Tilkynning

Ágætu íbúar

Vildi vekja athygli á að aðgerðastjórn Almannvarna umdæmisins hefur verið virkjuð vegna fyrirhugaðs óveðurs aðfaranótt mánudags. Appelsínugul veðurviðvörun er fyrir allt landið og allar líkur eru á að hættustigi almannavarna verði lýst yfir á öllu landinu. 

Aðgerðastjórn vinnur að því að virkja hina ýmsu viðbragðsaðila af þessu tilefni, t.d. björgunarsveitir. Þá vinnur LNV að tilkynningu til íbúa umdæmisins sem birt verður á samfélagsmiðlum þar sem fólk verður varað við.

Af þessu tilefni leggur aðgerðastjórn áherslu á eftirfarandi:

• Búast má við samgöngutruflunum og að vegir muni lokast og/eða verði lokað. Af því tilefni verður fólk varað við því að vera á ferðinni aðfaranótt mánudags og fram eftir mánudegi.
• Búast má við rafmagnstruflunum og þurfa íbúar að búa sig undir það.
• Íbúar eru beðnir um að ganga vel frá öllum lausum munum sem geta fokið.
• Bændur eru hvattir til þess að huga að skepnum sínum sem dvelja úti.
• Skólastjórnendur eru hvattir til þess að aflýsa skólahaldi á mánudag.
• Ábyrgðarmenn hafnarmannvirkja og eigendur báta eru beðnir um að gera allar mögulegar ráðstafanir til þess að koma í veg fyrir tjón á bátum og mannvirkjum, t.d. með því að tryggja að bátar losni ekki frá landfestum. 

Vildi upplýsa ykkur um þetta og hvetja ykkur jafnframt til þess að bregðast við þessu.