23.11.2016 - Byggðaráð Blönduósbæjar

Fundargerð Sambands íslenskra sveitarfélaga lögð fram til kynningar.

Fundargerð stjórnar SSNV lögð fram til kynningar.

Fundargerð stjórnar SSNV lögð fram til kynningar.

Fundargerð stjórnar Hafnarsambands íslands lögð fram til kynningar.

Fundargerð veiðifélags Blöndu og Svartár lögð fram til kynningar.

Hestasmannafélagið Neisti óskar eftir því að fá aðgang að námunni við gamla reiðvöllinn í Kúagirðingunni til efnistöku til áburðar í reiðvegi á Blönduósi.



Byggðaráð felur tæknideild að vinna frekar að málinu og koma með tillögu að lausn málsins.

Hestamannafélagið Neisti óskar eftir fjárstyrk vegna framkvæmda við reiðvegi á árinu 2017 að upphæð 500.000 kr.



Byggðaráð vísar málinu til afgreiðslu fjárhagsáætlunargerðar 2017.

Atvinnuvega-og nýsköpunarráðuneytið hefur fjallað um umsókn Blönduósbæjar um byggðakvóta fyrir fiskveiðiárið 2016/2017. Niðurstaða ráðuneytisins er 27 þorskígildistonn.



Byggðaráð samþykkir eftirfarandi undanþágu frá reglugerð nr. 641/2016, um úthlutun

byggðakvóta til fiskiskipa á fiskveiðiárinu 2016/2017.

a) 4. gr. reglugerðarinnar breytist þannig:

„Skipta skal 75% úthlutaðs byggðakvóta jafnt milli þeirra fiskiskipa sem uppfylla

skilyrði 1. gr. reglugerðarinnar og 25% skal úthlutað til fiskiskipa sem orðið hafa

fyrir samdrætti í veiðum á rækju í Húnaflóa skipt í hlutfalli við hlutdeild í

Húnaflóarækju 1. september 2016.“

b) Vinnsluskylda er felld niður en löndunarskylda er miðuð við Blönduós eða Skagaströnd og því orðast 1. og 2. ml. 1. mgr. 6. gr. reglugerðarinnar

þannig:

„Fiskiskipum er skylt að landa þeim afla sem telja á til byggðakvóta á tímabilinu frá

1. september 2016 til 31. ágúst 2017 í Blönduóshöfn eða Skagastrandarhöfn. Aflinn skal nema, í þorskígildum talið, jöfnu magni þess aflamarks sem þau fá úthlutað samkvæmt reglugerð þessari.“

Sýslumaðurinn á Norðurlandi vestra óskar eftir umsögn Blönduósbæjar um umsókn, Helga M. Magnússonar kt. 610504-3290, Tjarnargötu 47 101 Reykjavík f.h. Hótel Blöndu ehf, kt. 610504-3290, um leyfi til að reka hótel í flokki V að Aðalgötu 6 540 Blönduósi.

Með vísan til 4. mgr. 1. tl. 10. gr. laga nr. 85/2007 um veitingastaði, gistiheimili og skemmtanahald, þar sem sveitarstjórn er falið að veita umsögn um afgreiðslutíma og staðsetningu staðar sem umsókn lýtur að sé innan þeirra marka sem reglur og skipulag sveitarfélagsins segja til um, veitir byggðaráð jákvæða umsögn.“

Sýslumaðurinn á Norðurlandi vestra óskar eftir umsögn Blönduósbæjar um umsókn, Helga M. Magnússonar kt. 610504-3290, Tjarnargötu 47 101 Reykjavík f.h. Hótel Blöndu ehf, kt. 610504-3290, um leyfi til að reka gististað í flokki II að Blöndubyggð 10 540 Blönduósi.

Með vísan til 4. mgr. 1. tl. 10. gr. laga nr. 85/2007 um veitingastaði, gistiheimili og skemmtanahald, þar sem sveitarstjórn er falið að veita umsögn um afgreiðslutíma og staðsetningu staðar sem umsókn lýtur að sé innan þeirra marka sem reglur og skipulag sveitarfélagsins segja til um, veitir byggðaráð jákvæða umsögn.“

Rúna Gísladóttir býður Blönduósbæ að yfirtaka brúðusafnið sitt Brúðubörn til umsjár og varðveislu.



Byggðaráð þakkar framkomið erindi og þann heiður sem sveitarfélaginu er sýndur. Byggðaráð felur sveitarstjóra að leita til stjórnar Heimilisiðnaðarsafnsins og stjórnar Textílseturs Íslands um hvernig koma megi brúðunum fyrir með farsælum hætti.

Samningum um snjómokstur og söndun í Blönduósbæ 2013-2016 rann út í maí á þessu ári. Um er að ræða tvo verktaka annars vegar Ósverk ehf. sem sér um snjómokstur á Blönduósi og hins vegar Sorphreinsun VH ehf. sem sér um söndun og snjómokstur á gangsleiðum. Samhljóma ákvæði er í báðum samningum um að heimilt sé að framlengja hvorn samning í eitt ár í senn.



Byggðaráð samþykkir að framlengja báða samningana til vors 2017 og felur tæknideild að undirbúa útboð á snjómokstri vorið 2017.

Byggðaráð samþykkir að fela tæknideild að setja ljósleiðarakerfi Blönduósbæjar í söluferli.