Neyðarkall björgunarsveitanna á sér orðið langa sögu að baki þar sem það hófst árið 2006 og er því um að ræða 16. skipti sem björgunarsveitirnar bjóða almenningi að styðja starf þeirra með því að kaupa Neyðarkall.
Hagnaður af sölunni rennur til björgunarsveita og slysavarnadeilda og er hann notaður til að efla og styrkja starfið. Í gegnum tíðina hefur almenningur haft mikinn skilning á störfum björgunarsveita enda veit fólk að þegar neyðarkall berst bregðast þær hratt við með allan sinn mannskap, búnað, tækni og þekkingu.
Sala á Neyðarkalli hjá Björgunarfélaginu Blöndu á Blönduósi fór fram fram 4. til 7. nóvember 2021.
Stærri útgáfa af neyðarkallinum var einnig til sölu hjá Björgunarfélaginu Blöndu fyrir þá sem vildu styrkja sveitina með hærri upphæð og Blönduósbær keypti að sjálfsögðu þessa stærri gerð af kallinum.
Á myndinni eru Valdimar O Hermannsson sveitarstjóri og Ólafur Sigfús Benediktsson fyrir hönd Björgunarfélagsins Blöndu.