fram til kynningar og samningsdrögin samþykkt.

Skýrsla Markviss lögð fram til kynningar og ákvörðun um nafngift á nýjum vegi í gegnum Kleifarnámu vísað til skipulags- og samgöngunefndar.

Samningur byggðarsamlags um atvinnu- og menningarmál við Ós textílmiðstöð sem rennur út á árinu 2025 lagður fram til kynningar. Sveitarstjóra falið að ganga frá samningum vegna notkunar Ós textílmiðstöðvar og Textílmiðstöðvar Íslands á fasteignum sveitarfélagsins.

Lagt fram til kynningar

Lagt fram til kynningar