Í sumar hefur verið mikill gangur í byggingu verknámshúss við Blönduskóla, viðbyggingin er ein hæð og kjallari. Nýja viðbyggingin tengist við ,,Gamla skóla" en nýbyggingin mun hýsa kennslustofur fyrir list- og verkgreinar á 1. hæð þ.e.a.s Heimilsfræði-, textíl-, smíða- og listnámsstofa en tæknirými og fleira er í kjallara. Hægt verður að keyra niður ramp niður í kjallara. Viðbyggingin er kærkomin en hingað til hafa list- og verkgreinar verið kenndar í Blönduksóla, Þverbraut 1 og í Gamla kvennaskólanum, því mikið ánægjuefni að öll kennsla muni fara fram á sama stað. Húsið er uppsteypt með Lett-Taks þakeiningum á þaki og teiknað af Ágústi Hafsteinssyni, arkitekt hjá Form ráðgjöf ehf. Einnig hafa framkvæmdir við skólalóðina haldið áfram og m.a. búið að malbika fyrir framan eldri byggingarnar sem og viðbygginguna.
