31.05.2017 - Byggðaráð Blönduósbæjar

Fundargerð Sambands Íslenskra sveitarfélaga lögð fram til kynningar.

Fundargerð Farskólans lögð fram til kynningar.

Byggðaráð telur að tjónið megi rekja til rangra tenginga fyrrum lóðarhafa og felur sveitarstjóra og Tæknideild að svara bréfritara.

Ágúst Þór Bragason, yfirmaður tæknideildar og Katrín Sif Rúnarsdóttir mættu á fundinn og fóru yfir stöðu framkvæmda og vinnu við nýja heimasíðu hjá sveitarfélaginu. Í framhaldi af umræðu á fundinum samþykkir byggðaráð að kaupa ærslabelg á skólalóð og felur tæknideild frekari útfærslu á hugmyndum um leiktæki á skólalóð í samráði við skólastjórnendur. Framkvæmdir eru hafnar við Hnjúkabyggð 27 þar sem haldið verður áfram með gluggaskipti og málningu á húsinu. Þá er stefnt að því að Blönduskóli verði málaður og að sett verði klæðning á Brekkuna í Aðalgötunni. Katrín Sif sýndi byggðaráði nýja heimasíðu Blönduósbæjar og er vinna við hana langt komin.

Gert var fundarhlé frá 17:00-18:30

Á fundi Skipulags-, umhverfis- og umferðarnefndar 31. maí 2017 var tekið fyrir erindi frá Ámundakinn ehf. þar sem sótt var um lóð að Hnjúkabyggð 34 skv. deiliskipulagstillögu í stað Hnjúkabyggðar 38. Í bókun Skipulags-, umhverfis- og umferðarnefndar var tekið jákvætt í erindið og mælt með að byggðaráð úthluti eftirfarandi lóð með fyrirvara um samþykki Skipulagsstofnunar á deiliskipulaginu og auglýsingu þess í B - deild Stjórnartíðinda.

Byggðaráð samþykkir að úthluta Ámundakinn ehf. lóðinni að Hnjúkabyggð 34 í stað Hnjúkabyggðar 38 með fyrirvara um samþykki Skipulagsstofnunar á deiliskipulaginu og auglýsingu þess í B-deild Stjórnartíðinda.