01.11.2023 - Byggðarráð Húnabyggðar

Sigurður fór yfir níu mánaða uppgjör Húnabyggðar sem sýnir að fjárhagur sveitarfélagsins er ágætlega staddur miðað við gríðarlega erfið ytri skilyrði og vonir eru bundnar við að halli ársins verði minni en áætlað var við sex mánaða uppgjörið. Ljóst er að mikið aðhald þarf til að koma í veg fyrir umtalsverðan hallarekstur og verður lögð áhersla á kostnaðaraðhald á síðustu mánuðum ársins.

Búið er að fjárfesta fyrir um 200 milljónir á árinu í mjög fjölbreyttum verkefnum. Ekki er öllum verkefnum lokið og þau verkefni sem þegar eru hafin verða kláruð sé það mögulegt. Frekari greining er nauðsynleg til að skilja betur þann kostnað sem fallið hefur til í fjárfestingarverkefnum og er fjármálastjóra falið að útvega frekari kostnaðargreiningar á einstökum verkefnum.