Hreinsun á götum bæjarins

Götur og gangstéttar verða sópaðar í þéttbýlinu á Blönduósi á næstu dögum.  Afar mikilvægt er að ökutækjum sé ekki lagt á götur á meðan, þannig að hægt sé að sópa meðfram öllum kantsteinum. Margir íbúar hafa tekið sig til og sópað lausu efni af innkeyrslum og gangstéttum við húsin sín og hjálpa þannig til við hreinsum bæjarins. Æskilegt er að möl með salti sé ekki sópað á graseyjar, heldur út á götu. Það er til mikillar fyrirmyndar og hvatning til annarra að taka til hendinni og sópa í kringum sig.