22.07.2021 - Byggðaráð Blönduósbæjar

2101017

2107002

2009034

2107003

2107005

2107007

2107004

2107006

2107008

2107009

2107001F

• 11.1 2104003 Ægisbraut 2 - Umsókn um byggingarleyfi
  Skipulags-, umhverfis- og umferðarnefnd Blönduósbæjar - 75 Byggingaráformin eru samþykkt með fyrirvara um grenndarkynningu, þar sem breytingar hafa orðið á útlit hússins þarf að grenndarkynna verkefnið á nýjan leik. Kynningin skal ná til Ægisbrautar 3,4 og 6 og Húnabrautar 38. Umsækjandi er eigandi að húsum við Húnabraut 29 og 33 og Blönduósbæ að húsi að Ægisbraut 1.
• 11.2 1904023 Brautarhvammur - Umsókn um byggingarleyfi - hús nr. 42 og 43
  Skipulags-, umhverfis- og umferðarnefnd Blönduósbæjar - 75 Umrætt mál er eitt mál. Nefndin staðfestir fyrri afgreiðslu sína á málinu en vill bæta við að þær óverulegu breytingar á deiliskipulagi sem er verið að fara fram á hafa ekki áhrif á neinn nema sveitarfélagið sjálft og umsækjanda. Byggingaráformin eru því samþykkt. Afgreiðslan var borin upp og samþykkt með 3 atkvæðum (ABF, LAM,SÞJ). Óskað var eftir fundarhléi kl. 16:42. Fundi framhaldið kl.16:48. Á móti voru 2 (JÖS,ALE). Lögð var svohljóðandi bókun. Fulltrúar Ó-listans greiða atkvæði á móti og fallast ekki á að um óverulega breytingu sé að ræða. 16 m2 hýsi samræmist ekki gildandi skipulagi og hefur veruleg áhrif á ásýnd svæðisins. Sveitarstjórn Blönduóss hefur nú þegar hafnað erindinu og líta ekki svo á að um 1. mál sé að ræða og teljum við svo ekki vera. Bókun fundar Gunnar Tryggvi Halldórsson, fulltrúi Óslistans leggur fram eftirfarandi bókun:
  
  Á 55. fundi Skipulagsnefndar sem haldinn var 2. maí 2019 var erindið sem hér um ræðir tekið fyrir og því hafnað samhljóða af nefndarmönnum. Óskað var eftir að hvert hús yrði 16 m2 í stað 56m2, sem var lágmarks byggingarmagn í deiluskipulagi. Bókun Skipulagsnefndar var eftirfarandi 2. maí 2019:
  „Nefndin getur ekki fallist á að hvert hús verði 16 m2 á byggingarreit í stað 56 m2 sem er uppgefið lágmarksbyggingarmagn í deiliskipulagi og hafnar því erindinu samhljóða.“
  
  
  Hafði umsækjandi þá þegar farið í jarðvegsvinnu og tekið fyrir grunnum fyrir umrædd hús án byggingaleyfis. Í framhaldi er byggingarfulltrúa falið að láta umsækjanda lagfæra grunna sem teknir voru án leyfis, þ.e.a.s. fara fram á að umsækjandi mokaði aftur yfir grunna og loka sárum með túnþökum. Umsækjandi varð ekki við þeirri ósk og eru þessir grunnar enn opnir þegar þetta er ritað rúmum tveim árum síðar.
  Á 74. fundi nefndarinnar kemur málið aftur fyrir nefndina og þá óskað eftir breytingum á byggingarreitum fyrir tvö hús á lóð 42 og 43. Að auki fella út byggingarreit 44 og bæta við 5 bílastæðum. Samhliða var aftur óskað eftir byggingarleyfi fyrir tvö 16m2 hýsi á reitunum. Erindið var þá samþykkt þrátt fyrir að hafa verið hafnað samhljóða áður og núna með minnsta mun, 2 atkvæðum gegn 1, einn sat hjá og einn vanhæfur vegna skyldleika.
  
  Þegar fundargerð Skipulagsnefndar kemur fyrir sveitarstjórn vísar hún málinu til baka vegna formgalla á afgreiðslunni þar sem erindið væri í raun tvíþætt eða þríþætt, sem og að fullkomin sátt náðist ekki um erindið.
  
  Á 75.fundi Skipulagsnefndar kemur málið aftur fyrir nefndina og það afgreitt nær óbreytt frá nefndinni þrátt fyrir að sveitastjórn hafi vísað málinu aftur til frekari úrvinnslu Skipulagsnefndar.
  Hluti Skipulagsnefndar fullyrðir að um eitt mál sé að ræða og staðfestir afgreiðslu með 3 atkvæðum gegn 2 þrátt fyrir tilmæli sveitastjórnar og mótmæla hluta nefndarinnar.
  
  Í ljósi þess ferils sem hér á undan er rakinn er ég mjög undrandi á viðsnúningi fulltrúa L - lista í umsókn sem var hafnað samhljóða á 55. fundi Skipulagnefndar 2. maí árið 2019. Hvað gerðist þar bakvið tjöldin veit ég ekki en fyrir mitt leyti held ég mig við sömu niðurstöðu og skipulagsnefnd var samhljóða um á 55. fundi og greiði atkvæði gegn umræddri umsókn.
  
  Samþykkt með 2 atkvæðum (ABF SÞJ) gegn 1 atkvæði (GTH)
  
• 11.3 2106017 Umhverfisviðurkenning 2021
  Skipulags-, umhverfis- og umferðarnefnd Blönduósbæjar - 75 Nefndin fór yfir tilnefningar nefndarmanna. Ákveðið að skoða málið og bóka niðurstöðu hennar á næsta fundi.