Foreldrafélag Barnabæjar gaf leikskólanum Barnabæ nú á dögunum segulkubba, 220 stk. Magna Tiles segulkubbarnir eru mjög vinsælir kubbar hjá 3ja ára og eldri. Segulkubbarnir eru tilvaldir til að efla sköpunargáfu barnanna, vísindi, tilraunir, stærðfræði og fleira.
Skólinn hefur átt Magna Tiles kubba sem hafa verið það vinsælir að þeir eru alltaf í notkun og geta færri notað þá en vilja. Nú verður bragabót á þökk sé foreldrafélaginu að fleiri en ein deild getur verið með þá í notkun í einu.
Foreldrafélag Barnabæjar hefur í gegnum tíðina styrkt leikskólann Barnabæ í kaupum á góðum og vönduðum leikföngum sem hafa komið sér vel fyrir starfsemi skólans.
Ásamt því að styrkja leikskólann með gjöfum, þá sér foreldrafélagið um að skipuleggja litlu jólin, gefur jólagjafir til barnanna, sér um sumarskemmtun leikskólans og gefur útskriftargjöf til elsta hóps.
Það er ómetanlegt fyrir skólann að hafa foreldrafélag sem styrkir og stendur þétt við bakið á skólanum.
Leikskólinn Barnabær þakkar foreldrafélagi Barnabæjar innilega fyrir góða gjöf.
Fyrir hönd nemenda og kennara
Sigríður Helga Sigurðardóttir leikskólastjóri.