09.11.2015 - Byggðaráð Blönduósbæjar

Fundargerð byggðasamlags Tónlistarskóla A - Hún frá 12. febrúar 2015 lögð fram til kynningar.

Fundargerð stjórnar Félags- og skólaþjónustu A - Hún frá 5. maí 2015 lögð fram til kynningar.

Fundargerð stjórnar Félags- og skólaþjónustu A - Hún frá 27. júlí 2015 lögð fram til kynningar.

Fundargerð stjórnar Félags- og skólaþjónustu A - Hún frá 15. september 2015 lögð fram til kynningar.

Fundargerð stjórnar fjölbrautarskóla Norðurlands Vestra frá 13. október 2015 lögð fram til kynningar.

Fundargerð stjórnar SSNV frá 15. október 2015 lögð fram til kynningar.

Fundargerð stjórnar Hafnarsambands íslands frá 23. október 2015 lögð fram til kynningar.

Fundargerð stjórnar sambands íslenskra sveitarfélaga frá 30. október 2015 lögð fram til kynningar.

Lagt fram erindi frá G. Ágúst Péturssyni vegna "Wild Entrepeneurs" umsóknar sem hlotið hefur vinnuheitið "Growth for Adventure Tourisn Entrepreneurs (GATE). Fyrirhugað er að sækja um stuðning við samstarfsverkefnið Wild Entrepreneurs í sk.
"Northern Pherepery Program (NPP)" en það er sjálfstæður samkeppnissjóður sem fjármagnaður er af Evrópusambandinu. Aðal umsækjandi verður bæjarfélagið Sligo á Norð - vestur Írlandi en gert er ráð fyrir að aðilar frá Íslandi, Skotlandi, Noregi og
Svíþjóð verði einnig með í umsókninni.

Blönduósbær samþykkir að gerast aðili að umsókninni.

Jóhanna G. Jónasdóttir, leikskólastjóri Barnabæjar, óskar eftir því við byggðaráð að klárað verði að afgreiða reglur leikskólans sem Fræðslunefnd samþykkti í febrúar 2015.

Byggðaráð stefnir á að ljúka málinu sem fyrst.

Ungmennafélag Íslands þakkar sveitarstjórn Blönduósbæjar góða aðstöðu og móttökur, USAH fyrir góða framkvæmd og glæsilega umgjörð á 5. Landsmóti UMFÍ 50 sem og sjálfboðaliðum fyrir það mikla sjálfboðaliðastarf sem lagt var fram í tengslum við mótið.

Byggðaráð tekur undir með Ungmennafélagi Íslands og þakkar öllum þeim aðilum er stóðu að mótinu og gerðu Landsmót UMFÍ 50 eins glæsilegt og raun bar vitni.

Sýslumaðurinn á Norðurlandi vestra óskar eftir umsögn Blönduósbæjar um umsókn Björns Þórs Kristjánssonar kt. 030563-5149, Húnsstöðum, f.h. Himins Sólar, kt. 590815-1010 um leyfi til að reka veitingastað í flokki II að Norðurlandsvegi, 540 Blönduósi.

Með vísan til 4. mgr. 1. tl. 10. gr. laga nr. 85/2007 um veitingastaði, gistiheimili og skemmtanahald, þar sem sveitarstjórn er falið að veita umsögn um afgreiðslutíma og staðsetningu staðar sem umsókn lýtur að sé innan þeirra marka sem reglur og skipulag sveitarfélagsins segja til um, veitir byggðaráð jákvæða umsögn.

Atvinnuvega-og nýsköpunarráðuneytið hefur fjallað um umsókn Blönduósbæjar um byggðakvóta fyrir fiskveiðiárið 2015/2016. Niðurstaða ráðuneytisins er 45 þorskígildistonn.

Byggðaráð samþykkir eftirfarandi undanþágu frá reglugerð nr. 605/2015, um úthlutun byggðakvóta til fiskiskipa á fiskveiðiárinu 2015/2016.
a) 4. gr. reglugerðarinnar breytist þannig:
„Skipta skal 75% úthlutaðs byggðakvóta jafnt milli þeirra fiskiskipa sem uppfylla skilyrði 1. gr. reglugerðarinnar og 25% skal úthlutað til fiskiskipa sem orðið hafa
fyrir samdrætti í veiðum á rækju í Húnaflóa skipt í hlutfalli við hlutdeild í Húnaflóarækju 1. september 2015.“
b) Vinnsluskylda er felld niður en löndunarskylda er miðuð við Blönduós eða Skagaströnd og því orðast 1. og 2. ml. 1. mgr. 6. gr. reglugerðarinnar
þannig:
„Fiskiskipum er skylt að landa þeim afla sem telja á til byggðakvóta á tímabilinu frá 1. september 2015 til 31. ágúst 2016 í Blönduóshöfn eða Skagastrandarhöfn. Aflinn skal nema, í þorskígildum talið, jöfnu magni þess aflamarks sem þau fá úthlutað samkvæmt reglugerð þessari.“