ATH. frestað um óákveðinn tíma
Næstkomandi sunnudag 19. maí kl. 14-18 verður haldið rathlaupanámskeið við Húnaskóla í boði Húnabyggðar og Rathlaupafélagsins Heklu.
Rathlaup er hlaupaíþrótt sem stunduð er á opnum svæðum bæði innan og utan þéttbýlis. Þátttakendur fá kort af hlaupasvæðinu og eiga með aðstoð þess að fara á milli stöðva sem merktar eru á kortið. Hver og einn hleypur eða gengur á sínum hraða, þetta er því tilvalin íþrótt fyrir allan aldur.
Kennt verður að lesa rathlaupakort og kortatákn, að setja upp völundarhús, rötunaræfingar og stutt hlaupa/göngubraut verður sett upp í nágrenni skólans. Einnig verður sett upp lengri braut sem nær allt að 5 km í loftlínu frá skólanum.
Kennsla fer að mestu leyti fram utandyra og því mikilvægt að klæða sig eftir veðri.
Leiðbeinendur eru: Gísli Örn Bragason og ÓIafur Páll Jónsson, rathlauparar.
Námskeiðið er styrkt af Lýðheilsusjóði og Samfélagssjóði Landsvirkjunar.
Vinsamlegast skráið ykkur hér: https://forms.office.com/e/PCePKD6t30
Allir velkomnir!